LE COMTE DE CHAMPAGNE

ET LES CHAMPENOIS AU SIÈGE d' AVIGNON-

Mais li sire des Gampegnois N'i esploita vallant II nois ; Car en la vile et l'aparent Manoient auques si parent :

N'onques el castiel d'Avignon Cevalier, siergant ne vignon Ni closent pour lui porte u bare; Quar fille ert au roi de Navare Sa mère; s'en devoit oirs iestre.

Si vot garder aus et lor iestre, Et moult souvent à aus parloit, Et disoit leur çou qu'il voloit.

S'en estoient plus fiers assés ; Quar moût en i ot amasés Qu'oumes que femes en la vile, Qui, doit-on, bien L mile, Tôt sans biestes et sans enfans.

A aus parloit li quens tos tans ; Et moult souvent al roi disoit Qu'ai siège n'avoit point d'esploit; Tant que li rois, ki ne Y créi, Le blastenga'et mescréi.

Et li quens s'en est coureciés ; Par devant le roi s'est dréciés, Si a pris congiet par courous ; Et li rois li dist, oïant tous, Que, s'il laisoit cnsi sa gierre,

Jamais rien ne clamast à tiùre, Qu'il tenist de lui à nul jour.

Puis i fu III jours à soujour Li quens Tiébaus ; et puis en fist À miénuit, si comme on <list, Son harnas mener coiement; Et puis s'en ala voirement, Comme marcéans, fors de l'ost, II luiees, aine jour moult tost.

Et lendemain si s'en alèrent Si cevalier, ki dolant èrent.

Mais li ribaut et li boucier, Vallet, garçon et çavetier, Les ont de tost aler semons À çavates et à poumons, Et les clamèrent fos et faus.

Si fu vertes que, par consaus, Fu li quens d'esrer si destrois Qu'une jornée fist de III (1).

(1) Chron. de Ph. Mouske, vers 26173. —Louis VIII, pour détruire la puissance des comtes de Toulouse, entreprit la guerre dite des Albigeois.— Thibault IV, comte de Champagne, comme vassal, dut le suivre ; mais, du chef de sa mère Blanche de Navarre, il se trouvait être l'héritier présomptif du trône de Navarre. Ses parents maternels se trouvaient les alliés du comte de Toulouse ; ils exercèrent sur son esprit léger et inconstant une influence fâcheuse, et le comte chansonnier, malgré le roi , quitta l'armée. Cette désertion est une des taches que porte avec elle la mémoire de Thibault. Les Champenois, comme le dit le chroniqueur, n'y prirent part qu'avec un vif regret.