CXIX. — 11 avril 1433 (n. st

Quittance de Gontier d’Oissel, hucher, pour travaux exéculés au château de Rouen, et en particulier à la chambre où fut enfermée Jeanne d’Arc. (Publié par L. Delisle, Revue des Sociétés savantes, 4 série, t. V, année 1867, pp. 440-441, d’après l'original conservé dans la Collection des Quittances de la Br. NAr.).

À tous ceulx qui ces lettres verront ou orront Rogier

Mustel, viconte de l’eaue de Rouen, salut. Savoir faisons

que aujourduy par devant nous fu present Gontier d’Oes-

sel, huchier, demourant a Rouen, lequel congnut avoir eu

et receu de honnorable homme et sage Michiel Durant, viconte de Rouen, la somme de vingt livres tournois, qui deubz lui estoient pour les parties d'ouvrages de sondit mestier par lui faittes ou chastel de Rouen cy aprés desclairées, c’est assavoir douze cassis a mettre toille mis et assiz, huit en plusieurs bees de fenestres estans en da librairie dudit chastel et quatre en la chambre ou est de present logié monsieur le gouvernant regent de France duc de Bedford ; item ung huis et troiz fenestres pour la chambre de secret de mondit seigneur le regent ; em une grosse porte entretaillée de menbreures, laquelle ferme et euvre une forte prison estant en la tour ou siet l’orloige d’icellui chastel, et auprés d’icelle fait ung huis et deux sieges d’aisemens pour servir aux prisonniers estans en ladicte prison ; item ung demy huis en la chambre du cappitaine d’icellui chastel et une fenestre en la chambre ou sont logies les chappellains de la chappelle mondit seioneur le regent; item deux huis, mis l’un en la cloeson de nouvel faicte en la grant cuisine du roy, et l’autre en une chambre de auprés d’icelle cuisine ; fait ung prannel ou degré de la chambre ou soulloit estre logiée Jehanne la Pucelle ; une petite fenestre en l’aumaire de la bouteillerie et ung petit auvent sur la voute par laquelle on fait la livrée du vin aux officiers de la court du roy ; item un constre autel pour garder le parement d’autel de la chappelle mondit seigneur le regent ; en faisant lesquelles ouvrages a esté trouvé par ledit Gontier boiz, clou et toutes paines d’ouvriers de sondit mestier ad ce neccessaires ; de laquelle somme de vingt livres tournois dessus dicte ledit huchier se tint pour content et en quitta le roy nostre sire, ledit viconte et tous autres. Present ad ce Jaques de Sotteville, maistre des œuvres de charpenterie du roy nostre sire ou bailliage de Rouen, lequel certiffia et tes-… mongna les parties d'ouvrages cy-dessus avoir esté bien

et deuement faictes par ledit huchier, que tant valloient et avoient cousté par marchié fait, et iceulx estoient neccessaires faire. En tesmoing de ce, nous avons scellé ces presentes du grant seel aux causes de ladicte viconté. Ce fu fait l’an de grace mil ecee trente deux le xi° jour d'avril avant Pasques. Coudran (1).