LA CHANSON DE LA SIXIÈME CROISADE

Signor, sachiez qui or ne s'en ira; En celé terre, où Diex fu mors et vis, Et qui la crois d'outremer ne prendra, A peine mais ira en paradis.

Qui a en soi pitié et remembrance Au haut Seignor, doit querre sa vengeance Et délivrer sa terre et son païs.

Tout li mauvais demorront par deçà, Qui n'aiment Dieu, bien, ne honor, ne pris. Et chascuns dis : — Ma feme que fera?

Je n' la lairoie à nul fuer mes amis. Cil sont assis en trop foie atendance; Qu'il n'est amis, fors que cil sans doutance Qui pour nos fut en la vraie crois mis.

Or s'en iront cil vaillant bacheler , Qui aiment Diex etl'onour de cestmond, Qui sagement veulent à Diex aler ; Et li morveus , li cendreus demourront. Avugles est, de ce ne dout' je mie, Qui un secours ne fait Diex en sa vie, Et pour si poc pert la gloire del mond.

Diex se laissa por nos en croix péner Et nous dira, aujouroùtuit venront :

—Vos, qui ma croix m'aidâtes à porter,

Vos en irez là où mes anges sont :

Là me verrez et ma mère Marie.

Et vos, par qui je n'oi onques aïer Descendez tuit en enfer le parfond.

Chascuns cuide demourer tôt haitiés , Et que jamais ne doive mal avoir :

Ainsi les tient ennemis et péchiez ; Que ils n'ont sens, hordement ne pooir. Biau sire Diex, ostez nos tel pensée , Et nos metez en la vostre contrée Si saintement, que vos puissons véoir !

Douce dame, roine coronée, Proiez pour nos, Vierge bien eurée !

Et puis après ne nos puet meschéoir.

(1) Thibault IV, comte de Champagne et roi de Navarre, auteur de cette chanson, avait été condamné à faire une croisade pour'cxpier sa turbulence et sa trahison. Les barons de France, qui avaient fait la guerre avec et contre lui, devaient l'accompagner. Cette expédition eut lieu en 1236. Thibault, qui en était le chef, adressa ces couplets à ses compagnons d'armes et à ses vassaux. Cette guerre fut conduite avec bravoure, mais n'amena aucun résultat utile.