CY COMENCHE LE PROLOGUE

DU DYALOGUE SAINT GREGORE.

David le prophète commande

Et a tooz par son psautier mande

Que Dieu soit en ses sainz loé.

Celuy par trop est erroé

Et bien en doit avoir reprouche 5

Qui ne peut de cuer et de bouche

Dieu en ses sainz glorifier

Et henourer et mercier. [ble,

Mes, quant bouche et cuer sont ensem-

La chose en vaut miex, ce me semble.

Autrement, ce dit Ysaïe, 1 1

Est-ce mal et ypocrisie,

Et saint Mahieu, qui ce recorde

En l'Evangyle, s'i acorde

Et dit qu'acuns des lèvres ourent 1 5

Mès les cuers loing de Dieu demorent ;

Chascun doit Dieu loer de cuer

Soit en eglyse ou hors de cuer.

Face donc chascun des sainz feste

Quant Dieu si bel en admonneste 20

Et les malades et les sains ;

Quer, qui de cuer loe les sains,

Il en retient, bien dire l'os,

Devers soy Teneur et le los.

Or doit l'en entendre et savoir 25

Qui leur veut heneur fere avoir,

L'en doit ramentevoir leur fez

Sanz mentir, sanz dire en seurfez,

Quer ce n'est mie leur entente

Que nulz, pour els loer, mente, jo

Quer ja plus glore n'en auraient

Ne ja por ce grey n'en sauraient ;

Mès leur bons fez, leur bonne vie

Est-ce bien reson que l'en die.

L'en loe Hector et Achillès, 3 $ Et autres, dont plus de mil lès, Qui mout souvent leur cors penerent

Pour le fet d'ames qu'il menèrent,

Et si n'estoit et n'est encore

Que pour .1. poy de vaine glore. 40

Aucuns coquars par leur folie

Dient par leur mélancolie

De pluseurs les grans menteries,

Dont les ames sont ja peries.

Dieu ne veut que nul homme lot 45

Ne Parcheval, ne Lancelot ;

Quer tant n'est fors trufle et menchonge ;

Un coquart le trouva en songe,

Qui tel folie fete en a

Que les menchonges ordena ; 50

Tel menchonge est foie et mauvèse;

Ne cuide nuly qu'à Dieu pleise.

L'en a fet mainte forte jouste

Et maint fet d'armes qui mout couste,

Ou maint homme a esté blechié 5 $

Par grant orguyel et par pechié;

Mès cels qui ce font, quant a voir,

Font tout cela pour los avoir

Et quant telz gens seuffrent tant peine

Pour .1. petit de glore vaine, 60

Donc doit on bien sans contredit,

Puisque Dieu le commande et dit,

Loer les sainz de paradis,

Qui tant ourent paine jadis

Et non mie pour vanité, 65

Mès pour cognoistre vérité.

Aucuns en furent martyrez Ars, escorciez et descirez, Et mis a persécution ; Aucuns par contemplation 70 L'amour de Dieu bien deservirent Quer tout le Monde relenquirent ; Les autres, dont il i a tant S'alerent forment combatant

LA VIE DE S. GI

Encontre les temptacions 75

En souffrant granz afflictions,

Mès els vainquirent en la fin ;

Pour ce sont il vers Dieu afin ;

Tels ne furent pas enleurdis,

Quer en leur fez et en leur dis 80

Furent toujours humiliant.

Les autres en estudiant

Metoient grant paine et grant cure

En savoir la sainte escripture ;

Tels doit sainte eglyse honeurer, 85

Quer au jor d'uy peùst plourer

Et estre mout desconfortés

Se par els ne fust enortée ;

Quer leur science et leur doctrine

Toute sainte eglyse enlumine 90

Et garnist devant et derrière,

Si qu'el ne craint cop de perriere

Ne assaut de nul mescreû.

Le peuple Dieu est acreû

Et tout Testât de sainte eglyse 95

Par la cure qu'els y ont mise,

Par les .1111. especiaument

De cui l'en fet principaument

En l'eglyse solemnité :

Augustin, qui la trinité 100 Par son sens si bien devisa Qu'autres clercs bien en avisa :

[Cil] fist si grant foison de livres Que nul ne se verrait délivres Qui a lire les emprendroit, 10$ Quer jamès a fin n'en viendrait.

L'autre doctor fut saint Ambroise, Qui souffri mainte grande noise, Si con l'en treuve en l'escripture, Pour l'eglyse et pour sa droiture, 1 10 Et fist tant d'exposicions Qu'encor sont ses opinions Tenus et amez et creûz Pour confondre les mescreûz.

Ces .11. doctors evesques furent, 1 1 5 Et tous .II. sainte eglyse acrurent; Mès saint Ambroise son priz a, Quer saint Augustin baptiza.

Et saint Jeroime fut le tiers, Qui fut très sage entremetiers 120 Et très loyal et très pesible Pour translater toute la bible D'ebrieu et de grec en latin ; Romania,VIll

30IRE LE GRAND Ji;

Maint jour en leva mout matin ; Tant fist et tant estudia 1 2 5

Que sainte eglyse edyfia ; Icestuy fut cardinal prestre.

Mout est creû, si doit il estre, Quer sainte eglyse est esclergie De son sens et de sa clergie. 1 30 Le quart doctor fut saint Gregore, Dont je tretteray quant a ore, Et je m'en doy bien entremettre ; Je fuy mis a sa feste a letre, Et, combien que petit en sache, 1 3 5 A grant honour ma vie en sache ; Si en suy a ly plus tenu ; Pour ce m'en est il souvenu.

Charitables hons fut et sage ; Il fonda de son héritage 140 Sept monstiers et fut ou septi(e)sme Moine et père abbé il meïsme ; Icestuy fut pape de Romme; L'escripture plus le renomme Que nul des autres et le prise, 145 Quer il fut chief de sainte eglyse. Onques cestuy ne reposa ; La sainte escripture glosa Si bien qu'il n'i a que reprendre, Mès toujors i peut l'en aprendre ; 1 50 Mout fut de grant auctorité.

Sus Job fist la Moralité Qui devrait a .1. clerc souffire S'en sa vie la poueit lire, Et si fist il le Dyalogue, 1 5 5

Et a chascuns très beau prologue ; Et si refist tant d'omelies Si bêles et si bien polies Qu'il n'est nul qui bien les oïst A cui tout le cuer n'esjoïst ; 160 Et si fist il le Pastoral, Qui est si bon et si moral Que prélat n'i porroit mesprendre Qui bien i voudrait garde prendre.

Et, pour ce qu'il m'est bien avis 165 Que je n'ay mie tant d'avis Ne que mon sens ne peut soufire A rien de saint Gregore dire Qui li doie par reson plere, Un ad vocat me convient fere 170 Qui pour moy vueille Dieu prier Que grâce me vueille otroier

SU

De retrere et dire tel chose Que saint Gregore a la pardose S'en vueille tenir pour content, 175 Quer c'est ce ou ma reson tent.

Mes, ains que plus avant m'enbate, Je requier la bonne advocate, La très douce vierge Marie, A cui nule ne s'aparie, 180 Cele qui au besoig ne faut, Qu'amander vuielle mon défaut Et me vueille si afetier Que je puisse si bien tretier De saint Gregore et de ses fès 185 Qu'aegier en puisse mesfès, Et mon dit soit si délectable Qu'a plusours gens soit profitable; Mès nul homme ne doit entendre Que touz ses fès pense a comprendre.

Nenil; je ne suis pas si rogue; 191 J'entent sans plus le Dyalogue, Qu'en .1111. livres composa Ou grant plenté de beaus mos a, De latin en franchoiz estrere, 195 Et je croy que mout devra plere A celz qui de cuer l'entendront, Quer moult de bien i aprendront.

Sainte église mout le renomme.

Quatre livres contient en somme 200 Et chascun livre a ses chapitres Et chascun chapitre ses titres.

.XII. chapitres, ce me semble, Contient le premier livre ensemble, Et .XXXVIII., ceu dit la letre, 20$ En vout u second livre mètre, Et le tiers .XXXVIII. en a, Saint Gregore ainsi l'ordena, Et le quart livre a, je m'en vante, De chapitres .II. et sexante. 210 Le bon douctour dont j'ey parley Si enquiest par lonc et par ley Des sains pères qui jadis furent, Et par celz qui bien les cognurent Sout il lour manière de vivre, 2 1 5 Et de ceu compila .1. livre Que Pierres, son clercq, li fist fere, Ou il a maint bel exemplere.

A. DE MONTAIGLON

Pierres li fesoit ses demandes,

Qui estoient bdes et grandes, 220

Et saint Gregore responnoit

Selon ce que reson donnoit,

Et saint Gregore pour cela

Le Dyalogue l'apela,

Quer ce vaut c parole de .II. 1, 225

Qui des fès aux sains parle et d'eus.

Je ne ferey pas chose neuve ;

Mès, si conme en ce lieu treuve,

Combien qu'il me doie couster,

Sans fausseté nule ajouster 230

A quoy je corrompe la letre,

Vueil le latin en franchoiz mètre.

Mès mout convendra metr' i vers,

Ou trop aura de moz divers

Si comme est aucun propre non, 235

Dont l'en ne soit ne 0 ne non

En France ne en ces parties,

Et nons de pluseurs abeîes,

De villes, de citez, de bours.

Mès, se je les nomme a rebours, 240

Ou mal proprement ou a honte,

Cels qui l'orront n'en tiegnent conte;

Toujours iert, nul ne s'en esmaie,

La sentence certeine et vraie.

Celz, se Dieu plest, preu i avront24$

Qui le sens du latin savront.

Et, se vie et santé avoie,

Mout volentiers, se je savoie,

Estreroie aprez ceu sa vie,

Non pas toute, mès en partie. 250

Et cil qui ne faut ne ne ment

Soit a cestuy commencement

Et si me vueille endoctriner

Que cest livre puisse affiner

Si bien qu'a saint Gregore plese. 25$

Or n'est pas temps que je me tese ;

Il n'i a point du reposer;

Son prologue vueil exposer

Et puis son livre tout a trenche.

Einsi saint Gregore commenche, 260

Non mie par parole fainte

Mès a manière de complainte,

Si comme il pert a sa parole,

Et a Pierres, son clercq, parole. 264

LA VIE DE S. GREGOIRE LE GRAND 5 I 5

Cy commencent Us chapitres du premier line du Dyalogue. Le premier de Henouré, l'abbé du monstier de Ponde. Le segont de Libertin, le prevost du monstier de Funde. Le tiers d'un moine, courtilher du monstier de Funde. Le quart de Equité, l'abé de la province de Valiere. Le quint de Constant, le mesnagier de l'eglyse Saint Estienne. Le siexte de Marcellin, l'evesque de Anthonice la cité. Le septiesme de Nonose, le prevost du monstier qui est appelé Soractis. Le huitiesme de Anastaise, l'abbé du monstier qui est apelé Supentone. Le noviesme de Boniface, l'abbé de la cité de Ference. Le diesiesme de Fortuné, l'evesque de Tudertine. Le onziesme de Martirey, le moinne de la province de Valiere. Le douziesme de Sever, le prestre de la province de Valiere. Ci commence le secont livre du Dyalogue que saint Gregore compila de la vie mon seigneur saint Benoiet. Vez ci Us chapitres :

Le premier du crible qui fut froissié que il ressouda. Le segont de la temptation de sa char que il sourmonta. Le tiers du verre que il rumpi par la vertu du signe de la croiz. Le quart du moine qui ne pouet ourer ne estre en pés, qu'il rapela a son salu. Le quint de l'eaue qu'il fist saillir de la pierre u caquevel de la montaigne. Le sieste du fer qui du fons de l'eaue retourna al manche. Le septiesme du disciple qui ala tôt a pié sus l'eaue sans affbnder. Le huitiesme du pain envenimé que le corbel emporta bien loing. Le nouviesme de la pierre que l'en ne pouet mouveir qu'il fist legiere par ourer. Le diesiesme du feu qui ardoit la cuisine, ce paroit, et ce n'estoit que fantosme. Le onsiesme du genne moyne que la parey escacha, que il gari. Le douziesme des moynes qui mengierent contre leur rieulle. Le tresziesme du frère le moyne Valentin. Le quatorzième du roy Totile qu'il reprist de sa faintise. Le quinsiesme de la prophétie qu'il dist de celuy roy Totile. Le .XVI. du clercq qui fut délivré du deable. Le .XVII. de la prophétie de la destruction de son monstier. Le .XVIII. du flascon qui fut mutié, que le saint Esprit li révéla. Le .XIX. des touailles que .1. moyne prist Le .XX. du moine qui s'enorgueilli en sa pensée et il fut bien prist. Le .XXI. de .CC. mieuz de ferme que l'en trouva devant sa celle par la famine. Le .XXII. du demonstrement qu'il fist du monstier de Tarente par vision. Le .XXIII. des nonnains qui demourerent en lour sepoutures en la sainte colation. Le .XXI III. du genne moyne que la terre jetoit hors de sa sepouture. Le .XXV. du moynne qui se départi de son monstier et encontrast .1. dragon en sa voie. Le .XXVI. du mesel qui fut guéri.

Le .XXVII. des .XII. sols qui furent trouvez par miracle qu'il donna a .1. détour. Le .XX VIII. de l'omme qui but le vin et il le guéri par touchier. Le .XXIX. de l'ampoule de verre qu'il jeta sur les roches sans depechier et du tonneau vuit qu'il emplit par ourer.

Le .XXX. du moyne qu'il délivra du deable. Le .XXXI. d'un vilein pris et lié qu'il délivra par son commandement. Le .XXXII. de l'omme mort qu'il resuscita. Le .XXXIII. du miracle de sainte Euscolace, sa seur. Le .XXXIII I. de l'ame de sa seur, comme elle parti du cors. Le .XXXV. de tout le monde qu'il vit devant soy ensemble.

5 1 6 A. DE MONTAIGLON

Le .XXXVI. de la rieulle aus moynes que il fist et ordena. Le .XXXVII. de la prophétie de sa mort qu'il denoncha a ses frères. Le .XXXVIII. de la famé erragie qui guéri en sa fosse.

Vey chi Us chapitres du tiers livre du Dyalogue : Le premier chapitre de saint Paulin, l'evesque de Nolane. Le segont de Jehan le pape.

Le tiers de Agapite, pape.

Le quart de Dace, l'evesque de Melan.

Le quint de Sabin, l'evesque de Canuse. Le .VI. de Casse, l'evesque de Narne.

