CLIV. — 6 août
Réserves faites par l’archevêque Louis de Luxembourg au sujet du logement d’une partie de sa suite en dehors de l’abbaye de Saint-Ouen, la veille de son joyeux avénement dans la ville. (Arch. de la Seine-Inférieure, Fonds de Saint-Ouen, 14 H 153 (layette 3, liasse 3). Original. Sceau en cire rouge de l’archevêque.)
À tous ceulx qui ces presentes lettres verront ou orront Louys de Lucembourg par la grace de dieu archevesque de Rouen et chancelier de France salut en nostre seigneur. Comme il soit ainsi que toutesfois que noz predecesseurs archevesques de Rouen viennent ou sont venus en la ville de Rouen en leur joyeux advenement et premiere entrée en icelle ville ilz aient acoustumé venir descendre en l’eglise et abbaye de Saint Ouen de ladicte ville et aient les religieux abbé et couvent de ladicte eglise
RE
er
tes
ee TS
Ce a
Saint Ouen acoustumé trouver a nosdiz predecesseurs archevesques, leurs gens de leur propre famille et non à autres et a leurs chevaulx bien et honnourablement leurs despens le jour d’icelle entrée et la nuit ensuivant et giste pour icelle nuit; et il soit ainsi que a l’occasion de la guerre ladicte abbaye et les maisons d’icelle soient de present les aucunes en grant ruine et les autres occuppées par les gens de monseigneur le duc d’York et du sire de Talbot, et par ce y a pou de logis pour nous recevoir, qui nagaires avons esté institué et ordonné a icellui archeveschié et avons au plaisir Dieu intencion de aler et faire de nouvel nostre entrée vendredi prouchain ix° jour d’aoust present en ladicte ville de Rouen; Pourquoy nous eussent fait supplier lesdiz religieux que no0Zz chevaulx et ceulx de noz gens de nostre propre famille eussent logis et place pour icelle journée et nuitée et aussi que partie de nosdictes gens de nostre propre famille se logassent pour celle nuit en ladicte ville aux fraiz et despens desdis abbé et couvent, ainsi qu’il a esté acoustumé, sans ce qu'il face prejudice a nous ne aux drois de nostre dignité archiepiscopal ne ausdiz religieux ne que ce soit ores ne pour le temps advenir ramené a consequence en aucune maniere, laquelle chose nous leur avons accordée ; Savoir faisons que nous pour nous et nostre eglise de Rouen voullons et accordons que icellui oetroy et consentement par nous faiz ausdiz religieux abbé et couvent et a leur requeste ne nous face ou porte aucun prejudice en proprieté, saisine ou possession ne que soit ores ne pour le temps advenir ramené a aucune consequence en quelque maniere que ce soit ; et ainsi le promectons tenir et avoir agreable pour nous et noz successeurs sans jamaiz aler encontre sur l’obligacion de tous les biens de nous et nostredit archeveschié presens et advenir. En tesmoing de
ce nous avons scellé ces presentes de nostre seel de chambre, Ce fu fait le vi° jour dudit moys d’aoust l’an de grace mil quatre cens trente sept. — N. Pingrenon (1).
