CXLIII. -— 23 janvier 1436 (n. st
Quittance pour travaux de serrurerie exécutés au château de Rouen. (Arch. de la Seine-Inférieure, Fonds Danquin. Original.)
À tous ceulx qui ces presentes lectres verront Michiel le Poulletier, garde du scel des obligacions de la viconté de Rouen, salut. Savoir faisons que par devant Jehan
pe. <..
OR ee A le
EE
Baillet, clere tabellion commis soubz Robert le Vigneron tabellion pour le Roy nostre sire en la viconté de Rouen, fut present Michault des Moustiers, serrurier, qui congnut et confessa avoir eu et receu de honnourable homme et sage Guy de la Villecte, viconte de Rouen, c’est assavoir la somme de vingt cinq livres, dix neuf solz, six deniers tournois qui deubz lui estoient pour sa paine, saillaire et despens et avoir trouvé fer et aultrez choses qui ont esté mises et emploiées eu chastel de Rouen pour faire plusieurs euvres de sondit mestier que ledit viconte lui avoit fait faire pour la reparacion et amesnagement dudit chastel pour ce qu’il estoit besoing et necessité que faictez fussent, desquelles euvres les parties ensuivent : Et premierement une serrure de bois fermante dedens et dehors fournie de deux clefz qui a esté assise en l’uis du sellier ou sont les cidres et aultrez choses de monseigneur le tresorier general de Normendie, pour ce vi solz tournois. Item deux serrures de fer fournies de clefz, crampons et aultrez choses qui y appartiennent, qui ont esté assises en la tour du Tresor, dont chascune desdictes serrures a esté achatée dudit Michault par le prix de xxxv solz tournois qui vallent ensemble Ixx solz tournois. Ztem une serrure de fer qui a esté assise en une petite chambre qui est auprés de la chambre du cappitaine dudit chastel, en laquelle petite chambre gisent les damoiselles de la femme dudit cappitaine, pour ce xx solz tournois. Ztem deux gons et deux vertevelles de fer qui ont esté assis en la patisserie dudit chastel pour pendre une grande fenestre qui de nouvel y a esté assise, lesdiz gons et vertevelles pesans xvi livres de fer, dont chascune livre mise en euvre vault xij deniers tournois, qui vallent xvi solz. Ztem une serrure qui a esté assise en ladicte fenestre par dedens pour la fermer, pour ce xv solz tournois. ltem xij verges de fer estamées qui ont esté assises es fenestres de la chambre ou
est appresent logié monseigneur le tresoriers general de Normendie, esquelles fenestres ont esté assises de nouvel penneaulx de verre blanc, lesdictes verges pesantes xxilij livres, qui audit prix de xij deniers tournois chascune livre mise en euvre vallent xiij solz. Item deux coupplés estamés qui ont esté assis en la chambre du tresorier de feu monseigneur le Regent pour pendre une ‘fenestre, pour xij solz. Ztem ledit Michault a reffais, reclouez et mis a point deux des fallos dudit chastel, lesquelx estoient tous ars et depeciez, pour ce xx solz tournois. Tiem deux serrures de fer fournies de tourous, crampons et aultrez choses qui ont esté assises en deux huis qui sont en un celier ou ont esté mis partie de cidres et aultrez provisions qui sont eudit chastel pour le Roy nostre sire, dont chascune desdictes serrures vault xxv solz tournois, pour ce 1 solz tournois. Ztem deux gons et deux vertevelles qui ont esté assises en l’un desdiz huis pesans xi livres de fer qui audit pris de xij deniers chascune livre vallent xi solz. Ttem troïs serrures de bois dont deux d'’icelles ont esté assises en la tour Couronne et l’autre en la chambre du connestable dudit chastel dont chascune vault iij solz, pour ce ix solz tournois. Ziem deux vertevelles et deux gons de fer qui ont esté assis pour pendre un huis qui est en une petite chambre auprés de la porte dudit chastel par devers la ville, en laquelle chambre les charpentiers qui besongnent eudit chastel mectent leurs hostiz, pour ce x solz tournois. {tem trois serrures de boïs qui ont esté assises eudit chastel, la premiere en la chambre ou sont logiez les canonniers dudit chastel, la seconde en ladicte petite chambre dessusdicte, la tierce en la chambre où est logié Perrin Grantsac, dont chascune desdictes serrures vault üij solz tournois, pour ce ix solz. Ziem quatre gons et quatre vertevelles de fer qui ont esté assis pour pendre deux huis fors qui sont en une prison qui est en la tour
Couronnée, lesdiz gons et vertevelles pesans xl livres de fer qui audit pris de xij deniers tournois chaseune livre mise en euvre vallent xl solz tournois. Ztem deux grandes fortes serrures de fer fournies chascune d’un touroul d’un pié de long, crampons, elefz et tout ce qui y appartient, dont chascune piece a esté achatée dudit Michault par le prix de Ixx solz tournois qui vallent ensemble vij livres tournois. tem un grant coupplet de fer de deux piez et demy de long et demy pié de ley qui a esté assis en un sept qui est en ladicte prison pesant xx livres qui audit prix de xij deniers chascune livre mise en euvre vallent xx solz tournois. /tem une serrure de fer fournie de tout ce qui y appartient, qui a esté assise eudit sept, pour ce xxv solz tournois. {tem une aultre serrure de fer qui a esté assise en un huis qui est auprés de la chambre du cappitaine dudit chastel, pour ce xxij solz vi deniers tournois. Toutes lesquelles parties montent et font ensemble ladicte somme de vingt cinq livres dix neuf solz six deniers tournois, dont ledit Michault des Moustiers se tint pour bien poié et comptent et en quicta le Roy nostre sire, ledit viconte et tous aultrez a qui quictance en appartient. Present a ce maïistre Jacquez de Soteville, maistre des euvres de charpenterie du Roy nostredit seigneur eu bailliage dudit lieu de Rouen, qui tesmoingna et relata qu’il avoit veues et visitées les euvres dessusdictes et qu’il estoient bien et deuement faictez et qu’il estoit besoing et necessité pour le prouffit et honneur du Roy nostre sire que faictez fussent et que pour icelles faire et avoir trouvé fer et aultrez choses qui y ont esté mises et emploiées il lui povoit bien appartenir ladicte some de xxv livres xix solz vi deniers tournois. En tesmoing desquelles choses nous avons sellé ces presentes du seel dessus dit. Ce fut fait le xxiij® jour de janvier l’an mil äïij* trente cinq. Presens
Mahiet Couppequene et Jehan du Cloz. [Signé] R. Vigneron, J. Baiïllet (avec paraphes.)
