CXLVIII. — Westminster, 23 novembre
Leitres du roi Henri VI au Chapitre de Rouen pour le remercier d’avoir choisi comme archevêque Louis de Luxembourg, évêque de Thérouenne, son chanceher. (Arch. de la Seine-Inférieure, G 3588. Original ) (1).
De par le Roy
Tres chiers et bien amez. Nous avons receuz les lettres que nous avez fait presenter escriptes en vostre Chapitre le xxvi* jour d’octobre darrein passez et prins grant plaisir quant par ycelles avons apparceuz coment vous estes disposez et de la maniere que avez tenue aprés que certitude vous est venue du trespas de feu sire Hugues d’Orges, nadgaïirs et darrenier arcevesque de nostre eglise de Rouen, pour de vostre part en ycelle nostre esglise pourveoir selonc les seins canons de novel pasteur, après que de nous avez obtenue licence et congié de eslire et pour impetrer et recepvoir la grace du vray et benoyt espoux de sainte esglise Jesu Crist nostre redempteur, adfin que par sa dulceur et benigne clemence voulsit avoir pitié et compassion de nostre dite eglise tant desolée et apovrie et que le seint espirit descendist entre vous pour enluminer vos cuers, affeccions et pensés et les adresser a prendre et choisir pour vostre pasteur et arcevesque persone a dieu plaisant et agreable, loyal a nous et propice aux choses plus au plein et notablement remonstrées en voz dites lettres, lesquelles voz pensée et affeccions du tout commises a dieu, esteans ensemble en vostre dit Chapitre pour proceder a l’eleccion, selon qu'il est de eus-
(1) L’original est scellé sur simple queue, sceau manquant. La trace d’un grand sceau plaqué en cire rouge se voit encore au dos de la pièce, Sur la queue de parchemin, on lit : « À nos tres chiers et bien amez les doyen et chapitre de nostre esglise de Rouen. »
tume en tiel cas chantans le hymne de Vemi creator, avant que eussiés fini le seconde verset d’icelluy, vous tous d’un commun accord saunz discrepance ou contradiccion d'aucun de vous, sodainement le seint espirit a tellement enflammez vosditz cœrs que tous d’une voix y avez postulé tres reverende pere en dieu nostre tres chier et amé cousin et chanceller sire Loys de Luxemburgh, evesque de Therouenne, non mye ainsi que bien savons pour son aise ou proufit particuler aïns pour la reverence de dieu et relevement de nostredite eglise, aussi pour amour de nous et le bien et utilité de toute nostre seigneurie de par dela, de laquele postulacion accepter selon que voz dites lettres font mencion il a prins delay come il vous semble pour ce qu'il ne vouldroit ce entreprendre saunz nostre bon plaisir et, ordennance ; et nous suppliez meismement, pour obvier ad ce que aunciens le pourroyent induire et conseiller du contraire et a delaïisser ledit arceveschié, veu qu'’ele est de petite revenue, et a aultre occasion, que veullions par exhortacions et prieres movoir nostredit beau cousin de ycelle accepter et prendre et bien affectueusement luy en escripre, dont nous faitz encuer de vous plus contans, et, vrayement, tres chiers et bien amez, quant plus pensons a ceste matere plus en avons de joye et de veoir coment vous y estez maintenuz et governez, car par ce povons, aussi fait ung chacun, clerement appercevoir qu’ele ad esté plus governée de grace que d’entendement humain et que a ladicte postulacion faite le seint espirit y estoit ovec vous, dount luy rendons loanges et graces et de ce que luy ad pleu avoir pitié de nostre dite esglise et nous y doner et a vous ung tiel pasteur, duquel les sens, loyaltée, prudens et coment s’est maintenu et gouverné envers nous ne sont yey besoing remonstrier, car l’experience le tesmoïigne ; et veritablement ne sauriens ne pourriens ymaginer ne penser, aussi nous semble que ne fereyent aultres, d’aucun
prelat qui tant de bien come luy y puist faire ne si propice pour la relever et mettre hors de l’orfanée et desolé estat ou elle est de present, et du grant et bon advis qu’avez eu a ainsi faire, combien que ce vous soit venu par l’infusion du saint esprit et de sa grace comme dit est, encor est nostre advis qu’en avez bien deservi d’estre remeriz de dieu et aussi y avons bien apparceu la graunde loyaltée et amour que gardez envers nous et du desir qu’avez au bien de nostre dite esglise, de nous et de toute nostre dit seignurie de par dela par le choiz qu’avez fait de nostredit cousin et chaunceller, dont vous mercions de tres bon cuer. Et quant ad ce que nous suppliez faire envers luy, le requerons et prions tres acertes en noz lettres que lui envoions, aussi si besoing est volons que de par nous l’enhortez et priez qu'il vuille prendre et accepter ladite postulacion et desja avons escript a nostre seint pere qui plese a sa saintité l’avoir agreable et confermée et vous prions que a ceste benoïte œuvre par vous si dignement commencée vueilliés en tout ce que purrez vacquer et entendre jusque a fructueux acomplissement d’icelle et avoir nostredit cousin et son fait pour especialment recommandé en tenant tousjours la main au bien d’icelle nostre esglise, de nous et de tout nostredit seignurie ainsi q’en avons en vous fiance. Tres chiers et bien amez nostre seignur soit garde de vous. Donné soubz nostre privé seal a nostre paloys de Westmonstier le xxiij* jour de novembre.