Le .VII. de l'evesque Andrieu de Fonde. Le .VIII. de Constant, l'evesque de la cité d'Aquin. Le .IX. de Frigidien, l'evesque de Luque. Le .X. de Sabin, l'evesque de Plesence. Le .XI. de Cerbon, l'evesque de Populone. Le .XII. de Fulgent, l'evesque de l'église Utreculisse. Le .XIII. de Hailan, l'evesque de Perouse. Le .XIIII. de Ysaac, le serjant Dieu.

Le .XV. de Euthice et Florent, les serjans Dieu. Le .XVI. de Martin, le moyne du mont de Marsique. Le .XVII. du moyne du mont Argentier qui resuscita .1. mort. Le .XVIII. du moyne qui avoit nom Benoit. Le .XIX. de l'église saint Zenon.

Le .XX. du prestre Estienne de la province de Valiere. Le .XXI. de la pucele qui délivra .1. homme du deable. Le .XXII. d'un prestre de la province de Valiere. Le .XXIII. de l'abbé du mont Prenestin et de son prestre. Le .XXI III. de Théodore, coustour de Saint Pierre de Romme. Le .XXV. de Aconce, le coustour de Saint Pierre. Le .XXVI. de Mena, le moyne solitaire.

Le .XXVII. de .XL. vileins que les Lombars constraintrent a mengier les chars delour faus sacrefices.

Le .XX VIII. des chetis qui furent ochis pour ce qu'il* ne vourent aourer la teste d'une chievre.

Le .XXIX. de l'evesque Arrien qui avueugla.

Le .XXX. de l'église arrienne qui rat dédiée des Crestiens.

Le .XXXI. de Herminigilde, filz de Liuvigilde, roys des Gothiex, qui fut ocis par son père pour la foy crestienne.

Le .XXXII. des evesques d'Aufrique qui eurent les langues trenchiées.

Le .XXXIII. du saint homme Eleuthere.

Le .XXXIIII. des manières de compunction.

Le .XXXV. du prestre qui avoit nom Amant.

Le .XXXVI. de Maximien, l'evesque de Sarragosce.

Le .XXXVII. du prestre qui avoit non Sanctule.

Le .XXXVIII. de l'evesque Redut.

Ci fenist le tiers line du Dialogue.

Ci commenche le quart Ibre :

U premier chapitre desclaire que les choses espirituelz sont meins crues des hommes mortJez pour ce que il ne coignoissent pas par experiment ceu qu'eulz en oient dire et raconter.

Le segont, comme les mescreans ne vivent pas sans foy.

LA VIE DE S. GREGOIRE LE GRAND 517 Le tiers, comme .III. manières d'esperiz sont qui vivent.

Le quart, la question Salemon, savoir se la mort des hommes et des bestes est une. Le quint, la question pour quoy l'ame n'est veue quant elle part du cors. Le sixte, si comme l'en apérchoit la vie de l'ame u cors mortel par le mouvement des membres, ainsi la doit on penser après la mort du cors par la vertu des miracles. Le septiesme, du trespassement des ames.

Le huitiesme, du trespassement de l'ame Germain, l'evesque de Capes.

Le nouviesme, du trespassement de l'ame Spedeus le moyne.

Le diesiesme, de l'ame d'un reclus.

Le onziesme, de l'ame d'un abbé qui avoit non Espérance.

Le douziesme, du trespassement d'un prestre de la province de Neursie.

Le treziesme, du trespassement l'evesque Probe, de la cité de Rcatine.

Le .XIIH. du trespassement de Galle, la chamberiere Dieu.

Le .XV. du trespassement de Servulus le paralitique.

Le .XVI. de Romule, l'amie Dieu.

Le .XVII. de Tarsille.

Le .XVIII. de Muse la pucelle.

Le .XIX. comme le règne des cieulx est clos a aucuns enfans pource qu'eulz sont mauvesement nourris et endoctrinés de lour pères, et de l'enfant qui mesdit de Dieu. Le .XX. du trespassement Estienne, le serjant Dieu.

Le .XXI. comme la trinité (/. mérite) de l'ame n'est pas aucune foiz demonstrée en son trespassement, mès ele est desclairée aprez.

Le .XXII. des .11. moynes a l'abbé Valent.

Le .XXIII. du trespassement a l'abbé Suran.

Le .XXIIII. du trespassement dudyacre de Marse.

Le .XXV. de la mort de l'omme Dieu qui tut envoié en Bethel.

Le .XXVI. se les ames sont receues es ciex devant la résurrection des cors.

Le .XXVII. comme ceulx qui meurent dient aucune foiz aucunes choses a venir, et de la mort d'un advocat, et de la révélation de Gérance, et de la mort d'un enfant vachier, et de la diversité des langages.

Le .XXVIII. de la mort Theophane.

Le .XXIX. aussi corn l'en croit que les ames des bons sont en Paradis, aussi doit on croire que les ames des mauvez soient en enfer aprez lour mort.

Le .XXX. par quel manière l'en doit croire que le feu d'enfer, qui est corporel, puisse tenir les ames sans cors.

Le .XXXI. de la mort Theodoric, le roy amen.

Le .XXXII. de la mort Reparé.

Le .XXXIII. de la mort d'un curial de qui le feu àrst la sepouture.

Le .XXXIIII. comme les bons s'entrecognoissent en paradis, et les mauvez en enfer.

Le .XXXV. d'un homme religious qui vit les prophètes a sa mort.

Le .XXXVI. comme les ames d'aucuns, qui onques ne s'entrecoignurent vivans, s'entrecoignoissent aucune foiz au point de la mort quant, pour lour coupes, semblables tourmens ou, pour lour biaus fez, semblables louiers doivent rechevoir, et de la mort Jehan et Ursin et de Eumorphin et de Estienne.

Le .XXXVII. de cels qui sont menez, ce semble, ainsi corn par errour, hors de lour cors, et de la révélation Pierres le moyne et du resuscitement Estienne aprez sa mort et de la vision d'un chevalier.

Le .XXXVIII. de Dieudonna qui edefioit sa meson au samedi.

Le .XXXIX. de la paine des Sodomites.

Le .XL. comme aucunes ames, qui sont encore en lour cors apercheivent aucunes choses des paines espirituelz, et de Théodore et de la mort Crisore et de la mort du moyne Ysantie.

5 1 8 A. DE MONTAIGLON

Le .XLI. a savoir se le feu de purgatoire est aprez la mort. Le .XLll. de l'ame Paschase, le dyacre.

Le XLIII. pour quoi mont de choses sont apparoissans des âmes vers la fin du monde, qui devant estoient muchiées et couvertes.

Le .XL1I1I. en quel lieu l'en dote croire que enfer soit.

Le .XLV. a savoir s'il n'est que .1. feu d'enfer ou plusours.

Le .XLVI. se chelz qui sont en enfer ardront toujours sans fin.

Le .XLVII. comme est l'a [me] dite immortel s'einà est qu'elle soit punie par dampnement de mort.

Le .XLVII I. comme l'ame est immortel en mourant.

Le .XLIX. d'un saint homme qui s'esbahi a sa mort.

Le .L. de .111. hommes desquiez l'un avoit non Antoine et l'autre Merle et le tien Jehan.

Le .LI. a savoir se l'en doit croire en songes et quantes manières sont de songes et de celuy a cui l'en pramist par songe a vivre longuement et il fut mort en brief espace.

Le .LU. a savoir s'il profite aux ames se tour cors sont enterrez en églises.

Le .LUI. d'une nonnain qui fut enterrée en l'église saint Lorens, le martir, qui apparut demie arse.

Le .LUI. de la sépulture Valerien.

Le .LV. du cors Valentin qui rut jetté hors de terre aprez sa mort.

Le .LVl. du cors d'un teinturier qui fut enterré en une église, et aprez ne fut pas trouvé en son sépulture.

Le .LVl I. quel chose peut edier aui ames aprez la mort, et du prestre de Centencelle qui fut requis d'un esperit que il li aidait par le sacrement de l'autel, et de Juste le moyne.

Le .LVIU. de la vie et du trespassement de Cassie, l'evesque de Narne.

Le .LIX. d'un homme qui fut priz de ses einemis et ses liens rompoient tondis a l'oure que l'on celebroit messe pour luy, et de Varraca le marinier, qui fut délivré du péril de la mer par le sacrement de la messe.

Le .LX. de la vertu et du mistere du saint sacrement de la messe.

Le .LXI. de la contriction du cuer entre les sains misteres du sacrement, et de la garde de la pensée aprez la contriction.

Le .LXII. de relaschier les coupes aus autres a la fin que les nos nous soient relaschiées.

Et je, qui cest livre ay finé 265

En franchois, ne puis afiné

Estre, c'est bien vérité fine,

Vers Dieu, s'aucun saint ne m'afine.

Pour ce ay je mené a fin

De saint Gregore, mon afin, 270

Le Dyalogue, qu'il fina

En latin, ou maint fet fin a,

Si qu'il m'aïst a afiner

Vers Jhesucrist pour miex finer ;

Quer en nul bon definement 27)

Ne puis bien venir finement,

Mes suy a trop maie fin nez

Se celz, que Dieu a afinez

Et de nuyz et de jours ne finent

De li servir, bien ne m'afinent, 280

Et lors pourray bien estre fin, Fors que de pechier preigne fin.

J'ai fait ceste translation Le plus près, a m'en tendon, Que je puis le latin espondre, 28$ Tant en demander qu'en respondre, Et, se ge ay de rien mespris, Saint Gregore, li ne ses pris, N'en est de rien amenuisié.

J'ai le franchois pris et puisié 290 Au latin, c'est vérité fine, Et rimé et fet léonine, A cele fin que les oians Qui de bien oïr sont joians Compreignent aucun bon essample, 29$ Quer le Dyalogue est mont ample

LA VIE DE S. Gl

Et Ton y peut a prendre assez.

Mains beaux fez y a entassez, Mes plusors gens les livres voient Et lesescoutent et les oient 300 Et non pas a la fin d'aprendre Mès pour moquier et pour reprendre, Et dient li envenimé :

t Cest livre n'est pas bien rimé, »

Ou : c La translation est fausse, • 305 Et vont devisant de la sausse Qu'elz ne sauroient destremper.

Telz gens ne sceivent atremper Leurs langues; feu d'enfer les arde; Tel langue blesche et point et larde, Puis dit que ce ne sont que gogues.

Et saint Geroisme, en ses Prologues, Se plaint trop et se va clamant 3 1 3 De tel langue et si diffamant, Et telz langues acomparage 3 1 $ A chiens abaians pleins de rage.

Poy me chaut de telz ennemis.

Se j'é rien en mon livre mis Qui ne doie estre par reson, Celuy qui sera sages hon 320 Prendra le bien qui luy plera Et le remenant en tera.

J'ay fet l'interprétation, Dieu le scet, par devocion Selon ma petite science; 325 Dieu m'en gart de malivolence, Quer j'ai fet ce que j'ai peu :

Je n'en fuy onques miex peu, Ne ce ne fut onques m'entente D'avoir en plus meuble ne rente; 330

}OIRE LE GRAND 519

Mès je voil que de saint Gregore

Soit le Dyatogue en memore,

Si que chascun le puisse entendre.

C'est la fin a quoy je voil tendre,

Si qu'a celz qui latin n'entendent, 3 3 5

Qui a bons mos oîr s'atendent,

Puisse valoir et profiter.

Mès or me convient aquiter

De ce que j'ay piecha pramis

A saint Gregore, mes amis, 340

Dont je voil parfournir mon livre ;

C'est de sa manière de vivre.

Mès mout volen tiers, si j'osasse,

Quant a présent me reposasse

Quer je scey bien que tel estrère 34$

Est a ma santé trop contrère ;

Non pour tant quant pramis li ey

Et par pramesse m'i liey,

Combien qu'il me doie couster,

Sans menchonge nule adjouster, 350

De sa vie estreré sans doute

Une partie, non pas toute,

Quer tant n'ay pas d'entendement.

Si direy au commencement Dont il fut né, qui fut son pere 3 5 5 Et con l'en appela sa mere, Et comme il fut moyne et abbé, Ja par moy n'en sera gabé, Comme il fut courtois et metable, Douz et dévot et charitable 360 Et en très grans vertuz parfez, Si comme il le monstra par fez, De quoy plusours eurent envie.

Ainsi se commence sa vie.

CY COMENCHE LA VIE SAINT GREGORE.

Saint Gregore, le très noble homme, Celi qui fut pape de Romme, Le grant doctour de sainte église, Fut, si con l'istore devise, Des senatours estret et né; 5 Mont fut sages hons et sené.

Son pere out a non Gordien Qui fut mout très bon crestien, Et sa mere dame Silvine, Qui estoit bonne dame et fine; 10

Et Tarsile, la noble dame,

Qui fut bonne de corps et d'ame,

Qui oit la grant mélodie

Quant elle dut partir de vie,

Fut sa tante; de ce me vant 1 5

J'en ay ja parlé par devant.

Gregore vaut autant en letre, Qui le grec veut en franchois mètre, Comme fet c cil qui est veillant • ; Ne s'en voise nul merveillant ; 20

Pour ce fut, ce n'est pas celé, Tout a point Gregore appelé, Quer curiousement veilla Et en veillant se tra veilla, Non pas pour soy tant soulement, 1 $ Ne pour ses soubjez ensement, Mes, pour tous celz qui puis vendraient, Qui la crestienté tendraient, Veilla et greva moût nature Pour bien exposer Pescripture 30 Et pour fere en de toute neuve, Que toute sainte église apreuve ; Si avoit, se dient li sage, Souverainement beau langage, Et bien par ses livres apert 3 5 Qu'il fut sains et sage et apert.

Aprez la mort de son bon père Il fit fere, c'est chose clere, En Cesile .VI. abbeïes, Qui du sien furent enrechies, 40 Et ce fut grant chose en Cezile; Et a Romme, dedens la vile, C'est aussi voir corn patenostre, En l'enour saint Andrieu l'apostre Fist en son propre la septisme, 45 Et en celuy monstier meïsme Prist l'abit de religion Pour vivre en contemplation, Estre tout povre régulier Et lessier l'abit séculier 50 De saie a pierres et a or, Pour quoy très bon loier a or; Et illecques par la Dieu grâce, Fut, dedens assez brief espace, De si très grant perfection 5 5

Que par sa conversation Vout estre par diz et par fez Conté u nombre des parfez.

En cel monstier, c'est chose clere, Fut il depuis abbé et pere, 60 Et pour ceu, a m'antencion Quant il [en] feisoit mencion Son propre monstier le nommoit, De quoy forment le renom moit.

