CLXI. — 16 février 1439 (n. st
Les bourgeois et conseillers de la ville de Rouen décident d’affecter une somme de 1.890 livres 17 sous 6 deniers au paiement des gages des quarante-sept commissaires qui ont été chargés de la recette des aides imposées, du consentement du Roi, aux habitants de la dite ville. (Arch. de la Seïne-Inférieure, Fonds Danquin. Original.)
À tous ceulx qui ces lettres verront les esleus en la ville et diocese de Rouen sur le fait des aydes ordonnez pour la guerre salut. Comme le Roy nostre sire par ses lettres patentes et pour les causes contenues en icelles données a Rouen le xij* jour de fevrier l’an M cccoc trente sept ait acordé aux bourgois, manans et habitans de ladicte ville certains aïdes a avoir cours en lieu de taïlles pour un an commenchant ledit jour et finissant l’an revolut,
par le contenu esqueles lettres iceulx bourgois soient auctorisez d’iceulx aides baïller a ferme ou les fere cueullir en la main de ladicte ville; pour adviser que sur ce estoit a faire se fussent au commencement dudit octroy assemblez en la presence de nous juges ordinaires des procés et descors mouvans a cause d’iceulx aides les bourgois, conseillers et autres notables personnes du conseil de ladicte ville, et sur ce eussent eu ensemble en l’ostel d’icelle ville advis et deliberacion, par laquele deliberacion eust esté conclut et ordonné iceulx aides estre cueullis et levez en la main d’icelle ville par certains commisseres, receveurs, contreroleurs et autres qui lors a la nominacion d'’iceulx bourgois conseillers furent par nous commis et instituez esdiz offices et de chascun desquieulx nous preismes des lors les seremens en tel cas acoustumez, comme par nos autres lettres peut apparoir ; et en la fin de ladicte année se soient de rechief iceulx bourgois conseillers et autres du conseil de ladicte ville assemblez par devant nous pour regarder et adviser quielx gages ou salaires povoient avoir iceulx officiers et autres qui avoient servi ou fait d’iceulx aides en ladicte année, Savoir faisons que au jourduy par devant nous furent presens iceulx conseillers et autres dudit conseil qui nous rapporterent que sur ce avoit eu advis et deliberacion par laquele ilz avoient ordonné, consentirent et acorderent que les receveurs, contreroleurs et autres officiers jusques au nombre de xlvij, denommez ou roule de parchemin signé du greffier d’icelle election parmi lequel ces presentes sont annexées, ayent et prennent pour ladicte année des deniers d’iceulx aides les gages, pensions ou salaires plus a plain contenus et declairez particulierement oudit roule, chascun en tant que a lui en est tauxé, montans en somme toute mil huit cens quatre vings dix livres dix sept solz six deniers tournois. Et ce certiffions a tous par ces presentes, lesqueles en tesmoing de ce
nous avons seellées de noz signets le xvi° jour de fevrier l’an M cocc trente huit. [Signé] Le Poulletier (avec paraphe).