CXLIX, — G janvier 1437 (n. st.).
Quitiance de 296 livres 1 sou 11 deniers pour fourniture
de pierre extraite de la carrière du Val-des-Leux et em- €
ployée à la construction du palais du Roi à Rouen. (Arch. de la Seine-Inférieure, Fonds Danquin. Original.)
A tous ceulz qui ces presentes lettres verront Michiel le Poulletier garde du scel des obligacions de la viconté de Rouen salut. Savoir faisons que aujourd’hui sixiesme jour . de janvier l’an mil ecce trente six furent presens Simon Bollabe, Cardot Vatier, Guillemin le Bourgois, Robin du Port Guerould et Raoul Trotart, tant en leurs noms que eulx faisans fors pour Drouet Boberel, tous carreeurs de la carriere du Val des Leups, qui congnurent et confesserent avoir eu et receu de honnourable homme et saige Guy de la Villecte, viconte de Rouen, la somme de deux cens quatre vings saïize livres ung soult unze deniers tournois a eulx deubz a cause de la vendue et livrement de pierres de plusieurs sortes et bloc pour emploier es œuvres du palays du Roy nostre sire a Rouen par les parties qui ensuivent : c’est assavoir soixante neuf livres ung soult troys deniers tournois pour la vendue et livrement par eulz fais sur le kay de Rouen de unze cens unze pieces de carrel dur de ladicte carriere du Val des Leupz, cent cinquante piez pour cent et ung cent de carrel tendre, duquel nombre ung cent et demy quarteron dudit earrel dur on a achaté par le prix de six livres trois solz neuf deniers tournois, item le cent de carrel tendre par le prix de soixante solz tournois et le sourplus par le marchié fait auxdiz carreeurs par l’ordonnance et advis de messeigneurs des comptes par le prix de six livres tournois chaseun cent, vallent audit prix ladicte somme de lxix livres 1 sol ïij deniers tournois. Ztem trente cinq livres quatorze soulz pour la vendue et livrement par eulz faiz sur ledit kay de deux cens quatre pieces de coing et quartiers de ladicte carriere a dix sept livres dix soulz chascun cent,
lesdiz coings et quartiers par marchié fait comme dit est vallent ladicte somme de xxxv livres xiiij soulz. Ztem neuf livres six soulz huit deniers tournois pour xxviij toizes de parpain par eulx vendus et livrez sur ledit kay au prix de six soulz huit deniers chascune toise, vallent ladicte somme de neuf livres six soulz huit deniers tournois. Z{em cinquante trois soulz quatre deniers tournois pour huit marches de degré par eulx vendues et livrées comme dit est au prix de six solz huit deniers chascune piece, vallent ladicte somme de cinquante trois soulz quatre deniers tournoys. Ztem huit vings dix neuf livres six soulz huit deniers tournois a cause de la vendue et livrement par eulx fays sur ledit kay de grant nombre de bloc pesant mil soixante saize tonneaulx de vin au prix de troys soulz quatre deniers tournois le pesant de chaseun tonnel par marchié fait come dessus auxdiz carreeurs vallent ladicte somme de huit vings dix neuf livres six soulz huit deniers tournoys ; montent les parties devant desclairées ladicte somme de deux cens quatre vings saize livres ung soult unze deniers tournois, dont lesdiz carreeurs se tindrent pour bien poiez et contens et en quicterent le Roy nostre sire, ledit viconte et tous autres a qui quictance en appartient, toutes autres quictances par eulx faictes ou paravant du jourdui comprins en ceste presente. Present a ce maistre Alixandre de Barneval maistre des œuvres de massonnerie du Roy nostredit seigneur eu bailliage de Rouen et maistre Jehan Willemer ouvriers jurez, lesquieux tesmongnerent le nombre de pierre et bloc devant desclairé de l’essence et moeson telle que dit est avoient esté menez eudit paloys et que d'’icelles pierres et bloc avoit esté emploié grant quantité en la massonnerie faicte nouvellement en icelui paloys depuis le moys d’aoust et au devant de Noel derrain passé et ce qui n’avoit esté emploié estoit encores eudit palays. En tesmoing de ce
nous avons mis a ces lettres le seel desdictes obligacions l’an et jour dessusdiz devant Jehan Baillet tabellion commis audit lieu de Rouen. [Signé] A la trayme, Baillet (avec paraphe.)
