FONDATEUR DE CLAIRVAUX
A Clairevaulx, en cette sépulture, Gistdame Aeletlv, humble entre les haultaines, Née à Monbar, où print sa nourriture, Puis espousa le seigneur de Fontaines ; Illecvesquit par ans et par sepmaines, Soubs Tecelin, son espoux somptueux :
Mais en faisant ses actions humaines, Avoit le cueur dévot et vertueux.
La noble dame eut sept enfans :
Six fils et une fille saige ; Tous victorieux, triomphans Sur péché et sur vain usaige.
La mère, par son sainct langaige, Leur donnoit admonition Comme pour vivre en hermitage Ou entrer en religion.
Au Créateur les oflroit humblement L'un après l'autre, comme ils naissoient ; De son tetin bailloit nourrissement, Et d'autre laict jamais ne repaissoient. En ce fesant, la nature prenoient Et bonnes mœurs de la mère notable ; Par quoi, enfin, vertueux devenoient, Car arbre bon porte fruit profitable.
Ainsi se gouvemoil la dame
En tonne de religieuse,
Qui, servant Dieu de corps et d'ame,
Estoit miséricordieuse.
Sa famille dévolieuso,
Soubs crainte de Dieu, sulistenloit
De viande non curieuse,
Mais de gros mets la contentoit.
De ses enfans saint Bernard fut le tiers. Si en songea quand elle le portoit, Et touttefois elle ouyt voulentiers L'interpréteur qui le vray lui comptoit ; Car pour certain son songe denotoit Que ce seroit un saînct prédicateur Pour corriger le monde, qui estoit Plain de péchés et prévaricateur.
Des lors elle diligenta Sur Bernard l'enfant précieux ; Premier l'offrit et présenta A Jesus-Christ, roy glorieux; Et pour le rendre copieux En lettres et en sapience, A Chastillon, lieu spacieux, Le mit pour aprendre science.
Quand ses enfans furent grands et par- Elle entendit à reigler sa maison, [fais.
Continuant aumosnes et bienfais, Veillant de nuict en jeune et oraison.
Ainsi vivant comme en religion, Il pleut à Dieu pourvoir de son trespai, Pour lui -donner la rétribution Avec les saincts, en céleste repas.
Si lui print une enfernieté Dont elle passa de ce monde, Et à Dieu, sans difficulté, Rendit son ame pure et monde ; Car comme celle qui se fonde En totalle dévotion, Par contemplation profonde, Reçut son extrême unction.
Les gens d'Eglise avec autre mesgnie, Clercs, prestres, lais , à son définement furent presens, chantant la letanie, Comme il affiert au digne sacrement.
Lors, répondant de cueur dévotement Et demonstrant qu'elle estoit saincte dame, Sur certain pas se signa humblement, Et, ce faisant, rendit à Dieu son ame.
Mais, avant rendre l'ame à Dieu, Elle fit de la croix le signe, Et ne peut remettre en son lieu Sa main dextre noble et insigne.
Ainsi trespassa la très digne, En bonnes mœurs accoustumée, Qui en l'église Sainct-Benigne Reveremment fut inhumée.
Puis sainct Bernard ne cessa nuict et jour De remonstrer aux frères et amis Qu'il convenoit aller prendre séjour En lieu dévot, les biens mondains obmis; Mais André fut négligent et remis, Qui, en ce tems, bon chevalier estoit.
Finalement, quand beaucoup y eut mis, Sa mère vit qui les admonestoil.
Saint Bernard et André; son frère, Parlant de la religion Après le trespas de leur mère, En eurent clerc vision Qui de leur bonne intention Se soubsrioit devant leurs yeulx, Et monstroit exhortation De procéder de bien en mieulx.
En l'an qu'on dit mil deux cens et cin- La saincte dame avec Dieu exaltée, [quante, Pour nous causer dévotion plaisante, Fut de Dijon à Clerevaulx portée ; Après qu'on eut la place disposée En ce beau lieu, nommé Sainct-Salvateur, Par gens de bien y fut mise et posée Près de son fils, saincrBernard le docteur.
Prions Dieu par dévotion Qu'il nous gard de chose temère, Et que, par l'intercession Tant du fnVcomme de la mère, Face florir ce'monastère En toute vertu vénérable, Puis, après cette vie austère, Nous doyent sa gloire perdurable .
Amen (1).
(1) Collection de M. Carnakdbt. — Monuments de Clairvaux. — Cette légende, composée par Guillaume Flameng, chanoine de Langres ( 1480-1510), était écrite au-dessus du tombeau de la dame de Fontaine, dans l'église de l'abbaye deClairvaux.