Il fut de si austère vie 65 Qu'il en prist si grant maladie Que mout souvent tuyt si afin Cuidoient qu'il fust a sa fin.

J'ay ja, j'en suy aperchevant,

A. DE MONTAIGLON

En .1. autre lieu ci devant 70 Sa maladie racontée U Dyalogue et devisee, Et il meesmes en devise, Toute la manière et la guise.

Une foiz que qu'il escrivoit 7$ Et contre sa char estrivoit, .1. angre li vint en l'église En tel estât et en tel guise Comme .1. homme en mer perillié, Nu et despers et essillié 80 Qui va querant son pain par terre, Et prist saint Gregore a requerre, En plourant, que bien li felst Et que pas ne Pescondeïst.

Gregore, selon sa coustume, 8$ En out au cuer telle amertume Qu'il fist tout maintenant par gent Donner li .VI. deniers d'argent.

Quant il les out, il s'en ala, Mes au tiers jour retourna la, 90 Et dîst que tout iert esperdu, Et que grant chose avoit perdu Et petit avoit recouvré, « Et, quant Dieu a einsi ouvré Qu'il m'est einsi mal avenu 9$ Que je suy remez pauvre e nu, Donnez moy dont chérir me puisse, Ou je ne scey ou confort truisse. • Angoisse de cuer débouta Saint Gregore qui l'escouta; foo Si li refist autant donner Quant einsi l'oy jargonner, Car de sa lamentation Li prist trop grant compassion.

Quant il les tint, il s'en parti ; 10$ Ne scey conme il les départi Ne conment il les aourna, Mes au tiers jour s'en retourna Au saint homme sans detrier, Et prist a brere et a crier 1 10 A trop grant importunité Qu'il eûst de sa charité.

Cil, qui puis fut pape de Romme, Quant il entendi le povre homme Et il vit que si fort gemi, 1 1 $

Le cuer u ventre li frémi ; Si ne pout endurer cela.

Son procureour apela ;

LA VIE DE S. Gl

Si li commanda, s'il peûst,

Que de sa charité eûst. 1 20

Cil dist que conseil n'i savoit,

Quer que donner ne li avoit

Qui le pendrait par my la goule,

Fors Pescuele d'argent soûle

Que sa mère, la dame sage, 1 2 5

Toute pleine de beuv[e]rage

Li souloit envoier souvent ;

Plus n'avoit en tout le couvent

Que l'en li peûst bien donner.

Le sains hom,sans plussarmonner, 1 30

Commanda tantost sans demoure

Que donnée li fust en Poure.

A ! Dieu, corn l'omosne fut haute

Qui(l) fut donnée en tel defautel

Miséricorde li aprist. 1 3 5

Le povre volentiers la prist,

Puis s'en ala grant aleûre,

Lié et baut, c'est chose seûre.

Diex, quel tens est il maintenant 1 Les riches sont trop plus tenant 140 D'assez qu'il ne souloient estre ; Poy y a mes ne clercq, ne prestre, Archediacre, ne chanoyne, Ne abbé, ne priour, ne moyne, Ne evesques, ne grans seignours, 145 Ne cels qui sont tous les greignours, Qui ne pense plus d'amasser Que de mort ne de trespasser.

Les biens de sainte église tiennent, De quoy les grans estaz maint[i]enent Plus qu'il n'aferist orendroit, 1 5 1 Et si est contenu en droit Que les biens de l'église, voir, Qui bien veut fere son devoir, Sont aux povres certeinement, 1 5 5 Fors le vivre et le vestement Qui doit estre sur cela pris, Sans outrage, einsi l'ey apris, Et sans nule defaute avoir ; Quer clercq qui trop assemble avoir Des biens de l'église a outrage, 161 Il fet que fol et n'est pas sage, Quer conte rendre en convendra Devant Dieu, quant le jour vendra Que nul ne se pourra deffendre 165 Que conte ne conviegne rendre.

Les estaz meinent et les moues,

Et les boubans et les chipoues, De quoy les Iaiz sont engaignié.

Mès qu'avront les gens Iaiz gaaignié S'elz ront pour leur mauveise vie 171 Mort pardurable deservie?

Nule chose, c'est chose pleine, Quer ja n'en avront roeins de peine.

Saint Gregore le dit sans doute 1 7 $ Que celz qui ardront soulz, sans route, N'ardront pas meins que s'ilz eussent Plusors qui avec elz ars fussent.

Les Iaiz heent les clers a mort; Chescun a mesdire en s'amort : 1 80 Elz dient que les clers honnissent Tout le monde, et s'en esjoïssent ; Dès ce qu'ilz en oient mal dire, Tout le cuer lour esmeut a rire ; Et quant joie font d'autrui coupe, 1 8 5 L'esjoîssement les encoupe, Quer chescun doit pleindre la perte De son prochein, c'est chose a perte.

Elz cuident que pour les péchiez Des clercs soient desentechiez 190 De lour mal. Non sont vraiement, Quer, quant vendra au jugement, Chescun rendra reson de sey, Si com par l'escripture scey.

S'un mauves prestre entre mil a, 195 Qui pour son pechié avila L'estat que maintenir deûst Se dedens soy reson eûst, Les Iaiz y prennent trop bien garde; Mès aus .IX. cens nul n'i regarde 200 Qui selon Dieu et reson vivent Et le mal heent et eschivent.

Mès voire est, com j'é devisé, Que pas ne sont bien avisé Tous les clers, de quoy c'est damage, Ne les Iaiz ne resont pas sage 206 Qui du pechié aus clercs ont honte Et du lour ne tiennent nul conte.

Il sont si fol et si testu Qu'elz voient .1. petit festu 210 En l'ieul aus clers apertement, Et dedens lour ieul proprement Ne peuent .1. grant tref voier; Il se deûssent avoier Et esrachier le tref anchiez 2 1 5 Qui dedens leur yeul est lanchiez,

Et puis aprez eulx acoster De lour procheins pour m y ex oster Le festu qui en Pieu! les blesche; Qui ainsi son prochein adresche, 220 Sans li poindre de langue et mordre, II garde de charité Tordre.

Des estaz du mont tant en scey Chascun est bel et bon en sey; L'un estât doit l'autre secourre 225 Et l'un pour l'autre aidier a courre, Quer a bien poy est nul mestier Qui(l) n'ait bien de l'autre mestier; Mès touz ne font pas lour devoir, Ce scey je sans doute de voir. 230

Sans faille se ne sont les roys, Mès en celz n'a il nul desrois, Quer, si Dieu aiment bien et croient, De lour despens lors rien n'acroient Qui(l) ne soit si paié a point, 235 Que de defaute n'i a point :

Elz vivent de lour héritage Sans faire excez et sans outrage ; Eulz aiment Dieu et sainte église Et la gardent en sa franchise ; 240 Elz heent qui ses droiz retaille; Eulz n'i font ne conte ne taille; Eulz n'ont cure de tendre las Pour acuser clers ne prelas, Mès les aiment et les soutiennent 245 Et les délivrent quant il viennent ; Et eulz ont de justice a fere Pour tost aler en lour affere; Es prières de sainte église Ont si lour espérance mise 250 Qu'eulz ne veulent n'or ne avoir Fors que les oreispns avoir, Et, s'il avient qu'aucuns gloutons Preignent pour eulz beus ne moutons, Chevaux, blez, vins, fein et avene, 2 5 5 Elz tiennent cele prise a vene, S'el n'est paie sur le doy.

Autrement croire ne le doy, Quer qui iroit querre aux viscontes, Aux baillis, aux mestres des contes 260 Pour sa debte son paiement, Il despendroit plus grandement Que le principal ne vaudrait, Ou par aventure il faudrait.

Et, quant les rois ainsi se portent, 265

Toute sainte église confortent,

Et sainte église les déporte

Et leur euvre des ciex la porte ;

Quer, quant einsi sont ordeuez,

Lour gens doivent estre senez, 270

Loiaus et atrempez et sages

Sans foire forces par outrages;

Quer l'en coignoist, et c'est reson,

Aux menistres de la maison

Que le seigneur est et veut estre, 275

Soit roy ou duc, ou clers ou prestre.

Eulz doivent maintenir justice

Et garder, quer c'est leur office,

L'église et le peuple commun,

Et autressi bien touz comme un, 280

Sans fléchir de la ne de cha.

En tel manière s'adrecha

Le glorieux roy saint Loys ;

Ceulz doivent bien estre esjoys

Qui sont descendus de sa ligne 285

Et en doivent estre plus digne;

Quer j'ay tous jours oy retrere

Que qui des bons est souef flere.

Et je repuis dire autelz contes

De chevaliers, de duz, de contes : 290

Ceulx aiment Dieu et son servise

Et les menistres de l'église,

Et lour subgez de rien ne grievent,

Et sans cause amendes ne lièrent,

Mès sont de lour rentes contens 29 $

Sans riotes ne sans contens,

Et font ausmosne et charité

Selon lour possibilité ;

En paradis droit s'en iront

Quant de cest siècle partiront 300

Tout aussi com fist saint Gregore,

De qui je treite quant a ore,

Qui fut des cenatours de Rommc,

Et si fut si très parfet homme

Que pour Dieu tout le sien donna 305

Aus povres et abandonna;

Et le povre qui Tout requis,

Qui .III. foiz Tout cerchié et quis

Tout aussi com pour truander,

Out quant qu'il li vout demander. 310

.II. foiz en .1. jour tout de route

Vint a tout sa robe derroute

Et emporta XII deniers,

Et, quant il vint aux derreniers,

LA VIE DE S. GI

Le sains hons ne s'en courcha onques.

Que feront les omosniers donques3 16 Aus rois, aus contes, aus prêtas?

J'en puis por moy bien dire helas !

Quer, s'aucun a defaute grande Et .II. foiz le jour lour demande, 320 Eulz le feront fuster et batre Ou par despit a terre abatre Sans rien savoir de vérité Comme il a grant nécessité.

Mes, se lour mestres les veïssent 325 Je croy qu'ilz les en repreïssent, Quer la manière est trop rebourse, Et l'omosne vient de lour bourse :

L'omonier n'i met que la main.

Pour ce a cest propos l'amain, 330 Quer Gregore autrement feisoit, Dont s'omosne a Dieu plus plesoit, Quer, sans batre et sans ledengier, Donnoit aus povres a mengier Et ne les aloit pas bâtant. 3 3 5

Or lerray cest propos a tant, Quer bien apert par vérité Qu'il fust plein de grant charité, [me, Quant saint Gregore, le notye hom- Estoit en s'abbeïe a Romme, 340 .1. jour envoia par la terre .II. frères acheter et querre Pour Postel la neccessité.

Or avint, c'est bien vérité, Einsi comme acheté avoient 345

Ce que pour le monstier queroient, .1. d'elz, si corn pechié le tint, Erobla devers soy et retint

Du priez que lour chose out cousté.

Mal out a cele foiz jousté, 350

Quer le deable Pabati,

Qui dedens son cors s'embati

Quant au monstier fut retourné.

Mal fut, ce semble, a cel jour né,

Quer l'enemy trop le plessa ; 355

Aprez ceu .1. poy le lessa.

Lors fut requis se rien savoit

Du larrechin et s'il l'avoit.

Il le nia tout hautement,

Et le deable soudement 360

Le tourmenta tout de rechief

Et par la teste et par le chief.

Par .VIII. foiz nia le pechié

:goire le grand 523

De quoy il estoit entechié,

Et par .VIII. foiz fut tourmenté. 365

Ce fist Dieu par sa volenté

Pour donner li contriction

De venir a confession

Et de dire sa coupe toute.

Aprez l'uytisme foiz sans doute 370

Que le deable le lessa,

De ce pechié se confessa

Et en rechut sa penitance,

Ne onques depuis, sans doutance

Le deable ne l'assailli, 375

Quer son pouer sur li failli.

Diex, corn vez chi très beau notable, Très horrible et très délectable, A cui bien y veut regarder !

Chescun s'i devroit bien garder. 380 Il est horrible aus mesfaisans Qui de lour péchiez sont teisans :

Par ceci peut l'en bien savoir Que qui retient autrui avoir Et n'a espérance du rendre 385 Que le deable le peut prendre, Quant a Dieu plest et il li hete; Quer conscience n'est pas nete Ou l'autri a tort se repose, Et pour ce le deable y ose 390 Habiter, quer c'est sa nature D'estre la ou sent tel ordure.

Mès aussi, qui bien veut entendre, Peut l'en bien en cest conte prendre Parfecte délectation 395 Par la sainte confession :

C'est ce qui nous espurge et monde Des malz que nous feison u monde; C'est ce qui nous soustient et porte ; C'est ce droit ement qui la porte 400 De paradis tout sus nous euvre; Ja ne feron si mauvese euvre Se par bonne contriction Dison nostre confession Et nous en feison penitance 40 s Que le deable sans doutance N'oublie trestouz les péchiez Dont nous estion entechiez; Quer l'eynemi, de ce me vant, Se memore en a par devant, 410 Par la confession la pert, Si corn par cest essample apert,

A. DE MONTAIGLON

Qui avint, si corn je dis ore, En l'abbeïe saint Gregore.

J'ay dessus parley du sot moyne 41 5 De cui saint Gregore tesmoyne Qu'il mucha d'or les .III. deniers, Dont il ne pout au derreniers En saint lieu sépulture avoir.

Qui voudrait tout le fet savoir, 420 Pleinement et plus a délivre Est u Dyalogue u quart livre, U chapitre sept et chinquante; La le treuve l'en, je m'en vante, Et la voit on apertement 42$ La vertu du saint sacrement ; Pour ce n'en voil plus ci retrere, Quer j'ay trop autre chose a fere, Mès du grant bien qu'il out en sey Raconteray tant com j'en scey. 450

.1. jour avint que cel saint homme Passoit par le marchié de Romme ; Si vit marcheans qui tenoient Enfans que pour vendre menoient.

Les enfans furent beaus e gens 4$ 5 Et regardez de mout de gens ; Beau cors ourent a grant merveille, Bele face clere et vermeille, Vis bien fet, la chiere seûre, Et très bele cheveleûre, 440 Clere, resplendissant et blonde, Recercelée a la reonde.

Le sains hons qui les regarda A cil qui les enfans garda Et a ceulz qui delez s' est oient, 445 Demanda lors dont il estoient.

