CXXVII. — 13 janvier 1434 (n. st

Mandement des trésoriers et gouverneurs généraux des finances de Normandie pour la prise de possession par Thomas Lodington, ancien vicomte de Pont-Authou et Pont-Audemer, de l’office de grenetier du grenier à sel de Rouen dont il a été pourvu par lettres patentes du Roi, (Arch. de la Seine-Inférieure, Fonds Danquin. Original ; trace de cachet en cire rouge.)

Les tresoriers et gouverneurs generaulx de toutes les finances du Roy nostre sire en Normendie Au baïlli de Rouen ou a son lieutenant salut. Receues avons les lectres du Roy nostredit seigneur au transcript desquelles colla-

tionné a l’original ces presentes sont atachiez soubz l’un de nos signetz faisans mencion comme le Roy nostredit seigneur a ordonné et establi Thommas Lodington nagaires viconte du Pontautou et Pontaudemer en l'office de grenetier du grenier a sel establi a Rouen que nagaires soulloit tenir et exercer Jehan Guedon, duquel nous avons aujourdui receu le serement en tel cas acoustumé pour ce que presentement il ne pourroit bonnement aler en la chambre des comptes a Paris pour illec fere ledit serement et baiïllier sa caucion ainsy qu'il appartient pour doubte des dangiers tant par eaue que par terre. Si vous mandons que en prenant par vous d'’icelui Thommas Lodyngton bonne et ferme caucion de la somme de cinq cens livres tournois ainsy qu'il appartient, vous en ce cas le mectez en pocession et saisine dudit office de grenetier, ensemble des gages, drois, prouffiz et emolumens a icelui appartenans et acoustumez, lesquels gaiges nous voulons et consentons qu'il ait et prenge par sa main en la fourme et maniere acoustumée parmy ce qu'il sera tenu aler en ladicete chambre des comptes a Paris dedens le premier jour d’avril prouchaïin venant pour illec renouveller ledit serement et baïllier sadicte caucion, ainsy qu’il appartendra. Si donnons en mandement a tous a qui il appartendra a vous en ce faisant estre obbey. Donné a Rouen soubz noz signetz le xiij° jour de janvier l’an de grace mil ecce xxxiij. — Le Fournier (avec paraphe).