CIII. — 23 avril
Colette, veuve de Jean Bosquet, vend à son beau-fils Georget Bosquet une place vide en la paroisse Saint- Jean de Rouen, à la condition que le dit Georget fera faire une tombe, pour elle et son mari, dans l’église Saint-Michel et paiera tous les frais de ce travail qui peuvent incomber à la dite veuve. (Reg. du tabellionage de Rouen, 1431-1432, fol. 176-177.)
Mercredi xxiij° jour d’avril mil iïij® xxxij aprés Pasqtes in us . Colecte veufve de feu Jehan Bosquet, en son vivant avocat et conseillier en court laye et demourant en la parroïsse Saint Michiel de Rouen, vend, quicte, transporte et delaisse a heritage, etc., a Georget Bosquet, filz dudit deffunt, etc, c’est assavoir une wyde place, ainsi, ete., assise en la parroïsse Saint Jehan de ladicte
ville, d’un costé Pierre Cossart a cause de l’eritage qui fu Guillaume Le Bateur, d’autre costé la ruelle Ancelin qui maine de la rue Eseuiere a la rue Saincte Croix, d’un bout par derriere audit Georget et d’autre bout par devant au pavement de ladicte rue Escuicre ; ceste vendue, quictance, transport et delaiz fait a la charge que ledit Georget Bosquet, qui present estoit, sera tenu et promist fere faire et paier a ses despens pour, [ou] nom et en l’acquit de ladicte Colecte, tout ce en quoy elle estoit et peult estre tenue pour sa part [et] porcion d’une tombe ordonnée estre mise en ladicte eglise Saint Michiel par ledit deffunt ou ses hoirs [et] executeurs tant a cause de la rente ou argent pour la place d’icelle tombe que de l’achat [et] façon d’icelle, en laquelle seront gravées les pourtraitures dudit deffunt et d’elle et esc{ripts] entour en leurs noms et soubz laquelle tombe ladicte Colecte sera s’il lui plaist en la fin de ses [jours] enterrée et du coustoiement et de tout ce qui pourroit estre demandé d'’icelle place pour jadicte Collecte], ses hers et executeurs et lui garantir ladicte place envers lesdiz tresoriers et parroissiens d’icelle par[roisse] Saint Michiel, et oultre sera tenu ledit Georget paier pour une foys la somme de 1 solz tournois pour sa [part] de cent solz tournois qui doïvent estre emploiez a repaindre une table d’autel en ladicte [eglise Saint] Michiel par l’ordonnance dudit deffunt, sesdiz heritiers ou executeurs, et aussi par cest present co[ntract] ladicte Colecte demourra quicte envers ledit Georget de la somme de c solz tournois qu’elle lui devoit [pour] une fois paier et de toutes autres choses dont ledit Georget lui pouvoit fere action, poursuicte [et] demande de tout le temps passé jusques au jour duy; et par dessus ces choses ledit Georget] paia a ladicte Colecte la somme de trois salus d’or avec xl solz pour le vin du mar[chié], dont de tout lesdictes parties chaseun en droit soy se tindrent a con-
tens, etc., et promist ladicte Coflecte ladicte] wyde place garantir en tant, etc., et que jamaiz riens, etc., et baïllier vidimus audit [Georget] des lettres de partage qu’elle avoit de la succession dudit deffunt et lui aïdier de l’origi[nal se] mestier en avoit. Et aussi pour ce que procés est meu et pendant entre ladicte veuf[ve et les] religieux de la Magdalaine de Rouen a cause de x solz tournois de rente qu’ilz disoient avoir sur la[dicte wyde] place, que l’en ne confessoit pas, ledit Georget en prendra la deffence comme il appalrtendra], de laquelle rente ne d’autre rente ladicte Colecte ne fera aucune garantie si non [en tant] qu'il y auroït de son fait et obligacion. Et a ce tenir, ete, obligent l’un a l’autre biens, etc. [Presens] Jehan Crasongnon et Guillemin Duhamel.