Il li respondi : • De Bretaigne, Une terre de ci loi[n]taigne, Et touz celz qui sont u pals, Qui en sont estrez et naïs, 450 Sont aussi beaus, n'en doute nus, Que ceulz ci qui en sont venus. 1 Lors s'est derrechief dementé S'il avoient cr est i enté.

Le marcheant respondi donques : 45$ « Nenil voire, ne l'ourent onques, Ne ceulz du paîs dont il viennent, Mès l'errour des paiens maintiennent. 1 Quant Gregore oy cela dire, Il gemi et souspira d'ire 460 Et se troubla en son courage :

« Ha! las », dist il, • com grant damage

Que nulle teile créature

Pourssiet l'einemy de nature,

Enfans si clers et si polis 46 f

Comme est vermeille rose 0 lis,

Si plesans et si douche chiere! »

Lors li redemanda arrière :

« Amis, ne me soit pas celé

Comme est le paîs appelé 470

Ou il furent nourri et nez,

Dont tu les as ci amenez. »

Quant cil s'oy einsi requerre,

Il dist : « Sire, sont d'Engleterre. >

Lors li refist plusors demandes 475

Pour les enfans bêles et grandes

Et par les responses nota,

Esqueles maint soutil mot a,

Qu'a Dieu estoit bien agréable

Que tiex [gens] fussent au deable 480

Ostez et hors de ses liens,

Et qu'elz fussent bons crestiens.

Dont s'en ala le sains hons sage

Maintenant au pape Pelage,

Et dist : c Saint père, entent a moy.

Tu siez bien que touz jors amoy 486

La foy crestiene a haucier

Et a croistre et a essaucier;

Je croy que tu l'as esprouvé.

Or est voir que j'ei huy trouvé 490

En ceste vile en plein marchié,

De quoy fay le cuer trop carchié,

Les plus beaus enfans a devise

Qui puissent estre en nule guise,

Et sont d'Engleterre venus. 49$

Mès il n'i a nule ne nus

En tout le paîs au jour d'ore

Qui ne soit sarrazin encore

Et souz les mains a Peinemi.

Pour Dieu, saint père, envoie m'i 500

Pour preechier en cel paîs,

Ou Dieu et son nom est haïs,

Et, si Dieu me veut donner grâce,

Je cuit tant fere en brief espace

Que les avroy si avertis joj

Qu'a Dieu les avroy convertis.

Tu y deûsses envoier

Sans fere t'en de rien proier,

Et chescun preudomme y doit courre

Pour tel peuple au deable escourre, $10

LA VIE DE S. G

Qu'il a tenu trop longuement;

Envoie m'y hastivement

Pour monstrer Iour Iour délivrance ;

Je t'en requier a grant instance, i

Le pape vit sa grant bonté 5 1 5

Et oit ce qu'il out conté:

Si li acorda, mès a peine,

Quer bien vit que trop avroit peine.

Quant Gregore out l'acort eû,

Il li fut tart qu'il fut meû ; 520

Si retourna a sa meson

Et ordena, ce fut reson,

Si comme il dut fere sen erre

Pour passer s'en en Engleterre.

Et, quant il fut parti de Romme, Li commun peuple et li grant homme Les uns as autres en parlèrent 527 Et touz desconfortez alerent Parler en au pape Pelage Aussi comme touz pleins de rage $ 30 Et li distrent en ceste guise :

i Père, tu es chief de l'église, Mès tu vas trop contre saint Pierre, Qui a[s] lessié son deffendierre Aler en estrange païs, $ $ 5

Dont nous nous tenons pour trahis.

Tu as Romme destruite acertes; Les choses en sont tout apertes ; Tu en as Gregore envoié Par cui estion avoié. 540 Qui t'a osé si conseillier D'oster nous notre conseillier ?

Qui deffendra ceste cité Se nous avons neccessité?

La mer passer li convendra ; 54$ Se devient, ja n'en revendra ; Qu'a il a fere en Engleterre?

Renvoie le i vistement querre, Ou jamès a jour, c'est la somme, N'avras paiz au peuple de Romme; Il ont Iour deffensour perdu, $ $ 1 De quoy il sont tuit esperdu. »

Quant le pape oy cela dire Il ne li prist talent de rire, Mès il dist pour oster leur noise r $ S S c II revendra, comment qu'il voise. 1 Lors s'en tournèrent ceulz grant erre, Et le pape l'envoia querre ; Mès ja s'iert par mons et par pleines

Esloignié .III. jornées pleines, 560

Et ja savoit, tant iert il digne,

Par vray mystère et par vray signe,

Que retourner le conviendroit

Et qu'aucun querre le vendroit.

Tout ce dist a sa compaignie $6$

En manière de prophecie :

c Or tost, metons nous a la voie, »

Dist il, c c'est le miex que g'i voie;

Fêtes tost; si vous aprestez,

Que nous ne soion arrestez ; 570

Je dout que l'en ne nous atrape. 1

Mès les ambasseteurs le pape,

Si comme il disoit cela vindrent,

Qui contre son gré le retindrent

Et li distrent qu'il retournast 575

Et que la plus ne sejournast,

Quer le pape einsi le commande ;

Et, quant il vit qu'ainsi le mande,

Il rechut tout en pacience

Et revint par obédience, 580

Ja soit ce, quant est a voir dire,

Qu'il out de retourner grant ire,

Quer volentiers, s'a Dieu plëust,

Son peuple a sa foy acreûst.

Et, quant a Romme fut venu, 585

II rat a grant hennour tenu,

Et lors le trest le pape a sey,

Ce dist l'ystore, bien la scey,

Et le fist, si fist son devoir,

Son cardinal dyacre voir. 590

Aprez avint, ce vit maint homme, Que le fleuve qui court a Romme S'escrut si hors son propre cours Que nul i pout mètre secours.

Il cou roi t a très grand randon 595 Par dessus les murs a bandon ; Parmy les monstiers s'embati Et plusours mesons abati.

Lors avint chose estrange et neuve, Quer en la mer parmy cel fleuve 600 Descendi .1. grant dragon rude Et de serpens grant multitude; Més naiez furent et tuez De l'eau et a rive ruez, Et fut l'air pour cele aventure 605 Si corrompu de pourreture Que tout le païs en puy, Dont la pestilence ensuy,

Que l'en voiet corporelment Saietes trenchans cruelment Devers les cyex jus avoler Et tuer gens et afoler.

Maint en fut mort de tel malage, Et premier le pape Pelage En fut feru, dont il mourut; Onques nul ne l'en secourut ; Mes pas ne teré sur sylence Comme cele grant pestilence, A quoy Papostole parti, Sur l'autre peuple s'esparti ; Quer a Romme avoit maint manoir Ou plusour souloient manoir, Qui povres et nuz, j'en di tant, Remestrent sans nul habitant.

Mes, quant le bon pape Pelage 62 $ Fut mort, dont ce fut grant damage, Et fut en terre hebergié, Tout le peuple et tout le cle[r]gié Pour faire pape assemblez furent Et par acort Gregore esîurent, 630 Ja soit ce qu'il le refusast ; Mes cent mille langues usast Anciez qu'autre de luy preïssent Ne que pape d'autre fetssent.

Mes a plein ne vout obeîr, Et, quant l'en le dut beneïr Et celle grant mortalité Degastoit toute la cité, A tout le peuple sarmonna Et bonne essample lour donna Ej ala par dévotion Li meesme a procession Et la letanie ordena, Et luy meesmes la mena Et par .VII. ordres deviser Vout tout le peuple et aviser :

U premier, selon la devise, Fut le clergié de sainte église ; U secont moynes, ce me semble, Et touz religiouz ensemble; Les nonneins u tiers ordre estoient Et u quart les enfans s'estoient ; U quint tous les laiz estre durent ; Les veuves lames mises furent Et les continens u sisiesme, 655 Les mariées u septiesme, Et a touz dist que, sans attente,

DE MONTAIGLON

Priassent Dieu par bonne entente

610 Que la pestilence abatist

Et de lour malz les esbatist. 660 En ce que illec demouroient Et que pour celle chose ouroient, IIII" hommes sans demoure Furent mors en une soûle houre De celle horrible pestilence 66$ Devant li [et] en sa présence; Mès pour ce pas ne s'arresta, Quer tout le peuple amonesta Et lour dist : c Ne nous recreon, Mès Dieu dévotement preion 670 Si qu'a tant que par sa pitié Soion de cest meschief quitté, Et vuille sur nous, sans atendre, Sa grant miséricorde estendre. 1

Quant il out ainsi sannonné 67$ Et bonne essample a touz donné Et la procession fut fete, Tele com l'ei dessus estrete, II pourpensa en son courage De fuyr en aucun lieu sauvage 680 Et tout a la fin, c'est la somme, Qu'il ne fut fet pape de Romme.

Mès son convine fut sceû Et de plusors aperceû ; Si fist l'en, si con dist la letre, 685 Aus portes bonne garde mettre Que de Romme yessir ne peûst Pour peine que mètre y sceûst.

Quant einsi se vit atraper Et qu'il ne pourroit eschaper, 690 Il fist tout son habit changier Pour miex le païs estrangier, Et fist vers .1. chareton tant, Si com l'istore va contant Qui le fet mot a mot regrete, 69$ Qu'en .1. tonnel sur sa charete Le jeta tout hors de la vile.

Nul ne veut mes fere tel guile, Quer maintenant, quant a voir dire, Chescun les grans hennours désire.

Ici sa grant vertu apert : 701 Conbien qu'il fust sage et apert, U ne vouloit en nule guise Estre souverain sur l'église ; Miex vouloit estre povre hermite 705 Et clamer cel grant hennour quite.

LA VIE DE S. Gl

Quant il fat hors de la cité,

Il s'en fuy par vérité

Bien avant, es parfons boscages,

En cavernes grans et sauvages ; 710

Ulecques .III. jours se tapi,

Sans avoir coûte ne tapi.

Quant l'en sout qu'il s'en fut fuy,

L'en le quist partout et suy,

Et en ce que ceulx de la terre 71 $

Le feisoient cha et la querre,

Dessur luy haut des ciex pendoit

Une columpne et descendoit

Aussi clere coin feu ardant.

Plusors Falerent regardant, 720

.1. reclus especiaument,

Qui vivoit bien et loiaument

Dejouste la cité de Romme ;

Par cele clarté vit cel homme

Les anges descendre et monter. 725

Si I'ala au peuple conter,

Et touz communément grant erre

L'alerent en sa fosse querre ;

Si en fut hors tret et sachié

Et, vousist ou non, esrachié 730

Et ramené à la cité^

Lors fat, par grant sollempnité

Sacré en souverain pastour ;

Quer il ne seut trouver pas tour

Ne voie, pour rien qu'il sceùst, 7*5

Par quoy denendre s'en peûst ;

Et l'en peut bien apercevoir

Par ses escriptures le voir

Comme il se tenoit a grevé

D'estre a tel hennour eslevé 740

Et con souvent se repenti

Conques s'i estoit assenti.

Mes, quant il fut tout confermé,

Si con j'ai dit et affermé.

Et cele grant mortalité 74 s

Degastoit encor la cité,

Il resumt les devocions

Des gens, et les processions

Fist que pasquerez ordena,

Et entour Romme les mena 750

En chantant la grant letanie.

L'ymage a la vierge Marie,

Qui a Romme est encor gardée,

Plusors gens l'i ont regardée,

Fist porter pour l'enemy veintre 75 5

Que saint Luc, le très noble peintre,

Fist de sa main a la semblance

De la mere Dieu sans doutance.

Saint Gregore, le bon, le sage,

Fist tant devant porter l'image 760

Hautement par grant révérence

Que toute celle pestillence,

Qui maint homme avoit ja hurlé

Et de l'air toute Poscurté,

Ce pout chescun apercevoir, 765

Donnoit lieu a l'image voir

Aussi con se par très grant crainte

Fuïst devant l'ymage sainte,

Et sembloit que la pestilence

N'osast remaindre en la présence 770

Du saint ymage nostre dame.

Ce vit maint homme et mainte famé ;

Touz alerent apercevant

Que l'oscurté fuyoit devant

Qui plusors gens a mort feri, 77$

Et l'air estoit douz et seri

Par derrière et asseûré

Et cler et net et espuré ;

La tempeste devant fuyoit

Et le temps souef la suyoit. 780

Diex ! con cil est sage et sené

Et fut de très bonne houre né

Qui met son cuer et s'esperance

En dame de si grant puissance 1

Par ceci est il bien voiable 785

Que pestilence ne deable,

Ne teniebres ne oscurté,

Ne meschief ne maleûrté,

Ne nul péril de cors ne d'ame

Ne peut avoir homme ne famé 790

Qui la mere Dieu de cuer aime

Et a son besoing la reclaime.

Qui Payme et l'apele, elle est preste,

Et nul deable ne s'arreste,

Ne tempeste, ne pestillence, 79$

La ou elle est, en sa présence,

Et, quant s'ymage hors chacha

Les teniebres et esfacha,

Et fut de tel auctorité

Qu'elle osta la mortalité, 800

Donques peut bien chescun savoir

Que nul ne peut meschiet avoir,

Ne péril, ne encombrement,

Qui la mere au roy qui ne ment

528 A. DE h

Avec soy de bon cuer héberge; 80$

Et pour ce l'apele l'en verge,

Quer le deable fiert e bat

Quant vers ses amis meut débat.

Delez la graciouse ymage,

Qui chacha le divers orage, 810

Pout l'en en Pair angres oïr

Chanter pour le peuple esjoïr,

Et disoient en ceste guise,

Et de la le tient sainte église, 814

C'est bien reson que chescun l'oie :

t 0 reyne des ciex, fei joie,

Quer cil, que par ton bien portas,

Resuscita, dont confort as,

Si conme il le dist et pramist. •

Saint Gregore aprez cela mist, 820

Quant lour antiene ourent fenie :

c Prie Dieu pour nous, je t'en prie. 1

Celz qui cest antiene chantoient

A chescune clause adjoustoient

c Alleluya », sans point d'atente ; 825

c Loez Dieu des ciex », c'est l'entente.

Et, quant la tempeste tarda,

Saint Gregore en haut regarda,

Si vit sur le chastel Crecent, '

Si conme virent plus de cent, 830

.1. angre tenir en là nue

Une espée sanglente et nue

Qui toute de sanc degoutoit,

Et au feurre la reboutoit

Quant du sanc bien terse l'avoit. 835

Par ce saint Gregore savoit

Que cessée estoit la tempeste,

Dont il out grant joie et grant feste,

Et ledit chastel pour cela

Le Chastel de l'Angre appela, 840

Et encor y est appelé ;

Cestuy ne peut estre celé.

