CLI. — 23 février 1437 (n. st

Fondation de Pasquier de Vaux, évêque de Meaux, pour accroître l'office des complies des six samedis de Carême en l’église cathédrale de Rouen. (Arch. de la Seine- Inférieure, G 3574. Original.)

...À tous ceulx qui ces presentes lectrez verront ou orront Michiel ie Poulletier, garde du seel des obligacions de la viconté de Rouen, salut. Comme en l’onneur et reverence de dieu et de la tres glorieuse vierge Marie et de toute la Court de paradis reverend pere en dieu maïstre Pakier de Vaux, par la permission divine evesque de Meaulx, euparavant chanoaïine de la grant eglise Nostre dame de Rouen, conseiller du Roy nostre sire et president de la chambre de ses comptes a Rouen, meu de devocion, pour le salut de son ame et des ames de ses anseseurs et successeurs, eust intencion et voulenté d’augmenter et aceroistre le service de six complies que l’en fait en ladicte eglise Nostre dame de Rouen es six samedis de Karesme, esquelx on chante l’ynne de Christe qui lux es et dies, et sur ce ledit evesque ait aujourduy fait traictié et accord avec venerables et discreptes personnes les doyen

et chappitre de ladicte eglise, par lequel traictié iceulx doyen et chappitre sont submis, tenus et obligiés a faire dire et chanter ou cueur de ladicte eglise doresnavant a tousjours par les six samedis de Karesme lesdictes complies solennellement et a trait, tout ainsy comme l’en dit et chante les complies en icelle eglise a festes tresbles, et après en la fin d’iceulx complies sont tenus dire a genoulx et a basse voix l’oroison Deus cui proprium durant la vie dudit reverend pere en dieu, et après son trespas {nclina domine et pour ce faire sont tenus paier lesdiz doyen et chappitre a tous les chanoines qui seront presens a dire icelluy service tout au long, depuis l’entrée qui se fera dedens le premier gloria de la premiere pseaulme de complie jusques en la fin dudit service, a chaseun cinq deniers pour chascun samedi, et a tous les chappellains et aultres qui ont acoustumé prendre a l’obit du Roy Charles de France le quint qui seront presens a icelluy service tout au long par la maniere dessusdicte, a chascun deux deniers par chascun samedi, comme dit est, comme ces choses sont plus a plain portées par lettrez sur ce faictes passées du jour et dabte de ces presentes devant Robin le Vigneron, tabellion juré de la viconté de Rouen par venerable et discrepte personne maistre Nicolle Caval, chanoaïne de ladicte eglise de Rouen comme procureur desdiz doyen et chappitre; et il soit ainsy que ledit evesque, pour l’augmentacion et acroissement dudit service et du bien et honneur de ladicte eglise ait devocion et voulenté que durant ledit service tout au long ait en ladicte eglise vingt quatre sierges ardans, chascun sierge du poix de trois quarterons, dont il en ait douze entour le grant autel d’icelle eglize et douze aultres sur le pipitre ou l’en dit aux festes l’euvangille en icelle eglise; et avecques ce que durant icelluy service tout au long l’en sonne continuellement une des grosses cloches que l’en a acoustumé

faire sonner audit obit du Roy Charles ; et pour ces choses faire et acomplir ledit evesque ait plusseurs fois parlé a venerable et discrepte personne maistre Raoul Roussel, tresorier et chanoaïne d'’icelle eglise, et par le conseil et deliberacion desdiz doïen et chabpitre aient sur ce fait lesdiz evesque et tresorier traictié et accord entre eulx par la fourme et maniere cy aprez desclairée si comme ilz disoient ; Savoir faisons que par devant Robin le Vigneron, clerc tabellion juré en la compagnie de Pierres Petit, tabellion en ladicte viconté, fu present en sa personne ledit maistre Raoul Roussel a present tresorier de ladicte eglise, lequel de sa bonne voulenté sans contrainte cononut et confessa avoir sur ce fait traictié et accord par le conseil et deliberacion desdiz doiïen et chappitre avecques ledit evesque en la maniere qui ensuit : c’est assavoir que ledit tresorïer s’est submis et obligié et par ces presentes se submest et oblige tant pour luy que pour ses subcesseurs en icelle eglise de trouvoir doresnavant a tousjours perpetuelment a chascun desdiz six complies et service dessus dis vingt quatre sierges chascun oudit poix qui ardront tout au long dudit service, desquelx il en aura douze euprés le grant autel de ladicte eglise et les douze aultres sur ledit pipitre ou l’en dit aux festes l’euvangille en icelle eglize comme dit est, et avecques ce se submist et submest par ces presentes ledit tresorier tant pour luy que pour ses successeurs de faire sonner continuelment durant ledit service tout au long d’icelluy par les six samedis dessusdis une des grosses cloches que l’en a acoustumé de faire sonner en icelle eglise audit obit du Roy Charles. Ce traictié et accord ainsy fait par le pris et somme de cinquante neuf salus d’or et trois soulz tournois de monnoce paiez presentement par ledit evesque audit tresorier, et dont ledit tresorier se tint a bien content et paié et en quicta le dit evesque et ses successeurs par

devant ledit tabellion pour emploier et convertir en rentes, revenues et l’amortissement d’icelles pour laditte fondation. Et promist ledit tresorier tant pour luy que pour ses successeurs de trouvoir doresnavant a tousjours le luminaire d'’icelluy service et faire faire la sonnerie dessusdicte a ses propres coux et despens par la fourme et maniere dessus desclairés, et toutes les choses dessusdictes et chascune d'’icelles enterigner et acomplir de point en point sans jamaiz venir contre; et pour tout ce que dessus est dit et devisé tenir et acomplir par la maniere que dit est, et pour rendre tous coux, fraiz, interests, missions, dommages et despens qui par deffaulte des choses dessus dictes non estre deuement tenues et acomplies seroïent fais et soustenus, dont le porteur de ces lettres seroït creu par son serement sans aultre proeuve faire, ledit tresorier en obliga et oblige par ces presentes tous les biens de luy et de ses successeurs tresoriers en ladicte eglise, meubles et immeubles, presens et advenir, a prendre et vendre, justicier et despendre par tous lieux et justices qu’ilz seroïient trouvés, renonchant sur ce a toutes excepeions, decepeions, frauldes, fautes, cautelles, baras et cavillacions, a tout droit escript et non escript, canon et civil, a toutes lettrez de grace, de respit, données ou a donner, impetrées ou a impetrer, soit de nostre saint pere le pappe, du Roy nostre sire ou d’aultres aians povoir ad ce, et generalment a toutes aultres choses queleonques qui aidier et valloir lui pourroient a venir ou faire venir contre la teneur de ces presentes et par especial au droit disant general renonciacion non valloir. Et si jura icellui tresorier en parolle et conscience de prestre a non jamais venir ne faire venir contre ce que dit est en aucune maniere, En tesmoing de ce nous a la rellacion dudit tabellion avons mis a ces lectrez le seel desdictes

obligacions. Ce fu fait l’an de grace mil quatre cens trente six le samedi vingt troiziesme jour de fevrier, presens messire Pierres Pigache prestre et Jehan Pillois. — Aïnsi signé R. Vigneron, P. Petit [dans un vidimus de Michel le Poulletier, garde du scel des obligations de la vicomté de Rouen, du samedi 23 février 1437 n. st.].