CL. — Rouen, 21 février 1437 (n. st

Mandement du roi Henri VI pour que la Confrérie de Saint-Sever en la cathédrale de Rouen jouisse de la rente de 40 livres tournois que lui a donnée Jacques Poignant, l’un des confrères, pour la célébration d’un service quotidien et qu'il a assignée sur des étuves à lui appartenantes, sises rue de la Prison. (ARCH. NAT, P 1914, n° 24992. Original) (1).

Henry etc. À nos amés et feaulx les gens de noz comptes et le tresorier et general gouverneur de toutes noz finances en Normendie, aux bailli et viconte de Rouen et a tous noz autres justiciers et officiers ou a leurs lieuxtenans, salut et dilection. Oye avons l’unble supplicacion de noz bien amez les prevost, eschevin, freres et seurs de la confrarie Saint Sever en la grant eglise Nostre Dame dudit

(1) Jacques Poignant avait été nommé par Henri V, le 31 janvier 1419, vicomte et receveur de son domaine en la ville et vicomté de Rouen. Le 1° avril suivant, le roi le déchargea de l’office de receveur, qu’il confia, le 11, à Guillaume Gombaut. Le 12 avril 1421, Jacques Poignant était de nouveau pourvu de l'office de receveur des domaines de la ville et de la vicomté, ainsi que des quatrièmes et imposition foraine de la dite vicomté, que tenait Guillaume Gombaut; ses gages devaient être fixés par ordonnance de la Chambre des Comptes. Mais, dès le 23 juillet suivant, le roi réunissait tous ces offices et les baïllait à Michel Durant, dont le nom se rencontre si souvent dans nos documents. (Mém. de la Soc. des Antiq. de Normandie, XXIII, pp. 66, 70, 215 et 227-228.)

lieu de Rouen, contenant comme xiïij ans à ou environ, en l’onneur et reverence de Dieu et dudit saint, Jaques Pongnant, l’un des freres d'’icelle confrarie, eust donné et transporté ausdiz supplians, pour et eu nom d’icelle confrarie, quarante livres tournois de rente a heritage par chaseun an, pour dire le service divin et celebrer tous les jours de l’an perpetuelement une messe acoustumée a dire en ladicte confrarie, laquelle rente il eust assignée et assise sur les estuves a lui appartenantes, assises en ladiete ville de Rouen, en la rue nommée la Rue de la Prison, et combien que de ladicte rente iceulx supplians aient eu depuis ledit don saissine et pocession, ce nom obstant puis nagaires elle leur a esté par vous ou aucun de vous empeschée et arrestée pour ce qu’elle n’est pas amortie ou au mains doubtent que empeschement ne leur soit par vous donné, et ainsi sont en voye lesdiz supplians d’estre dessaisiz de leurdicte rente et qui la leur conviengne widier leur main et la vendre ou transporter a autre personne, car de present n’ont pas de quoy ilz la puissent amortir, et ainsi le divin service que l’en a acoustumé fere et dire chascun jour en ladicte confrarie est en voye de cesser, qui seroit en grant retardacion de la salvacion des armes des bienfaicteurs de ladicte confrarie, se nostre grace ne estoit sur ce impartie et pourveu de remede convenable, comme lesdiz supplians dient, requerans humblement iceulx, Nous ce consideré, en l’onneur et reverence de Dieu et dudit saint, le corps, saïnctes reliques et ossemens duquel, qui sont tres precieulx, nobles et dignes, sont et reposent en ladicte eglise Nostre-Dame de Rouen, a iceulx supplians avons octroyé et octroyons de grace especial par ces presentes que ladicte rente de xl L. t. a eulx donnée et assignée par ledit Jaques Pougnant, comme dit est, ilz puissent tenir en leur main et d’icelle jouir et possider jusques a un an a compter du dabte de

ces presentes, emsemble dez arrerages escheuz, dont aucune chose n’a esté par vous ou les aucuns de vous receu et de ceulx qui pendant ledit temps escharont a cause d’icelle, sans ce qu'’ilz soient tenus de l’amortir ne meetre hors de leurs mains. Si vous mandons etc. Donné a Rouen soubz notre seel ordonné en l’absence du grant, le xxi° jour de fevrier, l’an de grace mil quatre cens trente six et de nostre regne le quinziesme. Par le Conseil. G. Ferieres.