Quant ce divers tens fut passé,

Qui saint Gregore out mout lassé,

Il li resovint d'Engleterre, 845

Que piecha vout a Dieu aquerre

Quant le peuple l'en desvoia,

Mès maintenant y envoia

Augustin, Jehan et Meslite,

Et autres plusors gens d'eslite, 850

Et furent les gens du païs,

Ou Dieu estoit devant haïs,

A la foy crestiene atret

Sagement, a point et a tret, Conbien que devant fussent fieres, 85 $ Par son bien et par ses prières.

Saint Gregore, c'est vérité, Fut de si grant humilité Qu'il ne vouloit, bien dire l'os, Oïr de li retrere los 860 Si con par ses livres apert ; Quer qui a grâce en soy la pert Souvent por sei loer oïr ; Si ne s'en doit nul esjoïr ; 864 Plus doit estre humble qui plus a.

Pour ce Gregore refusa Le nom que prist de elacion Jehan par usurpation, L'evesque de Costentinnoble :

Il vouloit apparer si noble 870 Que il se feisoit, ne quier celer, Pape universel appeler Et sire sur toute [l'Jeglise, Et escrivoit en cele guise Quant aucune letre envoiet, 87$ Quer son orguieul le desvoiet.

Mès saint Gregore osta cela, Quer en ses letres s'appela « Serf des sers Dieu » premièrement, Et vout que mout estroitement 880 Fust desorenavant gardé, Quer pour bien l'avoit regardé Et pour grant bien l'institua.

Par ce pert bien qu'orguil tua ; Tous dis fut d'orguil si délivres 885 Qu'il ne vout onques que ses livres Fussent publiez li vivant ; Adez en aloit escrivant A ceulz qui avoir les vjouloient, Et disoit que rien ne valoient 890 U regart d'autres escriptures.

Mout est or autres créatures, Qui sont d'orguil si enlourdis Qu'il voulent adez que lour dis Et lour fez soient mis avant, 89$ Et cuident estre plus savant Que saint Gregore et saint Ambroise Et font de lour fez greignour noise, Mès des ce qu'a cela s'aherdent La greignour part de lour sens perdent. Saint Gregore, qui s'i avise, 901 Ne fut mie de cele guise.

LA VIE DE S. GI

Il out parfecte humilité

Et fut de si grant charité

Et de si mervellous afaire, 905

Quant estoit pour omosnes faire,

Que il ne feisoit pas soulement

Bien a ceulz qui présentement

Sen omosne querre venoient,

Mès aux raoynes qui demouroient 910

Au mont de Synay donnoit

Lour despens et abandonnoit.

Il avoit touz les noms escris

Des besoignous en ses escriz,

Et, quant tens et lieu en venoit, 9 1 5

Mout très bien d'eulz li souvenoit

Et lour aidoit en leur defaute ;

C'estoit grant charité et haute.

Il establi, ce conta l'en,

.1. monstier en Jérusalem, 920

Et a ceulx qui la demouroient,

Qui Dieu de bon cuer hennouroient,

Administrait par charité

Lour vivre et lour neccessité.

Il estoit si très charitable 92 $ Que tous diz avoit a sa table Par cause d'ospitalité Pèlerins. Or fut vérité Qu'une fois .1. en y avoit, Mès dont il iert nul ne savoit ; 950 Mès saint Gregore, le saint homme, L'ennourable pape de Romme, Qui pas n'estoit d'umblesce aver, Si li vout donner a laver ; Orguil a cest cop desdeigna ; 935 Humilité li enseigna, Qui ses biens a telz gens départ.

Il se tourna de l'autre part Pour le pot a tout Peaue prendre; Ainsi conme a ce vout entendre 940 Et il se retourna arrière, Il garda devant et derrière, Dessus et dejus et sour coste, Mès il ne trouva pas son hoste, Ne onques ne sout qu'il devint. 945 Tout ce sourent bien plus de vint, De quoy mout fort se merveilla ; Mès Dieu li dist et conseilla La nuyt aprez par vision :

c Tu m'as par grant devocion 950 Autrefoiz peu en mes membres ; RomaniatVUl

J'entend bien, voir, que t'en remembres En mes povres, en mes amis, Quer touz tes biens as tu la mis; Mès huy pas n'en ez deceû ; 95 $ As moy meïsme receû, Et ce qu'en non de moy veus fere J'en doy bien l'ennour a moy trere. 1

Des lors fut plus larges assez Qu'il n'out esté u tems passez 960 Et aus filles Dieu délivra .XV. livres d'or et livra Pour lour garnisons seulement Et pour tout lour estoirement, Et leur donna d'or, a m'entente, 965 .1111". livres d'autiel rente; Einsi estoit, con j'ei retret(e), Son cuer en charité perfet(e).

.1. jour dist, con bons qui bien pense, A cil qui feisoit sa despense, 970 Courtoisement, sans ledengier, Que .XII. povres pour mengier Vousist a son disner semondre, Et cil le fist sans plus respondre Et les fist si bien asseer 975 Que le pape les pout veer Tout en apert, non pas en l'ombre.

Mès saint Gregore par droit nombre .XIII. en conta certeinement.

De rechief ententivement 980 Les reconta pour miex prouver Se meins en y pourra trouver ; Touz diz en trouva .XIII. voir, Ne meins ne pout apercevoir. Quant le saint homme vit cela, 985 Son despensier lors appela :

« Pour quoy 1, dist il, c doriques, As tu .XIII. povres la mis? [amis, Que .XII. n'en y doit avoir. 1 Cil les conta pour miex savoir 990 Plusors foiz mout diligeanment :

c Beau père », dist il, c loiaument, Foy que doy Dieu qui tout ovra, De povres que .XII. n'i a ; Contez les ay par grant entente. 995 Ne cuidiez pas que je vous mente Ne que je face tel offense. »

Le saint homme adonques s'apense ; Si se prist du plus prochein garde, Qui trop volentiers le regarde. 1000

A. DE M0NTAIGL0N

Si le vit muer le visage ;

Maintenant iert de grant aage,

Maintenant jenne et puis chami ;

Son visage vit tout a nu

Et le vit changier et muer, 1005

Plusors foiz sans H remuer ;

Mont li tarda que levez fussent

Et que ses gens disné eussent.

Quant de tablefurent dreciez (ms . leuiez)

Vers les povres s'est adreciez 1010

Et cel treziesme en acena

Et en sa chambre le mena,

Mès nul ne pout apercevoir

Fors li du treziesme le voir.

Quant il le tint priveement : 1015

I Di, » dist il, c par ton serement, Qui tu es et ton propre non,

Et n'en di se vérité non. » [grandes ; Cil dist : • Ces choses sont mout Pour quoy est ce que tu demandes De mon non, qui est merveillous? 102 1 Je suy le povre fameillous Qui vint a toy comme essillié Et comme .1. chetif perillié, A cui l'escuele donnas. 1025 De cel don bon guerredon as ; L'escuele d'argent ta mère Me donnas, c'est bien chose clere, Qu'elle t'envoiet comme sage Souvent plaine de beuv[ejrage ; 1030 Et sachez bien certeinement Que des icel jour droitement Que tu me donnas l'escuele D'argent, qui estoit bonne et bele Et en grant chierté la tenoies, 103 \ Dieu destina que tu seroies Apostole et u lieu saint Pierre Et de l'église deffendierre. 1 Quant Gregore cil entendi,

II li dist, gueres n'atendi : 1040 c Amis, je le suy, quant a voir ; Comme peûs tu lors savoir

Que je deûsse en nule guise Gouverner toute sainte église? 1 1044 Cil li dist : c Je suy angre, amis, Et Dieu pour toy garder m'a mis Et pour toy de péril deffendre, Et par moy, ce dois tu entendre, Quant qu'a Dieu demander savras,

Soiez certein que tu l'avras. » 1050

Quant il out cela raconté

Au saint homme plein de bonté,

Qui l'escoutoît mout bonnement,

Il s'esvanoui soudement,

Si qu'il n'en vi ne vent ne voie, 105 5

Et le sains nom reraest a joie.

En ce tens fust .1. saint hermite, De grant bien et de grant mérite, Qui demouroit illec entour, Non pas en palaiz ne en tour, 1060 Mès en .1. bien povre hennitage ; Lessié out tout son héritage Et out quanqu'il avoit vendu Et es povres Dieu despendu.

Il avoit Dieu tant hennouré 106$ Qu'i ne li estoit demouré Chose en quoy cuer d'omme s'esbate, Fors tant soulement une chate Qu'en son geron souvent tenoit Et tout son soulas y prenoit. 1070 Une bonne foiz s'apensa, Comme homme qui vain pourpens a, Si pria Dieu a grant instance Qu'il eûst vraie demonstrance Avecques qui y pourrait estre 1075 Per a per u règne cdestre.

Par nuyt li fut dit en son somme Qu'avecques le pape de Romrae, Gregore, avroit sa mansion Et n'en feîst plus question. 1080 Quant l'ermite fut es veillé, Courouchié fut et merveille* Qu'il n'avoit rien plus desservi, Combien que Dieu eûst servi En povreté et en destresce, 1085 Que Gregore en sa grant hautesce, Qui es grans richeces abonde Et es grans hennours de cest monde.

En ce qu'il pensoit sans séjour A cela de nuyt et de jour, 1090 Dieu li dist et li révéla La nuyt ensuyant pour cela:

« Tu as greignour affection Et greignour dilectation En ta chate, qne tu manies, 109) Quant tu la tiens et aplanies, Que Gregore en ses grans richesces ; Quer il en fet les grans largesces

LA VIE DE S. GREGOIRE LE GRAND

Et en mes povres les départ.

Il en retient la mendre part ; 1 100

Il n'en retient fors son usage.

N'en parle plus, si tu es sage.

Comment es tu de tel afaire

Que compareson ose[s] faire

Des biens que Gregore a en garde

Et de ta disete? Or y garde. 1 106

Possession de grant avoir

Ne fet pas, ce dois tu savoir,

.1. homme riche, or t'y avise,

Mès la mauveise convoitise. ino

Quer, s'aucun a des bien plenté

Et est riche et très bien renté,

S'a bonnes gens les habandonne

Et aus povres pour Dieu les donne,

Il n'a pas pour ceu en li vice 1 1 1 5

Ne n'est pas espris d'avarice ;

Mès qui les acomble et assemble

Et les par garde trop, il semble

Que cil est droitement aver ;

Nuluy ne l'en pourrait laver. » 1 1 20

Quant l'ermite ceu entendi,

A Dieu grans grâces en rendi

Et pria Dieu qu'il li pleûst

Que perpetuelment eûst

Avec Gregore mansion : 112$

C'estoit toute s'affection.

Aprez ce ala ce saint homme Célébrer une messe a Romme, Le jour de Pasque, il iert ja jour, A Nostre Dame la ma jour. 1 1 30 Quant le point vint qu'il prist a dire : c O vous soit le paix nostre sire, »

L'angre redist, chescun le scet :

c Et avec toy remaigne et seit. »

Et, pour cele bele aventure, 1 1 3 5 Quant le pape par aventure Y vient a Pasques chanter messe Et dit : c Pax Domini », on lesse A respondre li, en memore Du beau miracle saint Gregore. 1140

A Romme avoit une matrone Qui a celle sainte persone, Gregore, chescun dyemenche Que la semaine se commenche, Fesoit du pain oblation, 114$ Puis prenoit la communion Du cors Dieu quant la messe iert dite.

Mès sa foy par iert trop petite,

Quer une foiz, par vérité,

Que l'en out la sollempnité 1150

De la messe toute parfete,

Vers l'autel s'est boutée et trete ;

Si vout estre acommuniée.

Saint Gregore a celle fiée

La vout bien acumenier ; 1 1 j $

Si aporta, sans detrier,

Le cors Jhesucrist sans doutance,

Et dist, quer c'est l'acoustumance :

c Le cors Jhesucrist proprement

Gart t'ame pardurablement. • 1 160

Quant il out ce dit, la cheitive

Sourit corn famé trop jolive,

Et, quant il vit celle manière,

Il se trest de la famé arrière,

Le cors Dieu en sa main tenant 116$

Et se retourna maintenant

Devers l'autel et l'i posa,

Puis luy dist pour quoy elle osa

A ce point si sotement rire ;

Celle li prist tantost a dire : 1 1 70

c C'est pour ce que tu deîz ore

De ce pain que vez la encore

Que c'est le cors Dieu proprement,

Et je scey bien certeinement

Que de mes mains le composey: 117)

C'est pour ce que je rire osey ;

Foy que doy li sains csperis,

C'est la cause pour quoy je ris. »

Quant le sains hom cela oy,

Courcié fut, non pas esjoy ; 1 1 80

Si se mist en prostration

Et oura par devocion

Dieu que tant feîst par sa grâce

Que touz veïssent en la place

Que c'estoit proprement son cors.

Dieu fut a s'oreison concors : 1 1 86

Bien y parut a la manière,

Quer, quant il fut levé arrière,

La grâce Dieu bien esprouva ;

Quer une piecete en trouva 1 190

De cel saint pain toute sanglente,

Et si sembloit, que je ne mente,

Estre .1. doy petit d'une main.

Il n'atendi pas l'endemain,

Mès devant touz a ceste famé 1195

Le monstra, qui amenda s'ame,

A. DE M0NTA1GL0N

Et crut bien, ce fut chose voire,

Ce que devant ne vouloit croire.

Adonc derrechief s'estendi

A terre, et de cuer entendi 1 200

A Dieu prier (pour) que tant feïst

Que cel tant de char remeïst

En fourme de pain proprement

Si comme il iert premièrement.

Ainsi fut il, ne plus ne meins; 1205

Alors la reprist entre meins

Et a la famé la donna.

Mez tout anchiez li sarmonna

Et de teu errour la reprist,

Et cele a mout bon gré le prist. 1210

Le fet fut bel et délectable

Et aus fiebles cuers profitable.

Aucuns princes en cel tempore Envoierent a saint Gregore Messagiers pour querre reliques 1 2 1 5 Des sains martirs bien autentiques.

Lors prist des dras tant soulement Dessur quoy le saint sacrement Du cors Dieu célébré avoit Et dont la vertu bien savoit, 1220 Quer en commémoration Des martyrs par devocion Y avoit plusors messes dites.

Il en fist piecetes petites, 1224 Blances et netes, non pas moistes, Et puis en mist en plusieurs boistes, Quer plusors pièces en tailla Et aus messagiers les bailla Seelées estroitement.

