XCIX. — 26 janvier 1432 (n. st
Quittance de Jacques de Lunain, notaire et secrétaire du Roi, pour ses frais de voyage en Flandre, Picardie et Brabant, où il a accompagné les évêques de Thérouanne et de Noyon, envoyés en ambassade auprès du duc de Bourgogne. (Arch. de la Seine-Inférieure, Fonds Danquin. Original.)
Je Jaques de Lunain, notaire et secrétaire du Roy nostre sire, confesse avoir eu et receu de honnorable homme et sage Pierre Surreau, receveur general de Normandie, la somme de quatre vins livres dix solz tournois a moy deubz par le Roy nostredit seigneur, c’est assavoir lxxiiij livres y solz tournois a cause de mes gaiges ordinaires de dix huit solz par jour pour soixante et six jours entiers de quartier d’an commançant le premier jour d'octobre mil cecce xxxi et finissant le derrain jour de decembre prouchain aprés ensuivant et derrain passez, par tout lequel temps je afferme par mon serement avoir vacqué ou service du Roy nostredit seigneur tant en ceste ville de Rouen comme dehors es pais de Flandres, Picardie et Brabant ou j’ay esté envoié de cestedicte ville de Rouen par l’ordonnance du Roy nostredit seigneur ou de messeigneurs de son conseil estans par devers lui avecques et
en la compaignie de reverends peres en dieu monseigneur l’evesque de Therouenne, chancellier de France et monseigneur de Noion, lesquelz par l’ordonnance que dessus aloïient pour aucuns affaires d’icellui seigneur par devers monseigneur de Bourgoigne, excepté vingt six jours seulement d'’icellui quartier commançant le second jour dudit mois de decembre et finissant le xxvij® ensuivant de ce mesme mois que j’ay demouré et sejourné en la ville de Paris avecques le Roy nostredit seigneur quant il y a esté pour son sacre ou couronnement ; et six livres cinq solz tournois pour mon mantel du terme de Noel derrain passé ; lesqueles parties ensemble montent a ladicte somme de lij® livres x solz tournois, dont je me tiens pour content et bien paié et en quicte le Roy nostredit seigneur, ycellui receveur general et tous autres. Tesmoing mon seing manuel cy mis le xxvi° jour de janvier l’an mil ecce xxxi. — J. de Lunain.
