CVIII. — 24 mai

Acte de réunion, sous un seul serment, celui de cordonnerie, des cordonniers et vachers de la ville de Rouen qui formaient jusque-là deux catégories du même méhier et payaient à la ville, en deux portions distinctes et inégales, le prix du bail de leur halle, fixé depuis longtemps, et antérieurement à l’occupation anglaise, à la

somme de 49 livres 2 sous tournois par an. (Arch. mun. de Rouen, ane. tiroir 14, dossier 4. Original) (1).

A tous ceulx qui ces lectres verront ou orront Guillaume de la Fontaine, lieutenant general de noble homme monsieur Jehan Salvain, chevalier, baïlli de Rouen et de Gisors, salut, Comme en l’an de l’incarnacion Nostre Seigneur mil deux cens soissante deux Louys lors Roy de France, en l’an xxxv° de son regne, eust baïllé en fieffe en perpetuel heritage aux maire, citoyens, bourgoiïs et habitans de ladicte ville de Rouen, qui lors estoient, et a leurs successeurs, pour et ou nom de la communauté de ladicte ville, les halles, marchié et moulins d’icelle ville, par le pris et a la charge de trois mil livres tournois de rente a lui estre paiez et a ses successeurs franchement et entierement par chascun an, laquelle baïlle iceulx maire, citoyens, bourgois et habitans, pour et ou nom que dit est, eussent lors prinse avec tieulx droiz, auctoritez, faisances, revenues et redevances comme a ladicte fiefferme doit competer et appartenir, selon ce que plus a plain est contenu et deelaré en la chartre dudit Roy Louys de ce faisant expresse et plaine mencion; depuis lequel temps les maires, conseilliers et autres officiers de ladicte ville, qui successivement au tiltre de leurs estas-et offices ont eu l’administracion et gouvernement des revenues appartenans a ladicte communauté, ayent, pour la conservacion et entretenement de ladicte fiefferme et pour icelle faire mieulx valoir, baïllié une partie desdictes halles et marchié par

(1) Un autre original parchemin presque illisible se trouve aux Archives de la Seine-Inférieure, série E Corporations (Cordonniers de Rouen). Copie du xXVII* siècle, non authentique, faite sur une autre copie du 27 septembre 1601, transcrite d’après l'original par Jean Gohé, sergent vendeur royal à Rouen, à la requête de Pierre Guéroud, maître du métier de cordonnier : Arch, de la Seine-Inférieure, G 4397.

branches et par porecions a divers estas et marchandises par certains pris particuliers de rentes et de louages, et l’autre partie retenue en la main de ladicte ville pour baïillier a ferme muable et s’en aidier en autres choses au bien d'’icelle ville, selon ce que lesdiz conseilliers et officiers advisent chaseun jour pour le mieulx ; entre lesquelles baïlles particuliers soit des longtemps la baïlle de la halle aux cordouenniers et vachers de ladiete ville, qui doit a jadicte communauté a cause d’icelle fiefferme la somme de quarante neuf livres deux solz tournois par chaseun an, laquelle somme ait tousjours esté vallable et bien paiée par iceulx cordouenniers et vachers jusques au temps ou environ que le siege fut mis et assiz derrenierement [devant ladicte ville, qui fu l’an] mil quatre cens dix huict; toutesvoyes iceulx cordouenniers et vachers, qui n’est que un seul mestier d’une mesme essence et entremise alans en une seule hale, ont depuis lors refuzé a faire ledit paiement, tout soubz ombre et couleur de ce qu’ilz dient que oudit mestier sont deux seremens et en leur hale deux porcions, c’est assavoir le serement et porcion des cordouenniers et celui de vacherie, et que ceulx qui ce faisoient jurer apprentifs, maistres et ouvriers du mestier de vacherie ne povoient aler en hale sinon en leur porcion, et selon leur ordonnance n’y povoient porter que souliers de vache, et d’icelle porcion avoient acoustumé paier a ladicte ville saize livres dix solz tournois par chascun an, et partant estre quictes, laquelle somme de saize livres dix solz tournois iceulx vachers ont tousjours palée et paient chaseun an; et les autres qui se faisoient jurer du serement de cordouennier ne povoient aussy aler en la hale sinon en leur porcion, et selon ladicte ordonnance n’y povoient porter que souliers de cordouen, jacoit ce que les uns et les autres tant cordouenniers que vachers puissent faire ouvrer et vendre l’un et l’autre en leurs hostieulx,