Lors se partirent lieement, 1230 Et, quant dehors Romme se virent, Lour boistes maintenant ouvrirent, Et les drapelès aperchurent Que de saint Gregore rechurent, Et lors a engigniez se tindrent. 1235 A tout maintenant s'en revindrent Arrière a la cité de Romme, Et distrent einsi au saint homme :

t Père, nous sommes deceû ; Avoir cuidion receû 1 240

De toy les os de maint martir, Quant de toy nous feïs partir; Ton convenant n'a[s] pas gardé.

Nous avons dedens regardé :

Y n'i a os, y n'i a peaus, 1245

Y n'i a fors petis drapeaus.

Tu t'es, ce pert, moquié de nous. »

Lors se mist le pape a genous,

Si pria Dieu dévotement,

Et, quant ou ré out longuement, 1250

Releva soy, il n'i out d,

Et d'un assez petit coutel

Depercha touz les drapelez,

Qui n'estoient sales ne lez,

Mès au perchier pas ne failli, 1255

Quer [sanc] de chescun treu sailli.

Quant les messages aperchurent

Et touz les autres qui la furent

Le miracle et la chose toute, 1259

Il ourent grant creinte et grant doute;

Et lors les vout amonnester

Que maintenant, sans arrester,

En prostration se melssent,

Tant que la grâce Dieu veïssent.

Lors furent par devocion 1265

A la terre en prostracion

Touz ensemble tant longuement,

Saint Gregore premièrement,

Et clers et laiz, et mans et clos,

Que les partuz furent reclos 1 270

Quanqu'es drapeaus fet en avoit

Le saintisme homme bien savoit

Tout quanque devoit avenir

Pour cela u temps avenir.

Aprez cela ne scey combien, 1275 Je ne scey pas la seson bien, Mès, si corn l'istore renomme, .1. des riches hommes de Rome Si delessa sa propre famé Contre droit, et pour cel diffame 1280 Le pape l'escommenia, Et, pour ce qu'einsi le lia Et qu'il ne s'en peut pas vengier, Quer tiex hons n'osast ledengier, Il fist tant par sa mescheance 1285 Vers les maistres de nigromance Que Peinemy par art metroient En son cheval et abatroient Ainsi en .1. mont tous les deuz, Qui qu'en deûst fere les deuz, 1290 Et par ceu occiront, ce semble, Le pape et le cheval ensemble.

.1. jour avint par aventure Que cele sainte créature

LA VIE DE S. GF

Chevauchoit avau la cité. 1295 Les mauvez pleins d'iniquité Desloïaus nigromanciens, Qui pas n'estoient crestiens, Tant firent et tant s'esforchierent,

Et, quant du cheval prez se virent,

Par lour desloial art tant firent

Que Peinemy mistrent dedens,

Et lors prist de piez et de dens

A geter et a rechignier 1305

Et a saillir et a vignier;

Il prist a brere et a henir ;

Nul[i] ne le pouoit tenir,

Nul[i] n'i osoit la main tendre

Ne nul[i] ne l'osoit attendre, 1310

Quer le cheval parmy la rue

Mort et saut, et regibe et rue,

Et puis si se levoit arrière

Tout droit sur les .II. piez derrière.

Gregore eût esté péris 1315

Se ne fust li sains esperiz

Qui li dist que li einemis

S'iert u cheval bouté e mis,

E, si corn Dieu li enseigna,

Du signe de la croix seigna 1320

Le cheval, qui tout soudement

Fut sain et gari netement,

Et les malfeitours qui ce firent

Puni pour cela, touz le virent ; 1324

Quer onques puis, ce n'est pas doute,

Ne virent des yex nule goûte;

Et, quant les chetis aperchurent

Que pour lour pechié puniz furent,

Crestienté tantost requistrent

Et en la bonne foy se mistrent. 1 330

Saint Gregore ne pria mie

Que mès veïssent en lour vie,

A la fin qu'elz ne desvoïassent

Et a lour art ne retournassent,

Mès il les fist en toute guise 1335

Nourrir des biens de sainte église

Et trouver lour neccessité,

Quer touz diz ama charité.

Jadis .1. emperiere a Romme Fut, que l'istore Trajan nomme, 1340 Qui fut trop forment debonnere, Justicier et de bon afere.

En une des pars de sa terre

S'esmut contre li trop grant guerre ;

Quant il le sout, il vint tantost, 1345

Quant assemblé out son grant ost,

Pour aler sans dilation

Abatre la rébellion.

Et quant il se fut mis a voie,

Une veuve famé sans joie 1350

Vint encontre li acourant,

En gémissant et en plourant,

Et dist : c Ha 1 gentil emperiere,

L'en dit que tu as tel manière

Que tu fez a chascun justice. 1355

Or me fey donc de ton office

Droit de celuy qui a tué

Mon enfant et a mort rué.

Se je suy povre famé et niche,

Et celuy est puissant et riche 1 360

Et noble et de grant parenté,

S'il n'est ochis et tourmenté,

De justice me faudras donques ;

L'en dit que tu n'en faillis onques.

L'omicide, que Dieu maudie, 1365

Est ici en ta compaignie. •

Quant l'emperiere oy ce dire,

Trop courcié fut et trop plein d'ire,

Quer cil estoit de grant puissance

Et d'estat et de contenance, 1 370

Et noble homme et de haut lignage;

Si aperchut bien le damage

Qui s'ensuivroit de la deffaute

De si grant persone et si haute,

Quer, combien qu'il fust omicide,

Bien avroit besoin de s'aide 1375

En la bataille ou il aloit ;

Et se de justice failloit,

La coupe iert trop grieve et trop fele.

Toutes voies dist il a cele : 1380

« Bonne feme, or entent a moy.

Touz les jours de ma vie amoy

A justice et a droit tenir,

Et, si je me puis revenir

De ma guerre et de ma bataille, 1385

Vien a moy, et, comment qu'il aille,

Je te ferey si bien droiture

Je ne lerey pour créature

Que ton cuer en iert esclariez.

— Sire, et, se vous n'en repariez, »

Dist celle, a qui me le fera? 1391

— Cil », dist il, « qui aprez sera

A. DE MONTAIGLON

Emperiere le fera, voir.

— Donqucs n'en devras tu avoir, »

Dist celle, « ne gré ne mérite. 1395 Que cuides tu qu'il te profite Quant cil qui aprez toy vendra, Droit et justice me tendra ? »

Trajan respondi à la famé : 1 399 « Rien ne me vaudra quant a l'ame ; Mèz je voiz en .1. grant voiage Ou je puis avoir grant damage Se celi maintenant demoure. »

La bonne famé dist en l'oure : 1 404 c Trajan, je voil bien que tu sachez Qu'il vient miex que justiche fâchez, Combien qu'aucun poy t'en esmaies, Et que les mérites en aies Qu'a nul la commentes a fere. »

Trajan, qui fut très debonnere, 1410 Quant la bonne femme entendi, Tantost du cheval descendi, Et, combien que besoing eûst Du riche homme et bien le sceust, Pitié et besoing, ce me semble, 141 5 S'entrecombatirent ensemble, Mès, si corn l'en treuve en l'istore, Pitié en porta la victore, Quant lors, sans plus soy atenir, Fist celuy devant soy venir 1420 Et li dist acertes sans ruse Ce de quoy la famé l'acuse, Et fist si très bien son devoir Qu'il sout de tout le fet le voir ; Mes jamès celuy ne creûst 142) Que justice fere en deûst :

Mès il failli a sa cuidance, Et bien qu'il fust de grant puissance, Quer Trajan, Pemperiere honeste, Li fist tantost couper la teste. 1430 Il rat bien si juste et si sage Conques ne lessa, pour lignage Ne combien qu'il fust riches hon, Qu'il ne feïst fere reson.

Ainsi venja la povre famé 143 5 Trajan et fist le preu de s'ame ; Touz diz ama justice, voir, Sans crestienté recevoir ; Justiciers et doux fut ensemble.

S'il est prince qui li ressemble, 1440 Par foy, si ne scey [je] mès qui,

Quer, tant comme en pouer vesqui,

Fut vers les félons despitouz

Et envers les povres pitouz,

Et, combien qu'il fust debonnere,

Onques n'esperna de droit fere, 1446

Ne grant, ne petit, ne maien,

Et si vesqui touzjours paien,

Dont doivent bien les crestiens

Estre par droit obediens 14)0

A faire droit et équité

Pour celuy qui est vérité,

C'est Jhesucrist meesmement

Qui onques ne faut ne ne ment,

Quant cduy qui ne l'out pas chier

Ne vout de justice laschier 14)6

Pour puissance ne pour noblesce,

Pour lignage ne pour richesce.

Bien y deûssent regarder

Ceulx qui ont justice a garder, 1460

Et fere droit et équité

A touz, sans fere iniquité;

Mès comment peut cil droit tenir

A cui on ne peut avenir,

Et qui ne veut pas d'une cause 146$

Escouter une seule clause,

Ou il ne sceit, ou il ne deigne?

Mal fet qui tel conseil enseigne;

Quer, quant vendra au derrenier,

Que mestier n'y avront denier 1470

Devant le très souverain juge,

Qui si bien par équité juge

Que tous les desloiaus confont,

Ceulx qui les tors sans reson font

Seront lors jugié si a point 147s

Que de faute n'i avra point ;

Ceulx qui encor(e) jugiez seront

Des jugemens que ci feront

Devent bien et a point jugier

Sans félonie et sans drugier, 1480

Aussi comme Trajan juga ;

Bon fut né qui si bon juge a,

Quer c'est trop grant aesement.

Il fist .1. autre jugement, Tel qu'il n'est, ce croy, roy ne conte Qui en feïst par si grant conte, i486 II avoit .1. beau filz genne homme, Qui parmy la cité de Romme Aloit une foiz chevauchant, Mès il entendoit plus au chant 1490

LA VIE DE S. Gl

Et a soy esbatre et a rire

Qu'a son cheval a droit conduire.

Le jenne homme fut desreé

Et le cheval si effireé,

Je ne scey s'il morst ou rua, 149$

Mès en my le chemin tua

Le filz a une veuve famé

Et le lessa tout mort sanz ame.

Le valeton, c'est chose clere,

Soustenoit de tous poinz sa mère, 1 500

Qui estoit povre de substance,

Et H queroit sa soustenance.

Quant la mere sout le meschief

Et vit qu'ele n'avoit mès chief

Qui li peûst querre son vivre, 1 505

De grant deul ne fut pas délivre ;

Lors s'en ala a l'emperiere

Et li dist en ceste manière :

c Emperiere, noble seignour, 1 509

Tu es sur touz princes greignour ;

Si dois a touz fere droiture

Miex que nule autre créature.

Sire, je ne me puis aidier,

Ne je ne scey mie pleidier,

Mes tout mon conte sera voir. 1515

Tu dois certeinement savoir

Que ton propre filz a tué

Le mien filz et tout mort rué

Par sourfet et par mescheance.

Il me queroit ma soutenance ; 1 5 20

Je suy une fieble vieillote

Qui ay mout eû de riote.

J'estoie par luy confortée,

Couchiée, levée et portée.

Or scey bien que de fain mourrey 1525

Quer de pain querre ne pourrey.

Sire, tu es loiaus et juste.

Or punis donc ton fils et raste

Selon ce que droit en devise,

Quer je t'en carche ; or cy avise. 1 530

Angouisse a plourer me conseille ;

Si ne dois pas avoir merveille

Se je te vieng ci rioter,

Quer besoing fet vielle troter. •

Quant Trajan la famé entendi, 1535

II souspira et s'estendi

Et fut troublé en son courage

Pour son filz qui out fet l'outrage,

Dont perdre devoit cors et ame,

Et pour la pitié de la famé, 1 540

Et, quant sur cela out pensé,

Il fist, comme bien appensé,

Savoir du fet la qualité,

Et trouva que c'iert vérité.

Lors dist a celle : « Bele amie, 1545

Or te tez ; ne t'esmaie mie,

Quer droit a ton proufit ferey ;

Ja pour mon filz ne lesserey.

Povre es, si Pey bien entendu;

Se mon filz estoit ja pendu, 1550

Povre con devant demourroies

Et a ton dit de faim mourroies ;

Miex vient il que tu soies vive.

Par sentence diffinitive

Je te doins par tel couvenant 15$$

Mon filz pour le tien maintenant

Qu'en tous besoings te servira

Con le tien et t'obeira,

Et sera, pour luy plus grever,

A ton couchier, a ton lever, 1 560

A ton boire ét a ton mengier ;

Je ne t'en puis pas miex vengier.

S'einssi est que mon dit te plese

Et a la fin que plus a ese

Puisses desorenavant vivre, 1 565

Je di et vuil que l'en te livre

Pour toy et pour luy tant d'avoir

Que vous en puissiez bien avoir

Bon hostel et bonne chevance

Touz jours mes en grant habondance,

Sans povretey et sans souffrete; 1571

Et, se cecy bien ne te hete,

Je t'en vengerey maintenant :

Ja n'en faudrey de couvenant. »

Quant celle, qui n'avoit en coffre 1 57^

Denier ne maaille, oy l'offre,

El dist : t Sire, je t'en mercy.

Tout aie je le cuer nercy

De mon filz que le tien a mort,

Fieblesce et povreté m'amort 1 580

A ce que tu devises prendre ;

Je nen l'en vuil de rien reprendre. »

Einsi fut il, ne plus ne meins;

A son filz la mist entre meins,

Qui onques de ce n'estriva, 1 585

Mes premièrement le priva

De toute sa succession,

Et bien tint la condicion

i6oo

Sans mentir, onques ne fléchi, Quer de touz poinz les enrechi 1 590 Si c'onques puis n'ourent defaute.

Cy a bele justice et haute Et pour le filz assez cruele.

Nul roy ne fet mes nulle tele; L'en souloit justice tenir, Pour ce souloit bien avenir A ceulz qui justice tenoient En tous les lieuz ou il venoient.

J'ay veû en unes croniques, Qui sont vraiez et autentiques, Que le niez au grant Chalemaine, Charle le Chauf, c'est chose plaine, Qui fut emperiere de Romme Et roy de France et puissant homme, Out .1. filz fel et diffamé, 1605 Dont meins fut de son père amé, Et souvent pour sa mesprison Le feisoit jeter en prison Et forment estreindre et lier, Et, quant ne le pout chastier, Il li fist les .II. yex crever, Si que nul ne peûst grever.

