CXIII. — 16 septembre

Lettres d’indulgences accordées par l’archevêque Hugues

= d’Orges pour la reconstruction de l’église Saint-Maclou. (Petit Cartulaire de Saïnt-Maclou, 1436-1443. Arch. de la Seine-Inférieure, G 6872, fol. 54-55.)

Hugo miseratione divina Rothomagensis archiepiscopus universis et singulis Christi fidelibus salutem in domino prosperam et felicem. Sicut mater in bonis filiorum jocundatur ita nos in operibus virtuosis subditorum nostrorum catholice viventium, maxime que spiritualia videntur et ad vitam ducunt eternam, merito congaudemus. Exhibita siquidem nobis nuper pro parte dilectorum nostrorum thesaurariorum et parrochianorum ecclesie parrochialis Sancti Macuti Rothomagensis peticio continebat ipsam parrochialem ecclesiam Sancti Macuti Rothomagensis inter ceteras parrochiales ecclesias nobis subditas notabiliorem reputatam casu fortuito et vetustatis in maximam ruinam versam et a paucis diebus citra ad terram pro media parte dejectam, adeo quod pro quarta parrochianorum et aliorum ibidem affluentium parte suscipienda non sufficiebat nec sufficit porcio residua, reedifficacione repparacionibusque non modicis atque sumptuosis indiwere ; que quidem sine pis Christi fidelium elemosinis et donis caritativis fieri non possunt. Nos igitur cupientes et desiderantes domino populum nobis commissum reddere acceptabilem et bonorum morum et operum sectatorem, fideles ipsos ad complacendum et quasi quibusdam allectivis indulgentiarum nuctrimentis videlicet et remissionibus incitamur ut inde reddantur divine gracie aptiores ; et ut ipsi Christi fideles ad eamdem eo libencius confluant et ad ejus reedifficacionem et repparacionem manus suas adjutrices porrigant quo ex hoc ibidem uberius dono celestis gracie conspexerint se reffectos; Om-