C. — Rouen, 19 mars 1432 (n. st

Mandement du Conseil du Roi à Pierre Surreau, receveur général de Normandie, pour le paiement des deux hommes d’armes et des neuf archers que le sire de Saint-Pierre a envoyés hâtivement de Honfleur à Rouen lors de la prise du château par Ricarville et ses compagnons (1). (Br8z. NAT, Franc. 26055, n° 1272. Original.)

Les gens tenans a Rouen le conseil du Roy nostre sire À nostre amé Pierre Surreau, receveur general de Nor-

(1) Le même jour, Jean de Montgommery, bailli de Caux, donne quittance à Pierre Surreau d'une somme de 45 livres pour les frais du recouvrement de la grosse tour du château de Rouen, naguère occupée par les ennemis. (BIBL. NAT., P O 2021, Mongemery, 13.)

mendie, salut et dilection. Comme nous avons fait savoir au sire de Saint Pierre, conseiller du Roy nostredit seigneur estant a Honnefleu, la folle entreprinse de nouvel faicte par les ennemis du Roy nostredit seigneur qui s’estoient efforcez d’avoir par emblée le chastel d’icelle ville de Rouen et qui de fait s’estoient retrais et mis a deffence en la grosse tour d’icellui, lequel sire de Saint Pierre a toute diligence a envoiez en cestedicte ville de Rouen deux hommes d’armes et ix archers lesquelz nous avons retenuz et fait demourer en cestedicte ville de Rouen jusques ad ce que lesdiz ennemis, qui par force ont esté reboutez hors d’icellui chastel et s’estoient retrais dedans icelle grosse tour qu'’ilz tenoient et occuppoient comme dit est, ont esté redduis et rendus a la volenté du Roy nostredit seigneur, lesquelz y ont vacqué par xlij jours, pour lequel temps nous leur aïions ordonné prandre et avoir des deniers de vostre recepte la some de trante trois livres tournois. Sy vous mandons et expressement enjoingnons que des deniers de vostre recepte vous leur baïllez ladicte somme de xxxiij L. t. et par raportant ces presentes et quictance desdictes deux lances nommées dehan Graffart et Jehan Doucet tant seullement icelle somme sera alouée en vos comptes et rabatue des deniers de vostre recepte sans aucun contredit ou difficulté quelconques, par tout où il appartendra. Donné a Rouen soubz le signet dudit conseil le xix° jour de mars mil ccce trante ung. — Par les gens du Conseil du Roy nostre sire en Normendie. G. SEBIRE (avec paraphe).