CLIII. — Rouen, 26 juillet

Commission à Raoul Parker, Girard Goussouyn et Richard Clerc, pour recevoir Les montres de la garnison

du château de Rouen. (Arch. de la Seine-Inférieure, Fonds Danquin. Original.)

Jehan Stanlawe escuier, tresorier et general gouverneur des finances du Roy nostre sire en France et Normandie et Pierre Baille, receveur general desdictes fnances, commissaires d'’icellui seigneur en ceste partie, A maistre Raoul Parker, secretaire du Roy nostredit seioneur, Girard Goussouyn, grenetier de Rouen et a Richard Clerc, contreroleur de la garnison du chastel dudit lieu de Rouen, salut. Pour ce que presentement sommes occupez es affaires du Roy nostredit seigneur, par quoy vacquer et entendre ne povons a prendre et recevoir les monstres des gens d’armes et de trait ordonnez soubz tres hault et tres puissant prince monseigneur le due de York, capitaine dudit chastel de Rouen, pour la garde, seureté et deffense d’icellui, nous vous avons commis et par ces presentes commectons a icelles monstres prendre, veoir et recevoir pour et ou lieu de nous pour ce present mois. Si vous mandons et par vertu du povoir a nous donné commectons et enjoingnons sur la foy et loyaulté que vous devez au Roy nostredit seigneur et sur voz honneurs que icelles monstres vous voyez et recevez loyalment, deuement et prouffitablement pour le Roy nostredit seigneur, en passant 2 icelles ceulx que en vos consciences verrez estre souffisans a passer et non autrement, et cassant ceulx que verrez estre a casser, et que pour amour, crainte ou hayne vous ne dissimulez en aucune maniere, en nous certiffiant soubz voz seaulx et seings manuels des noms et surnoms de ceulx que ainsi passez aurez pour valoir ce que raison donra, et que avant lesdictes monstres vous faictes jurer le lieutenant de mondit seigneur le due ou son commis a la garde dudit chastel en voz mains que loyalment et veritablement monstrera lesdictes gens sans

y commectre fraude, decepeion, faulce postie ne tromperie, et tout sur les paines, selon la forme et soubz les condicions sur ce ordonnées, en nous certiffiant soubz voz seaulx et seings manuelz du serement que ledit lieutenant ou ledit commis aura fait en voz mains comme dit est, de faire les choses dessusdictes, leurs circonstances et deppendences, vous donnons plain povoir et auctorité ; mandons a tous a qui il appartient a vous en ce faisant estre obey ; toutes voyes nous entendons que pour chaseune lance a cheval recevez trois archiers a cheval, et pour chaseune lance a pié trois archiers a pié ou a cheval. Donné audit lieu de Rouen soubz noz signetz le xxvi° jour de juillet l’an mil cccc et trente sept. — Duffour (avec paraphe).