CLXII. — 17 juillet

Quittance de deniers reçus pour la construction du palais du Roi à Rouen. (Arch. de la Seine-Inférieure, Fonds Danquin. Original.)

Je Guy de la Villette commis de par le Roy nostre sire a faire la recepte et despence des deniers ordonnez estre emploiez es œuvres de son palais de Rouen, confesse avoir eu et receu de maistre Eustache Lombart secretaire du Roy nostredit seigneur et audiencier de sa chancelerie de France la somme de neuf vings livres tournois comptans par la main de maistre Jehan de Drosay, semblablement secretaire du Roy nostre sire, sur ce qu’il doit a cause de la recepte par lui faicte des deniers ordonnez estre emploiez es œuvres dudit pallaix; de laquele somme de ix* livres tournois je me tieng pour bien poié et content et en quicte ledit maistre Eustache et tous autres a qui quictance en appartient. En tesmoing de ce j’ay signé ceste presente quictance de mon signe magnuel et semblablement l’a signée maïstre Raoul Parker secretaire du Roy nostredit seigneur et contreroleur de la recepte et despence desdiz ouvrages le dix septiesme jour de juillet l’an mil cece trente et neuf. — G. de la Villecte, R. Parker (avec paraphes).