CII. — 8 avril 1432 (n. st
Accord entre la ville de Rouen et Jean le Vaillant au sujet de la construction d’un édifice sur un mur mitoyen entre une place vide qu’il a prise à bail de la dite ville et l’hôtel du Haulage. (Reg. du tabellionage de Rouen, 1431-1432, fol. 163-164.)
Mardi ensuivant viüij® jour d’avril [m iñij° xxxi avant Pasques er see Comme Jehan le Vaillant ait prins
(1) Une autre quittance, du 18 août 1432, donnée par Richard Leyland, écuyer, trésorier de l'hôtel du Régent, porte sur 8.000 livres,
Re SE SE
représentant la pension de Bedford pendant les mois de juin et n
juillet. (Zbid., Fonds Danquin.)
a rente de la ville de Rouen pour et ou nom de la communauté d’icelle une place wyde ou souloïit pendre l’enseigne du Cheval Rouge, en la parroisse Saint Candre le vieil, par le pris et condicions declairés es lettres de bail sur ce faictes, en laquelle wyde place il ait fait et a intencion de fere pluseurs ediffices et reparacions, entre lesquieux par le congié des bourgois conseillers de ladicte ville il ait fait fere a ses propres coustz et despens ung mur au derriere de ladicte wyde place vers l’ostel du Haullage appartenant a icelle ville, lequel mur a cause de l’eritage dudit Haulage est et demeure partable et moictoien entre ladicte ville et ledit Vaillant, et il soit ainsi que sur la moictié dudit mur icellui Vaillant veulle comme il dit asseoir et ediffier une maison ou estable, laquele chose il n’ose pas bonnement entreprendre sans le congié et auctorité des bourgois conseillers et officiers d'’icelle ville, Savoir faisons, ete., furent presens Massiot Daniel, Guerould Pubose, Loys de Cormeilles, Pierre Roque et Richart Goule, conseillers, et Pierre Daron, procureur de ladicte ville, lesquelz pour et ou nom d'’icelle consentirent et accorderent audit Vaillant qu’il puisse mectre et asseoir tel ediffice qu'il lui plaira sur sa moictié dudit mur sans aucune chose entreprendre sur l’autre moictié d’icellui, par ainsi que ledit ediffice couvrira icelle moictié de mur de la ville et gectera les eaues oultre, jusques a ce qu'il plaira aux officiers d’icelle ville qui pour le present sont ou pour le temps avenir seront ediffier a l’encontre dudit Vaillant, ouquel cas icellui Vaillant sera tenu retraire sondit ediffice et porter ses eaues sur soy mesmes, a quoy icellui Vaillant qui present est se submist. Et oultre eu regard et consideracion a ce que ledit Vaillant a fait fere ledit mur moictoien a ses propres coustz et despens et qu'il a fait grans mises a ediffier et fere valloir ladicte wyde place, qui par aucun temps ne
lui a riens valu, et en doit encores les arrerages qu'il ne pourroit bonnement paier ne fournir sans en avoir relache ou courtoisie, comme il a affermé, iceulx conseillers et procureur vouldrent, consentirent et accorderent que sur lesdiz arrerages lui soit deduit et rabatu par le receveur de ladicte ville une année et demie montant xvi livres x solz tournois, laquele somme iceulx bourgois conseillers et procureur vouldrent estre deduite et rabatue audit receveur par rapportant ces presentes ou vidimus d’icelles. Et si se tindrent lesdiz bourgois conseillers et procureur pour contens de la reparacion ou amendement que devoit mectre ledit Vaillant sur ladicte wyde place selon la baïlle d’icelie. Et a ce tenir lesdictes parties obligierent, etc., Jurans, etc., et renonchans, etc. Presens Robin Mustel et Jehan Quesnel.