Ainsi deûst on encor fere A ceulz qui sont de mal afere, Combien qu'il soient de parage Justice vaux miex que lignage ; Diex gart qui justice tendra, Quer a la fin bien l'en vendra, Aussi con Trajan la tenoit, Quer nule foiz n'i mesprenoit, Dont bien s'aperchoit au jour d'ore Par les mérites saint Gregore, Si corn je direy, se je puis.

Tel chose n'avint ains ne puis C'onques veisse en escripture.

Gregore .1. jour par aventure Par le marchié Trajan passa, Grant pièce puis qu'il très passa.

Lors li souvint de sa bonté Dont l'en li out assez conté, Comme il fut loial en justice Sans fere a nuly préjudice Et comme il fut misericors.

Mès, quant li souvint que le cors N'a voit eû crestienté, 1635 Il fut trop en cuer tourmenté Et de grant angoisse fremy,

DE MONTAIGLON

Et dist : « Ha ! las, ce poise my Qu'estre doie a dampnation Prince de tel condicion 1 640

Qu'il feiseit droit, con l'en recorde, Atrempé de miséricorde. »

Saint Gregore fut trop carchié D'angouisse en passant le marchié, Et pensa mout en quel manière 164) Yl ayderoit a l'emperiere, Qui rat de si très bon afere Et si juste et si debonnere Qu'il tint droit si comme il couvint.

Quant a saint Gregore en souvint, Il s'en ala, sans demourer, 16) 1 A l'église saint Pierre ourer.

Lors se mist par devocion De bon cuer en prostation, Et pria Dieu bien longuement, 1655 En plourant angoissousement, Qu'il vousist par sa grant pitié Que cil rast absouz et quitté Qui tant avoit amé justice, Combien qu'il fust coupable en vice Par l'errour de sa fausse loy. 1661 Saint Gregore oy sans deloy Une vouiz qui li dist : c Gregore, Tu es essaucié quant a ore.

Trajan sera par ta mérite 1665 Délivré, mes tu n'es pas quite.

Tu as Dieu prié longuement Pour un hons qui a dampnement Estoit pour sa defaute mis ; Dieu le tenoit pour einemis 1670 Puisqu'il n'avoit crestienté ; Mes tu t'en es tant dementé Et prié à si grant instance Qu'empetrie as sa délivrance.

Mes, pour ce que tu as plouré 167$ Pour .1. paien et Dieu ou ré, Dieu me dist, quant de li parti, > Que je te face .1. gieu parti :

Je te le ferey maintenant ; Or en soiez bien souvenant. 1680 Quant de cest siècle partiras, U feu de purgatore iras, En quoy seras .II. jors touz pleins Et y orras de hidouz pleins, Ou, de cest jour cy en avant, 168$ Soiez en seur et savant,

LA VIE DE S. Gl

N'avras jamès, en nule place,

Houre de santé ne espace,

Mes avras touz jours maladie,

Et, se tu veuz que je la die, 1690

Tu auras mal en tes costez,

Qui ne te pourra estre ostez,

En piez, en mains, en chief, en bras,

Pour ce que tu te remembras

De requerre le roy celestre 1695

Pour cil qui dampné devoit estre.

Or pren lequel que tu voudras,

Quer du moins grevouz te doudras,

Et pour telz gens ne fey requeste

Jamès, quer elle est deshonneste. »

Le très sage pape Gregore 1701

Lessa le feu de purgatore,

Et vout miex avoir maladie

Touz les jours qu'il seroit en vie

Que .II. jours puis sa mort remaindre

En ce feu qui art sans destaindre,

Et lors out touz jors par le cors 1 707

Maladie, j'en suy recors,

Et puis dist souvent quant a voir

Qu'il amast miex la mort avoir 1710

Que si très granz malz soustenir

Dont a fin ne pouet venir.

En cecy monstra bien par fet

Comme en charité fut parfet, 1714

Quant pour cil qu'onques n'out veû

Fut si espris et esmeû

De prier Dieu a grant instance

Qu'il en out si grant penitance

Qu'adez puis en out, tant en scey,

Plusors malladies en sey ; 1720

Et par ce pert corn Dieu l'ama,

Quer, des ce qu'il le reclama,

Trajan fut tout hors délivré,

Qui a dampnement iert livré, 1724

Dont peut [l'en] bien voier acertes

Com ses vertus furent apertes.

II fut, si com j'ai recité,

De très parfecte humilité,

Quer, si com l'istore desqueuvre,

Petit prisoit soy etsen euvre. 1730

Il fut, si comme l'en recorde

De parfecte miséricorde;

Les povres le nous font savoir,

A cuy donnoit tout son avoir.

Si comme l'istore retrete, 1735

Il fut de charité parfete;

Le fet de Trajan bien le note,

Dont il soufri tant de riote.

Il ne fut onques négligent,

Mes curiouz et diligent; 1740

Ses livres en font bien la preuve,

Quer mout en fist, si con l'en treuve,

En quoy son cors forment pena,

Et l'antiphenier ordena,

Et si establi le servise 174)

Qui est chanté en sainte église.

Il y avoit si mis sa cole

Qu'il fist pour ce fere une escole,

Ne scey ou de fust ou de pierre,

Dejouste l'église saint Pierre, 1750

Quer la estoit son droit repère,

Et si en fist une autre fere

Au Latran, ou souvent venoit

Et les effans y aprenoit,

Quer mout y avoit grant délit. 1755

Encor y monstre l'en le lit

Ou aucune foiz se couchoit

Quant très grant travail le touchoit ;

Encor y sont les escourgiées,

Trenchans et aspres et deugiées, 1 760

Dont les enfans pour miex aprendre

Fesoit menacier et reprendre ;

Encor y est l'antephenier,

Dont l'en ne prendroit nul denier,

Quer il est bons et autentiques 1765

Et est gardé comme reliques.

L'en doit mout amer saint Gregore Et avoir ses fez en memore, Quer en bonnes euvres usa Tout son tens; onques ne musa, 1770 Et Dieu, qui sus touz a puissance Regarda sa persévérance ; Si vout comme de son affin Mètre sa mortel vie a fin.

Le siège gouverna de Romme 1775 .XIII. ans, .VI. moys, .X. jours, en [somme,

Puis trespassa, dévot et humble, De bonnes euvres plein et comble, U moiz de mars, en la quarte ide.

Diex nous doint grâce par s'aïde, 1780 Si qu'aprez nostre mort u règne Nous mete en quoy il vit et règne.

Amen.

Aprez sa mort en brief termine Out u paîs si grant famine 1784 Que les povres de fain mouroient.

Au pape qui lors iert couroient En criant a trop grant instance Qu'il lour donast lour soustenance Con le bon Gregore fesoit.

Au pape trop fort desplesoit 1 790 Le murmure et la grant criée Que il en oit mainte fiée.

Si disoit en ceste manière :

« Fuiez de cy, tournez arrière; Riens ne vous donrrey quant a ore ; Alez querre vostre Gregore, 1 796 Qui departoit tout son avoir Pour la glore du monde avoir ; Il ne li chaloit qu'il feïst Fors que le monde le veïst. » 1800 Ainsi par Gregore despire Cuidoit et par tel chose dire Sa grant avarice excuser ; Il fesoit les povres muser Souvent a sa porte et attendre, 1805 Ne sa main ne lour vouloit tendre, Mes les renvoiet vuilz et nus Si comme il estoient venus.

Quant saint Gregore out enduré Du fol pape desmesuré 1810 Plusors foiz la detraction, .III. foiz la nuit (ms. a luy) par vision S'aparut a luy et s'esta Delez luy et î'amonnesta Qu'il delessast son avarice 1815 Qu'il maintenoit trop comme nice, Et se gardast bien que de li, Dont le cors iert enseveli, Ne deïst jamès nul diffame, Ou de pis l'en seroit a l'ame, 1820 Et fut cel amonnestement Fet assez aimablement ; Mès le pape, bien dire l'ose, Ne s'amenda de nule chose :

S'anchiez out dit poignans paroles, Il en dist aprez plus de foies, 1826 De mal et [de] detraction.

A la quarte apparicion, Saint Grégoire le corrija Pour ce qu'il ne li oblija 1850 Et mout cruelment le reprist,

Et aprez par le chief le prist Et si mortelment le feri Qu'assez tost fut mort et péri Pour la doulour et pour l'ardure Qu'il eut de celle bateûre. 1856 L'en ne doit pas de cdz mesdire Qui régnent avec notre sire.

En ce que la fain devant dite, Qui grande estoit, non pas petite, 1840 Estoit en cel païs encore, Aucuns einemis saint Gregore, Qui avoient eu envie Sur li, tant comme il lut en vie, Et ne le pouoient amer, 184s Le pristrent lors a diffamer, Et disoient en ceste guise Que tout le trésor de l'église Avoit en prodigalité Degasté par iniquité, i8jo Et pour ceu a droit regarder Devoit l'en ses livres arder, Quer l'en ne pourrait autrement Avoir de li bon vengement.

A ceu esmurent par outrage 185$ De plusors autres le courage ; Quant il ourent par leur envie De se[s] livres ars grant partie, De quoy mout de gens se doutaient, Et les autres arder vouloient 1860 Si corn desloiaus et trichierres, Son bon amy dyacre Pierres, Por qui il fist son Dyalogue, Quant il vit qu'il furent si rogue Que touz les voulloient bruller, 1865 Il prist a brere et a uller, Puis se mist entr*elz vistement Et lour dist tout apertement En criant haut a longue alaine : 1869 « Certes vous perdez vostre paine, Qui cuidez par ce le memore Destaindre tout du bon Gregore.

Ses livres sont partout semez ; Il n'en i a nul soul remez De quoy l'en n'ait, n'en doutez mie, Par tout le monde la copie ; 1876 Pour nient a ce fere tendez.

Or vous tesiez, si m'entendez, Et je vous direy une chose ; C'est merveille que dire l'ose, 1880

LA VIE DE S. G

Vous en devrez Caire graot conte,

Quer bien scey, se je la vous conte

Et je vous la recorde et di,

Tantost serey de mort redi

Ains que de la place me meuve, 1885

Et ce sera très bonne preuve

Que ses livres par vérité

Sont de très grant auctorité.

Je la vous direy maintenant,

S'il vous plest, par tel convenant 1890

Que, se je muyr de mort soubite

Quand la chose vous avrey dite,

Ses livres lesserez ester,

Et, se plus me veez ester

Que mort ne soie soudement, 1895

Si les ardez hardiement. »

Quant il out cela recordé,

Il fut de chescun acordé.

Lors vesti, si fist son devoir,

Vestement a dyacre, voir, 1900

Puis prist, si corn l'en me conta,

Les évangiles et monta

Haut u letron apertement,

Certein de son trespassement.

Lors fist partout fere silence 1905

Et dist ainsi en audience :

« Or entendez bien, entendez,

Qui aus livres ardoir tendez.

Je scey bien que ma mort s'apreuche,

Mes je n'en aurey ja repreuche. 1910

Quant mon très bon seigneur servoie,

Dont s'acointance desservoie

Ja soit ce qu'assez fuisse rude,

Une foiz entra en s'estude

Ou longuement estudia ; 1915

Je fuy dehors, si m'ennuya ;

Lors me vint en me! en col ie,

Comme jenne homme qui colie,

D'aler savoir et espier

Comme il pouet estudier. 1920

Si fis par ma bonne adventure

.1. pertuset en la closture

Qui acloet le lieu et l'estre

Ou pour escrire vouloit estre,

Mes d'estre oy bien me gardey. 1925

Par le pertus lors regardey ;

Si vi une coulombe blance,

Plus que n'est la neif sur la brance,

Dont la chose trop me plesoit ;

Quer, quant mon seignour se tesoit,

Son bec en sa bouche tenoit, 193 1

Et bien vi qu'el li aprenoit

Tout quanqu'il devoit fere et dire ;

Quer il commenchoit a escrire

Des que son bec avoit retret. 1 93 5

Ce me sembloit trop noble tret,

Que je vi tout apertement

Qu'il escrivoit bien longuement,

Et, des ce qu'il se reposoit,

La coulombe li reposoit 1940

Son bec dedens sa bouche arrière ;

Souvent le fist en tel manière.

En l'ame de moy je le vi,

Et quant plusours foiz out chevi

Ainsi, il lessa s'escripture 194$

Et s'en yessi de sa closture.

Lors ne me poy onques tenir,

Quant envers moy le vi venir,

Qu'il ne me convenist sousrire,

Et maintenant me prist a dire 19^0

Pourquoy j'aloie sousriant.

Je li aley .1. poy niant,

Quer pas n'osey apertement

Recoignoistre le vraiement.

Lors me fist il jurer acertes 19s)

Que les choses feroie apertes

Pour quoy aussi sousris avoie.

Je li dis ce que je savoie

Quant ainssi m'oy conjurer,

Quer trop me crain a parjurer, i960

Et, quant cela dire m'oy,

Il n'en fut de rien esjoy

Et bien y parut a sa chiere,

Mes me dist en ceste manière :

c Ha! Pierres, tu m'as deceû; 1965

i Tu as mon grant secré veû ;

c Mès, si con tu aimes ta vie,

c Garde que (tu) ne le dies mie ;

i Quer, puisque le sceiz, quant a voir,

• Tu dois bien entendre et savoir 1970 c Qu'en la place ou tu le diras

• James d'illec ne partiras,

c Mès [tu] mourras tout soudement :

c Sachez le bien certeinement :

c Je ne vuil pas encusé estre. • 1975 Ainssi me pramist mon bon mestre Qu'en la place et u lieu mourroie, Ou a nulluy recorderoie

Le miracle de la coulombe.

Je Pey dit ; or querez ma tombe, 1980 Quer je mourrey en brief espace. • A tant chay mort en la place, Mes sache chescun sans mentir Que ce fut sans doulour sentir, Puis fut aprez enseveli. 1985 Chescun out grant pitié de li, Quer trop fut plein de charité ; Miex vout mourir pour vérité Dire et du monde estre délivre Que voir celer et assez vivre. 1990 Les livres a tant demourerent ; Toutes gens puis les hennourerent Ne puis n'en i out nul péris ; Bien virent que sains esperis Les avoit au saint home apris 1995 Et que son sens out il la pris.

Environ cel tens out .1. moyne Si conme l'istore tesmoyne, En Pabbeïe saint Gregore,

Qui devers soy out par sa honte

Pecune, je n'en scey le conte.