et de leur porcion de ladicte hale avoient acoustumé paier iceulx du serement de cordouennier le residu de ladicte somme total montant a trente deux livres douze solz tournois ; lequel paiement ilz n’ont peu depuis ledit temps ne porroient faire ne fournir pour le temps advenir, comme ilz disoient, se diminucion notable de ladicte rente ne leur estoit faicte et qu'’ilz fussent auctorisez de porter en ladicte hale toute œuvre bonne et loïale de cordouennerie et de vacherie; car ilz disoient entre autres choses que, combien que aucunement ilz fussent et aient esté en plus grand nombre audit serement de cordouennerie que les autres du serement de vacherie, et aussy payent la plus grande portion, ce nonobstant ou temps dudit siege au devant et depuis ilz ont esté et sont tant diminués en nombre de gens, et ceulx dudit serement de vacherie tant multipliez, qu’il y a de present deux ou trois fois plus de vachers que de cordouenniers, parce que plusieurs d’iceulx cordouenniers sont depuis allez de vie a trespassement et que ceulx qui sont faiz et font chascun jour jurer apprentifs, maiïstres et ouvriers dudit mestier delaissent du tout ledit serement de cordouennerie en prenant et acceptant ledit serement de vacherie, et par ce aussy que la marchandise de cordouen n’est telle et n’a cours come autresfois elle a eu; Sur quoy le procureur general de ladicte ville pour la communauté d’icelle avoit en intencion, comme il disoit, de desclarer et soustenir en temps et lieu par ses raisons, a la compaignie du procureur du Roy nostre sire, pour le droit de ladicte fiefferme aïdier a garder et entretenir, que la separacion de ladicte hale et la division du paiement d'’icelle estoit une maniere captieusement et en fraulde pratiquée et continuée, et avec ce que le contenu en ladicte ordonnance de non porter en hale souliers de cordouen avec ceulx de vache n’est que un abusage, car aussi bien et mieulx se peut faire et plus

aisément estre visitez en hale et les faultes y estre cononeues que en leurs hostelz, esquelz par ladicte ordonnance ilz sont auctorisez de faire ouvrer et vendre tant souliers de vache comme de cordouen ; et outre disoit ledit procureur de ladicte ville vouloir soustenir, comme dit est, que ce que lesdiz vachers depuis longtemps s’estoient tous mis du serement de vacherie en delaissant du tout ledit serement de cordouennerie estoit actente, et le faisoient principalement pour eulx cuidier exempter de la plus grand portion de ladicte rente que faisoient ceulx dudit serement de cordouennerie, et du tout souffrir et adnuller ladicte porcion et paiement, ou prejudice, diminucion et desparagement de ladicte fiefferme, que faire ne se devoit ; sur lesquelles altercacions grandes longueurs et involucions de procés povoient sourdre et avenir, pour lesquielx eschiver et nourrir pais et amour lesdictes parties soient plusieurs fois et a diverses journées ensembles convenues ; et finablement eulx sur ce bien conseilliez d’un costé et d’autre, a grant et meure deliberacion, aient sur ce traictié, convenu et appoincté au congié de justice en la maniere cy aprés declairée, comme ilz disoient ; C’est assavoir que doresnavant ledit mestier de cordouennerie et vacherie et iceulx cordouenniers et vachers qui pour le present sont et seront pour le temps advenir oudit mestier seront tous un soubz un mesmes et seul serement de cordouennerie et soubz une seule visitacion, et semblablement lesdictes deux porcions de ladicte hale seront une seule hale nommée la hale aux cordouenniers, et les deux paiemens de ladicte somme de quarante neuf livres deux solz tournois se feront par indivis et a un seul paiement a deux termes en l’an, aïinsy et par la maniere que se faisoit paravant en deux parties; et ainsi delaisseront du tout et delaissent des maintenant le nom et denominacion de vachers et de vacherie et plus n’en feront mencion en

