CXXIII. — 21 octobre

Appointement entre la ville de Rouen et Picrre Richer, charpentier, au sujet d’une maison que ce dernier avoit entrepris de construire à l’angle du Marché neuf et qui empiétait sur le terrain de ladite ville. (Reg. du tabellionage de Rouen, 1433, fol. 220 verso.)

ma it Dudit xxi° jour d’octobre l’an mil ïij° xxxiij. Comme descord et procés feust en termes de mouvoir entre le procureur general des bourgois, manans et habitans de la ville de Rouen pour et eu nom de la communauté d’icelle, d’une part, et Pierres Richier, carpentier, d’autre part, sur ce que ledit Richier avoit de nouvel fait ediffier et drechier le bois ou mesrien d’une maison neufve dedens le Neuf marchié autresfoiz nommé le Clos aux Juifz, en la parroisse Saint Lo, au coing ou environ dudit Neuf marchié, a l’endroit de devant l’ostel de la Porterne, en la place duquel nouvel ediffice avoit eu autresfoiz maison, laquelle ledit Richier avoit fait abatre et oster et a l’environ d'icelle fouir et houer tellement que les repaires des soles et des fondemens d’icelle ancienne maison estoient ostez et perduz, et avec ce estoit cheu et despechié une jambe et le costé d’une des portes de pierre dudit Neuf marchié avec la vousseure joingnant auprés dudit heritage, et tout ce avoit il fait, comme disoit ledit pro-

cureur, sans appeller ne requerir les jurez carpentiers, maçons et officiers du Roy et de ladicte ville, qui de telles choses doivent congnoistre; et si disoit ledit procureur que en ce faisant ledit Richier avoit entreprins sur l’eritage de ladicte ville en plus avant qu’il ne povoit ou devoit et.dont il avoit intencion de poursuir par justice ledit Richer. Sur quoy icelui Richer se fust transporté devers les bourgois, conseilliers et procureurs de ladicte ville, disant et affermant que ce que fait avoit esté sans fraude ou mal engin et ne cuidoit en riens offenser ne prejudicier ladicte ville, consideré mesmes, comme il disoit, que le fons et heritage sur quoy ladicte neufve maison est assise, qui fu anciennement a feu Jehan des Essars, doit a ladicte ville quarante solz tournois de rente par chaseun an, et si obeïssoit reffaire et remettre en estat deu le costé et la vousseure de ladicte porte de pierre; et avec ce requeroit que certaine porcion d’eritage appartenant a ladicte ville a cause dudit Neuf marchié estant en wide place auprés et joingnant d’un des bous de sadicte maison vers rue lui fust baïllié et delivré a heritage a la ligne d’icelle maison, et il obeisseroit en faire telle rente ou redevance comme lesdiz conseilliers et procureurs regarderoient estre a faire; et pour sur ce parvenir en aucun appointement se fussent transportez sur le lieu iceulx conseilliers et maistres des euvres tant de maçonnerie que de carpenterie, et eussent veu et visité ledit ediffice, maïs bonnement ne povoient juger s’il estoit justement du repaire du precedent pour les causes devant dictes; et si eust esté mesurée ladicte porcion d’eritage que ledit Richer requeroiïit, laquelle fu trouvée contenant vers le Neuf marchié une toize cinq piez dix poux, et eu costé devers la rue dix piez et demi de long, et eu bout de devers le pavement onze piez et huit poux de long, le tout mesuré à pié main; et sur ces choses eussent traictié, con-

ne np j V=

Be re

venu et appointté en la maniere cy aprés desclarée, comme ilz disoient ; Savoir faisons, etc., fu present Pierres Daron, procureur general d’iceulx bourgois, manans et habitans, lequel par la voulenté, consentement et deliberacion d’iceulx bourgois conseilliers, congnut et confessa avoir baïllé a rente afin d’eritage perpetuel audit Richer, qui present estoit, congnoissant avoir prins semblablement dudit procureur, pour et eu nom de la communauté d'’icelle ville, c’est assavoir ladicte porcion d’eritage en vuide place à la ligne du bout de ladicte maison, selon ce que cy dessus est mesurée, par le pris et some de quarante solz tournois de rente a heritage par chascun an franchement venant au prouffit de ladicte ville aux termes de Pasques et Saint Michiel par egal porcion, premier paiement commenchant a Pasques prouchain venant, avec les autres xl solz de rente que doit d’ancienneté l’eritage sur quoy ledit nouvel ediffice est assis, lesquelles quatre livres de rente les officiers de ladicte ville pourront prendre et percevoir par voye de pure et plaine execucion sur lesdictes deux porcions ensembles par indivis ou particullierement, lequel que mieulx leur plaira. Et si se submist ledit Richer de faire reffaire de plaine maconnerie selon l’ancien mur et emplir a ses propres cousts et depens ladicte porte de pierre et ce qu’il avoit despecié d’icelui mur au devant ou aussi tost que ladiete neufve maison sera couverte et plastrée, ne si ne pourra avoir en aucuns de ses ediffices entrées, huisseries, cours de dalle ne autres choses qui puissent empeschier ne ordoier ledit Neuf marchié. Et par tant ledit procureur voult, consenti et accorda que ledit nouvel ediffice, ainsi qu'il est a present assis, se face et parface sans empeschement qui de par ladicte ville y puisse estre mis, et aussi que ladicte vuide place nouvellement prinze par ledit Richier icelui Richier puisse ediffier s’il lui plaist et en faire comme de son propre heri-

tage par paiant ladicte rente selon ce que dessus est dit ; laquelle baiïlle et prinse nouvelle ledit procureur promist garantir, ete. et rendre et paier par execucion sur lesdictes masures, ete. Et pour tout ce que dit est tenir, paier, garantir et deffendre, ete., lesdictes parties en obligerent, c’est assavoir ledit Richier touz ses biens, ete., et ledit procureur touz les biens de ladicte ville, ete., jurans, etc, renonchans, etc. Presens Colin le Testu et Jehan Ducloz.