Saint Gregore par vision

En fist la demonstracion

A .1. autre de Pabbeïe 2005

Et li dist que de sa folie

Le coquart moyne repreïst

Et que hors d'entour luy raeïst

La pecune sans demourance

Et en feïst sa penitance, 2010

Quer au tiers jour aprez mourroit,

En vie plus ne demourroit.

Quant le moyne out ce entendu,

Longuement n'a pas attendu ;

A l'autre le dist vraiement 201 5

Qui s'en esbahi malement,

Si fist la penitance, voir,

Et de rendre fist son devoir.

Maintenant fièvres Pasaillirent,

Qui si griement le malbaillirent 2020

Que si qu'a la fin le menèrent,

Et au tiers jour tant le penerent

Du matin si qu'a tierche droite,

Et fut sa peine si destroite,

Si comme l'istore retrete, 2025

Que hors de la bouche avoit trete

Sa langue par la grant ardure ,

Et sembloit par celle aventure

Tant estoit mat et dequassey,

Que ja fust mort et trespassey. 2030

Les moynes qui entour estoient

Lour psalmodie entrerrompoient

Pour dire par detractions

De li grans diffamations ;

Le chetif moyne a quelque peine 2035

S'en revint et reprist aleine

Et les .II. y ex arrière ouvri,

Puis lour dist et lour descouvri

Pour quoy il avoit fet tel chiere,

Et lour dist en ceste manière : 2040

t Frère, e! Dieu, qui en croiz drechié

Fut, vous pardoinst vostre pechié ;

Pour quoy m'avez vous diffamé ?

Bien pert que poy m'avez amé,

Quer vous m'avez certeinement 2045

Fet trop grant empeechement ;

Quer j'ai esté, c'est chose ferme,

Accusé tout en .1. soul terme,

Devant le pere esperitable,

De vous, sachiez, et du deable, 2050

Qui du tout me vouloit confondre.

Si ne savoie auquel respondre,

Et, se jamès peut avenir

Que vous voiez aucun fenir,

Qui qu'il soit ne de quelz mérites,

Gardez bien que de li ne dites 20)6

Paroles de detraction,

Mès de vraie compassion,

Ne de celi meesmement

Qui va pour oyr jugement 2060

Et sentence devant tel juge

Qui ne veut ne bourde ne druge,

Et qui va 0 son adversaire

Pour oïr son jugement faire ;

Quer sachiez bien certeinement 206)

Que j'ai esté au jugement,

Et le deable en ma présence

Qui vouloit contre moy sentence ;

Mès, par l'aïde saint Gregore,

J'ai respondu mout bien encore 2070

A toutes ses objections

Et ai fet satisfacions,

Fors que d'un point suis confondu,

Quer n'i puis avoir respondu,

Ne ma response a rien ne monte, 207 $

Et pour ceu [ke] j'en oy tel honte

LA VIE DE S. GREGOIRE LE GRAND

Fuy jeu orc si traveillié,

Dont vous fastes si mervefllié,

Quant de mes fez mesdisiez,

De quoy trop fort me nuysiez; 2080

N'en cor n'en su y je pas délivre,

Quer assez d'angoisse me livre. •

Le couvent qui lez li s'estoit

Li enquist quel chose c'estoit

A quoy il ne savoit respondre 208$

Et dont l'en le vouloit confondre

En la présence nostre sire.

Cil dist : c Je ne l'ose pas dire

Ne conter en nule manière, 2089

Quer, quant a vous je vi(e)ng arrière

Par saint Gregore a sa requeste,

Le deable, la maie beste,

Cuida que ce fust, sans doutance,

Pour venir fere penitance

Du cas dont acusé m'avoit 2095

Et, pour ce que rien n'en savoit,

Il prist a crier et a brere

Et si très forte fin a fere

Qu'il ne se vouloit estanchier;

Et adonc me fist fianchier 2100

Le très gracious saint Gregore,

Qui avec moy estoit encore,

Que de ce cas rien ne diroie :

James pour rien ne mentiroie,

Quer bien voi quel péril i a. • 2105

Aprez ce le moyne cria :

c 0 Andrieu, Andrieu, fel trichierre,

Mauves, desloial, dechevierre,

En cest an puisses tu périr

Et maie mort te puist ferir 2110

Qui tant a mal faire veillas

Que le conseil me conseillas,

Dont l'en me reprent et remort,

Et dont suy en péril de mort. »

En ce qu'a ce dire entendi 2115

Les yex clost, le cors estendi

Et fut mort très horriblement

Et très espuanteblement.

Un homme avoit en la cité,

Andreu nommé, c'est vérité, 2120

Que maladie tant quassa

Des que le moyne trespassa

Et qu'il [l'Jout maudit en apert,

Combien que devant fust apert, 2 1 24

Que touz distrent, grant et menu,

Qu'il estoit a la fin venu ; Mes, combien que fort fust malade Et qu'il fust sec et fieble et fade, Il ne pouet venir a fin ; Ce virent bien tuyt si afin. 2130 Quant il vit qu'il ne pout fenir, Les moynes fist tantost venir Du monstier saint Gregore a li Combien qu'il fust megre et pali, 2 1 34 Et dist : c Seignors, je suy en chartre De mon cors, mes j'ay mainte chartre De vostre hostel prise et ravie En déshéritant l'abbeie, Et tant fis et me traveilley 2 1 39 Qu'en estranges mains les bailley, Dont grant avoir ay recheû, Dont or me tieng a decheû, Mes bien vous fez certeins en tant Que le moyne en fat consentant, Qui est mort derrenierement. » 214) Quant ceu out dit, horriblement Fut mort, ce dirent plus de vint ; Nul ne sceit que l'ame en devint, Fors cil, sans plus, qui est vray juge, Qui chascun selon reson juge. 2150 Mal fet autri déshériter, Quer nul ne s'en peut acquiter S'il ne rent ; mes comment peut rendre Qui(l) n'a que donner ne que prendre?

Puis la mort chescun peut savoir Que l'en n'a ne or ne avoir ; 2 1 56 Donques fet il bon rendre anchiez, Quer, quant l'en est mis et lanchiez En enfer, c'est sans retourner.

Illecques convient séjourner 2 1 60 Ou sans fin a touz jors mes arde ; Chescun y doit bien prendre garde Et rendre l'autrui ains sa mort.

Fouis est qui a ravir s'amort ; Onques saint Gregore en sa vie 2165 Ne vesqui de chose ravie, Mes donnoit a Dieu comme sage Tout son meuble et son héritage, Si con j'ey par devant conté :

Bien pert qu'il fut de grant bonté.

J'ay de saint Gregore parlé 2 171 Ci dessus par lonc et par lé, Non pas quanque l'en en peut dire, Quer mon sens n'y porroit soffire ;

542 A- DK M

Mes qu'aus parechouz trop n'ennuyt,

Je m'en délivrerai] ennuyt. 2175

J'ay de ses vertus raconté,

De son sens et de sa bonté

Et de sa manière de vivre.

J'ai ceo que j'ay mis en mon livre

De Jehan le dyacre pris, 2 181

Si n'en doy pas estre repris,

Quer il escrist toute sa vie,

De quoy j'ay pris une partie ;

Et encore en direy .1. conte 2185

Que cel Jehan de soy raconte,

Qui li avint quant il vivoit.

En ce que la vie escrivok

Saint Gregore, qui mout est bele,

Tout soûl de nuyz a le chandele, 2 1 90 .1. homme vestu comme prestre S'esta delez luy en son estre ; Jehan ne dist pas : c Qui es tu? »

Cil avoit, ce sembloit, vestu Par dessus .1. blanc vestement 2195 Si deugîé merveillousement Que l'en voiet, c'est chose voire, Parmy la cote dessouz noire.

De Jehan plus prez s'apreucha, Mes onques a li ne toucha 2200 Et, quant bien prez fut, a voir dire A pleine goule prist a rire ; Onques ne s'en pout détenir.

Jehan, qui si le vit venir, Quant vit que prez de li s'estoit, 2205 Li demanda pour quoy c'estoit Q'uns hons de si très grant office Estoit si coquart et si nice Qu'il osoit si baudement rire ; Celuy li prent tantost a dire : 2210 i Je ri pour ce qu'en tes escris Mez les fez des mors et escris, Qu'en lour vie ne veîs onques* »

Jehan li respondi adonques, Et dist : • Tu as mauvez estry; 221 5 Et, se j'ay de celuy escry Que ne vi onques li vivant, Pour quoy en vas tu estrivant?

J'escri ceu que j'en ay leû Et par l'escripture sceû. 2220 — Et tu as, dont me doy douler, Si con[me] voy, fet ton vouler, Et je ce que pourré ferey ;

Ja pour toy ne m'en cesmey. »

Quant parlé outen tel manière, 1225 Celuy li desteint sa lumière Et l'effrea si malement Que Jehan cuida vraiement Que l'einemy, quant a voir dire, Le deûst de gleyves ochire. 2230 Si cria de grant crainte en l'onre, Mez saint Gregore sans demoure Vint pour estre de sa partie, Et avoit en sa compaignie Pierre son dyacre a senestre 22 j 5 Et saint Nicolas a sa destre, Et, quant li vit fere tel chiere, Il li dist en ceste manière :

« Homme de foy petite et nue, Pourquoy as tu tel doute eue ? 2240 L'einemy ne peut fere engaigne A cely qui fet bonne ouvraigne. »

En cela saint Grégoire, voir, Fesoit Jehan apercevoir Qui de grant crainte fremissoit ; 224J Le deable s'atapissoit Lez le lit, aprez la courtine, En autressi petit couvine 'Corn garson que l'en bat et torche.

Lors prist saint Gregore la torche Que Pierres le dyacre avoit ; 22 j 1 A l'einemy, que bien savort Qui se muchoit delez la couche, Brulla le visage et la bouche Si fort qu'au dit Jehan sembla 2255 Qu'Ethiopien ressembla, Tant fut narchi de desmesure ; Dessus sa blanche vesteûre Qui si deugiée iert et si bele Chay, sans plus, une estencek 2260 Qui Pardi toute et devoura Si bien que rien n'i demoura ; Et, quant ainssi rat escheu, Il fut par tout très noir veû.

Lors dist Pierres a saint Gregore :

c Sire, nous l'avon quant a ore 2266 Assez nerchi et enfumé ; De mal feu soit il alumé. »

Dist saint Gregore : c Dieu merchi, Nous ne l'avon mie nerchi, 2270 Mes monstré avon d'aventure Qu'il est tout noir de sa nature. >

LA VIE DE S. Cf

Quant le deable oy ce conte,

Il s'en foy a sa grant honte

Conrae povre chose esbahie. 2275

Saint Gregore et sa corapaignie

S'en alerent à Dieu arrière,

Mès eulz lessierent grant lumière

A Jehan pour estudier,

De quoy bien les dut merchïer, 2280

Quer de péril le délivrèrent

Et la lumière li livrèrent

Dont il pout escrire son livre.

Sage est qui a cest saint se livre

Qui sait si ses sers délivrer, 2285

Et pour ce m'y vuil je livrer,

Si que par li soie délivre

Et m'empêtre grâce de vivre

Vers cil qui a mort se livra

Pour nous, et qui se délivra 2290

De celuy qui tous nous livroit

A mort, s'il ne nous délivrait.

Se de péril nous delivron,

De tous poins a Dieu nous livron

Et aprez a sa douche mere, 2295

Qui n'est ne fele ne amere

N'onques n'out en lié rien amer.

Preste est touz jors de nous amer,

Pour tant que loyaument l'amon ;

Se de bon cuer la reclam on, 2300

Elle accourra a la clamour,

Quer tant ayme de vraye amour

Qu'ele ne faut a nul qui l'ayme

S'a besoing de cuer la reclayme.

Or ay besoing ; si la reclaim 2305

Et du deable a lié me claim

Qui me net, n'onques ne m'aima,

Quar hayne vers toute ame a.

Si requier le bon saint Gregore,

De qui j'ai devant fet memore, 2310

Qu'i me vuille tant otroier

Que pour moy vuille deprier

La très douce vierge Marie

Qui mainte ame a de mort garie,

Se l'einemy me veut sus courre, 231 5

Qu'elle viegne pour moy rescourre,

Et je scey bien, s'elle y acourt,

Que l'einemy s'i tendra court,

Que tout maintenant s'en courra

Et que de ses mains m'escourra. 2320

Saint Gregore, et tu me secour,

ÎOIRE LE GRAND 54 J

Se l'einemy m'acuse; cour Tout aussi comme tu couris A Jehan que tu secouris, Qui de ta vie escrit le cours 2325 En beaus livres, non mie cours, Mès grans et Ions, bien est sceû ; Et j'ey fet ce que j'ey peu, Si te pri que ne me desdeignes, Mès mon petit livre a gré preignes.

C'est ceu a quoy m'oreison tent; 233 1 Dieu fut du petit don content Que la povre famé donna, Et cil, qui fors petit don n'a Et le donne de cuer entiers, 2 3 3 5 L'en le doit prendre volentiers.

Je n'ay rien de noef controuvé, Mes le vray latin approuvé Ay je translaté en rommant.

Saint Gregore, a toy me commant, Et te pri que me recommandes 2341 Par tes mérites, qui sont grandes, A Dieu et a sa douce mere, Quer, se tu veux, saintisme pere, Vers eulx me peus si affiner 2345 Que sauf serey au definer.

En l'an mil. CCC. vint et sis, U vendredi saint que je sis Tout soul a l'oure de complie, Fust ceste euvre toute acomplie.2350 Et Dieu, qui ne faut ni ne ment, Qui a ycel jour proprement Toute l'escripture acompli, Me vuille mètre en si bon pli Que sa volonté aemplisse 2355 Ains que m'ame de son temple ysse, Tant corn le temple est encor tel, C'est a dire mon cors mortel, Quer puis la mort n'est nul fet monde S'il ne le dessert en cest monde. 2360 Pour ce pour ma peine requier Saint Gregore, et de li ne quier Fors qu'il face vers nostre sire Tant qu'il me pardoinst toute s'ire Et que j'aie avec li partie, 236$ Quant m'ame iert de mon corps partie.

Et tous ceulz qui orront le livre, Dieu vuille qu'il soient délivre De tout péril de cors et d'ame S'il prient pour moy nostre dame

544 LA VIE DE S. GREGOIRE LE GRAND

Et saint Gregore son affin 2371 Et mestre Jehan le confez, 237$ Qu'avecques eulz soie a la fin Qui en a bien porté son fez

De mal et de péril délivre. Quant est de faire l'escripture,

Yci se define mon livre. Dieu li envoit bonne aventure. 2378

Amen.

A. DE MONTAIGLON