hale, en serement ou garderie et en paiement ne autrement ; et tous ceulx qui de cy en avant seront jurez apprentifs, maistres, ouvriers et gardes dudit mestier feront le serement ou nom de cordouennerie seulement et se nommeront cordouenniers et ledit mestier cordouennerie, et pareillement les hales, les gardes et le paiement ; et pourront porter, exposer et vendre a ladicte halle toute œuvre bonne et loyale de vache et de cordouen soubz bonne visitacion d’iceulx gardes, ainsi qu'’ilz faisoient et peuvent faire en leurs hostelz; et combien que le temps passé ilz avoient aucunement toleré et usé par entre eulx que ceulx qui n’aloyent point en hale ne payoïent que demy halage cu estalage, toutesvoies est il par eulx ensembles ou par la plus grant et saine partie advisé et delibéré, considéré ce que de present le paiement de ladicte rente est tout un, aui se monte a greigneur somme et plus griefve a paier que ne faisoient les deux paiemens particuliers, mesmement au regart d’iceulx vachers, que aussi bien paieront plain haulage ou estalage ceulx qui ne yront point en hale comme ceulx qui aler y vouldront, car se ainsi ne se faisoit il s’ensuieroït vraysemblablement que legierement et en brief chascun d’eulx ou la plus grant partye, et en especial les riches et puissans qui sont demourans eu cueur de la ville, delaisseroïent a aler a ladicte hale pour gaigner ou sauver la moitié de leur paiement, dont s’ensuivroit aussi grief et charges pour ceulx qui aler y vouldroient, et le delaissement et desparagement de ladicte hale et par consequent dudit marchié de ladicte fiefferme ; toutesvoyes en ce regart en sont exceptez les vendeurs de petiz soulliers, lesquelz pourront estaler et vendre, s’il leur plaist, a la Calendre, ainsi qu'’ilz faisoient paravant cest appoinctement, et ne paieront au regart des autres que demi haulage, maiz se iceulx faiseurs de petiz soulliers faisoient grans soulliers, ce que ilz peuvent bien

faire se leur plaist, ilz paieront plain haulage ou estalage comme dit est ; et accorderent que en icelle instances leurdicte ordonnance soit corrigée ou modérée ; et de la partie de ladicte ville a esté accordé ausdiz cordouenniers et gens dudit mestier que, eu regart et consideracion a ce que durant ledit siege et grand temps aprez ladicte hale a esté desemparée et de ce deffault d’estaulx et aultres habillemens, et autres causes et consideracions a ce mouvans lesdiz conseilliers, et en recompensacion de ce que la separacion d’icelle halle, dont descord estoit, a esté aucunement valable, laquelle valleur est retenue au prouffit de ladicte ville, iceulx cordouenniers et gens dudit mestier sont et seront ores et pour le temps avenir frans, quictes et exempts de tous restes et arrerages deubz et escheuz et que ladicte ville pourroit demander de tout le temps passé jusques a la saint Michiel prouchaïn venant a cause de la somme de trente deux livres douze solz tournois dessus ladicte somme dont descord estoit, a laquelle feste saint Michiel iceulx cordouenniers commencheront a paier la premiere demi année de la somme total de quarante neuf livres deux solz tournois ; et avec ce leur ont accordé lesdiz conseilliers, ou nom de ladicte ville, que sur chascune année jusques a six ans prouchainement venans leur soit rabatue et defalquée la somme de douze livres tournois en rabatant ce neanlmoins de ladicte somme de quarante neuf livres deux solz tournois; desquelles choses ainsi traictées et convenues lesdictes parties aient promis passer lectres vallables les uns aux autres par ainsi et comme il est dessus dit : Savoir faisons que aujourduy par devant nous en l’assise de Rouen par nous tenue le samedi xxiiij° jour de may continué du lundi precedent l’an mil cecc trente deux, furent presens Massiot Daniel, Pierres du Bose, Louys de Cormeiïlles, Pierres Roque et Richard Goule, bourgois conseilliers de ladicte ville,

