CXXX. — Rouen, 19 juillet

Lettres patentes du roi Henri VI confirmant et rétablissant les religieux Jacobins de Rouen dans la possession de tous les biens, revenus et droits qui leur appartenaient lors de la descente des Anglais à Touques. (Arch. de la Seine-Inférieure, H, Fonds des Jacobins de Rouen. Original) (1).

… Henry par la grace de dieu Roy de France et d’Angleterre, À tous ceulx qui ces presentes lettres verront salut. Savoir faisons que, a la supplicacion de noz amez les religieux prieur et couvent des freres prescheurs Jacobins de Rouen, disans que des le temps de la descente faicte a Touque l’an mil eccc dix sept par feu nostre tres chier seigneur et pere eui Dieu pardoint, ilz ont tousjours demouré tant en l’obeissance de nostredit feu seigneur et pere comme en la nostre, nous a iceulx supplians oudit cas avons donné, ottroié, rendu et restitué, donnons, ottroions, rendons et restituons de grace especial par ces presentes toutes les terres, heritages et possessions, rentes, revenues et autres droiz quelxconques qu'’ilz tenoïient et

(4) A ces lettres est annexé le mandement exécutoire de la Chambre des Comptes, daté de Paris le 31 juillet 1434.

possidoïent a cause de la dotacion ou augmentacion de leur maison et eglise en nostre duchié de Normandie et autres lieux conquestez par nostre dit feu seigneur et pere au devant de la descente dessusdicte par lui faicte a Touque oudit an mil cece dix sept, pour en joir par lesdiz religieux prieur et couvent par la forme et maniere que eulx et leurs predecesseurs en joissoient paravant ladicte descente, en faisant et païant les charges, droïz et devoirs pour ce deuz et acoustumez, reservé a nous la haulte et souveraine justice et tout aultre droit qui nous y pourroit ou devroit autrement appartenir, pourveu toutes voies que lesdictes maisons, terres, heritages, possessions, rentes, revenues ou partie d’icelles ne soient du propre domaine de nostre duchié de Normandie ne des terres, masures, places ou edifices situées soubz nostre chastel de Faloïise ne des perrieres, carrieres, maisons ou autres choses ordonnées ou reservées a Caen ou pour les edifices de nostre palais de Rouen et que par avant le jour d’huy date de cesdictes presentes ilz n’aient esté donnés a autres par nostredit feu seigneur et pere ou nous, et que lesdiz religieux prieur et couvent desdiz freres prescheurs Jacobins de ladicte ville de Rouen feront le serement du traittié de la paix final, si fait ne l’ont. Si donnons en mandement à noz amez et feaulx gens de noz comptes et les tresoriers et gouverneurs generaulx de toutes noz finances tant en France que en Normandie, au baïlli de Rouen, aux vicontes et receveurs dudit bailliage et a tous noz autres justiciers et officiers ou a leurs lieuxtenans presens et avenir et a chascun d’eulz si comme a lui appartendra que de nostre presente grace, don, ottroy et restitucion facent, souffrent et laissent lesdiz religieux prieur et couvent, leurs successeurs et aïans cause joir et user plainement et paisiblement sans les traveller, molester ou empescher ores ne pour le temps avenir aueu-

nement au contraire. En tesmoing de ce nous avons fait mectre nostre seel a ces presentes. Donné à Rouen le xix° jour de juillet l’an de grace mil cccc trente quatre et de nostre regne le douziesme... Signé Par le Roy a la relacion du conseil, J. de Drosay… [dans un vidimus de Simon Morhier, garde de la prévôté de Paris, du 31 juillet 1434].