CXX. — 20 avril
Rachat par Robert Jolivet, abbé du Mont-Saint-Michel, d’une rente de 36 sous 4 deniers tournois que les maître et frères de l’hôpital du Roi avaient le droit de percevoir sur le jardin de l’hôtel du Singe ou Barbel, récemment acquis par lui en la rue Cauchoise. (Reg. du tabellionage de Rouen, 1433, fol. 12.)
Lundi xx° jour dudit mois d’avril l’an dessusdit [mil nul... Comme Symonnet Godart, heritier de feu Simon de Vaailly, eust vendu afin d’eritage a Estienne de Baudribost, bourgois de Rouen, une porcion de gardin ainsi comme elle se pourporte assise en la parroïsse Saint Pierre le Portier de Rouen, au derriere de l’ostel dudit de Baudribost, d’un costé audit de Baudribost, d’autre costé et d’un bout a reverend pere en dieu Robert, abbé du Mont Saint Michiel, et d’autre bout la rue Saint Jaque, et en faisant ladicte vendue icellui Godart eust promis garentir ledit heritage sans faire aucune mencion de trente six solz quatre deniers tournois de rente que venerables et discrectes personnes le maistre et
(1) V. au sujet de cette pièce l’article de M. le commandant Bailly- Maitre « La tour Saint-Gilles, prison de Jeanne d'Arc au château de Rouen ». (Bull. de la Soc. nat. des Antiq. de France, séance du 16 mai 1928,)
freres de l’ospital du Roy nostre sire a Rouen ont acoustumé prendre et droit d’avoir sur ledit gardin ; et depuis ladicte vendue ainsi faicte ledit Godart eust vendu a fin d’eritage audit reverend pere en dieu ledit monsieur abbé du Mont une maison, tenement, gardin, ainsi ete., ou souloit pendre l’enseigne du Singe ou Barbel en la rue Cauchoiïze, ledit gardin assis en ladicte parroisse Saint Pierre, d’un costé au gardin dudit de Baudriboust, d’autre costé la rue aux Chevaulx, d’un bout audit hostel du Singe ou Barbel et d’autre bout ladicte rue Saint Jaque ; et en faisant ladicte vendue icellui Godard eust chargié ledit gardin de paier iceulx trente six solz quatre deniers de rente pour le temps avenir ; et pour ce que par la division de ladicte rente ainsi muée de lieu en autre pourroiït venir et sortir aucun procés pour le temps avenir, et aussi que ladicte rente n’est amortie ne des fiefz dudit hospital, et disoient estre contrains a bouter hors de leurs mains par le procureur du Roy, icellui monsieur l’abbé eust tourné et fait tourner devers les freres dudit hospital en leur remonstrant et declairant icelle division et mutacion de lieu en autre et aussi que ladicte rente n’est amortie, comme dit est, voulant user de bonne foy avecques iceulx freres et en la reverence de dieu et de divin service les augmenter en ceste partie, offrant leur baïller et asseoir autre assiecte de rente bien paiable et revenant en la ville et banlieue de Rouen, ou que pour leur rente voulsissent prendre de lui la somme de cinquante livres tournois a paier pour une foiz et ilz delaissassent ladicte rente... Sur lesquelles offres venerables etc, maistres Auber Morel, Robert le Fevre, Pierre le Grant, Nicolas Maulin, Thomas Leschine, Robert le Vis et Guieffroy Coulombel, prestres et freres dudit hospital, soient assemblez ensembles par maniere de congregacion ou chappitre et eu sur ce advis par longue espace de temps a leurs conseulz
Dee
gs,
Er
RSR
et amis, et a leur dit conseil ont trouvé que de ladicte somme de cinquante livres ilz pourroient trouver et achetter cent solz tournois de rente a heritage par an, et ainsi augmenteroit leur hostel ; pour lesquelles causes 11z ent choisy prendre ladicte somme de cinquante livres tournois; Savoir faisons que par devant Robin le Vigneron, tabellion etc. furent presens lesdiz freres dudit hospital, assemblez comme dit est, lesquelx congnurent avoir eu et receu dudit monsieur l’abbé ladicte somme de cinquante livres tournois pour le racquit et descharge d’iceulx trente six solz quatre deniers tournois de rente, desquels xxxvi s. li d. de rente lesdiz freres, tant pour eulz ete. quicterent et deschargerent a tous jours afin d’eritage tout le gardin et heritages que avoit acquis ledit monsieur l’abbé dudit Godart, et aussi le gardin dudit de Baudribost, et d’icelle somme qui presentement leur fu paiée en blans de dix deniers piece par maïstre Thomas Eleine, famillier et serviteur dudit monsieur l’abbé, lesdiz freres se tindrent pour bien paiez ete., et icelle somme lesdiz freres se soubzmisdrent et obligerent a mectre et emploier en rente ou heritage pour tourner et convertir au prouffit dudit hostel et en descharge dudit abbé et non ailleurs; et quant ilz feront ladiete acquisieion, ilz seront tenus et promisdrent fere mectre en leurs lectres que l’argent est venu des deniers des xxxvi S. ilij d. de rente aïinsi par eulx transportez a mondit sieur l’abbé, afin que ceulx qui vendront pour le temps avenir aient vraye congnoïssance que eulx re icellui abbé n’ont aucunement diminué ledit hostel, mais le vouloit augmenter comme dit est. Et promisdrent lesdiz freres garentir vers tous en tant qu’il y auroït du fait et obligacion dudit hospital ; et a ce obligerent tous les biens d’icellui ; jurans etc. ; renonchans ete. : Presens Jehan Le Fillastre et Colin Le Testu.