maistre Pierres Daron, procureur general des bourgois manans et habitans d’icelle ville d’une part, et Gieffrin Duval, Jehan Le Ramendeur, Vivien Du Tot, Tassin Le Roux, Guillaume Le Mendre, Soret Le Caron, Binet Elyes, Jehan du Vivier, Perrenot Le Caron, Michault Elyes, Jehan Boitleaue, Huet De sa Maison, Guillaume Le Nostre, Thomas de Bouquetot, Gaultier Le Fauqueur, Jehan Morin, Perrin Nappes, Pierres Dauvergne, Thomas Dulong, Jehan Delamare, Colin De Launoy, Estienne de Barnouville, Cardin Le Clerc, Jehan de Parsonval, Jehan Baut, Cardinet Le Vasseur, Guillaume Le Canu, Denis Le Mesle, Louis Fessart, Guillaume Le Mendre, Thomas Loisel, Henry Le Boucher, Jehan Bourdon, Jehan Alorge, Guillaume Baril, Denis Aguillon, Jehan Damoye, Robin Delamer, Michiel Turgis, Jehan Fauvel et Guillaume Desseaulx, tous jurez maistres et ouvriers dudit mestier, tant pour eulx que pour tous les autres qui pour le present y sont et pour le temps advenir y seront, d’autre part, lesquelles parties, chascun en son regart et en tant que lui touche, congneurent et confesserent les choses dessus dictes et chaseune d'’icelles estre vrayes et ainsi avoir esté traictés, accordés, convenus et appoinctés comme devant sont narrés, exprimés et declarés, et ainsi les promistrent et se submistrent tenir, enterigner et acomplir et ladicte rente paier ensembles tout aïnsi et par la maniere qu'’ilz la payoïent ou temps passé, en deux parties, selon ce que cy dessus est declairré, sans jamais aler au contraire en aucune maniere. À ce present honnorable homme et saige Henry Picart, procureur du Roy nostredit seigneur au bailliage de Rouen, lequel en son regart et

en tant que touche le fait de ladicte fiefferme, eue consi- .

deracion a ce que ledit estat et entremise d’iceulx cordouenniers et vachers estoit et est un seul mestier et qu’il n’y a plus ou moins de prejudice de porter, exposer et

er

2e om

at me 2

vendre en hale bonne œuvre et loyale de vache et cordouen que en leurs hostieulx par bonne visitacion, et aussi que le paiement d’icelle fiefferme se fera aussi seurement et mieulx par tous ensembles que par parties, se consenti et accorda a ce present appoinetement et par la teneur de ces presentes le consent et accorde. En tesmoing de ce nous avons scellé ces presentes de nostre seel et pour greigneur congnoissance et confirmacion y a esté mis le grant seel aux causes dudit bailliage. Ce fut fait en l’an, jour et assise dessusdis. — Pilloys (avec paraphe).

g CIX. — 25 juin 1432.

Quittance de travaux de charpenterie à l'hôtel des Changes, assis devant l’église Notre-Dame de Rouen. (Biz. NAT., Franc. 26055, n° 1851. Original.)

L’an de grace mil ccec trente deux, le xxv° jour de juing, devant nous Guillaume Coudren, lieutenant de honnourable home Rogier Mustel, viconte de l’eaue de Rouen, fu present Baudet Poilet, charpentier, demourant a Rouen, lequel congnut avoir eu et receu de honnourable homme Michiel Durant, viconte de Rouen, la somme de cent sols tournois qui deubz lui estoient pour sa paine et sallere d’avoir fait tout de neuf de sondit mestier de charpenterie en l’ostel des Changes assis a Rouen devant l’eglise Nostre Dame, appartenant au Roy nostre sire, c’est assavoir une eloeson de bois qui depart deux chambres de nouvel ediffiées illee en la salle de dessus la rue aux Tailleurs. Item deux atrez de cheminées, l’un en l’une desdictes chambres et l’autre en la cuisine dudit hostel, avec une huisserie pour entrer et yssir en ladicte cuisine, et avoir trouvé a ce fere bois et toutes paines d’ouvrier de

sondit mestier, de laquelle somme de cent sols tournois ledit Pollet se tint pour bien paié et content par devant nous, et en quicta le Roy nostredit seigneur, icellui viconte de Rouen et tous autres a qui quictance en appartient. Present a ce maistre Jaques de Sotteville, maistre des euvres de charpenterie du Roy nostredit seigneur ou bailbage de Rouen, lequel certiffia et tesmoingna de bonne foy que ladicte besongne estoit bien deuement et loïalment faicte, et que tant avoit cousté par marchié fait avec ledit Polet. Donné comme dessus. [Signé] Coudren (avec paraphe).