CLXV. — 7 mars 1440 (n. st

Devis et adjudication de travaux de charpenterie à l'hôtel du Conseil du Roi, à Rouen. (Arch. de la Seine-Inférieure, Fonds Danquin. Original.)

À tous ceulx qui ces lectres verront ou orront Guillaume de la Fontaine, lieutenant general de noble homme monseigneur Jehan Salvain, chevalier, baïlli de Rouen, salut. Comme les maistre des œuvres du Roy nostre sire aient naguerent visité l’ostel ou l’en tient la court du Conseil du Roy nostredit seigneur appartenant a icelui

seigneur par lesquielx ait esté rapporté au viconte dudit lieu de Rouen qu'il estoit urgente neccessité pour le bien et prouffit dudit hostel de faire certaine repparacion et ediffices eudit hostel selon le devys par eulx sur ce fait duquel la teneur ensuit : Ensuit certain ouvrage du mestier de charpenterie qui est neccessaire estre fait en l’ostel du Conseil devant le chastel de Rouen. Premierement il esconvient faire au bout du jardin dudit hostel une aloïgne de palleys de bois pour ce que il est pourry et cheu en icelui endroit, laquelle aloïgne contient troiz toises et demie de long sur la haulteur de toize et demie ou environ garnie de solle de parne de deux postz partiz en icelle longueur garnis de leans et rachineaulx pour soustenir icelui palleys dedens œuvre en icelui jardin et fourny de demi carteron [........... ] et fait de l’escence de l’autre pallaiz a quoy il sera ferme ajouxté et enclavé bien et deuement ainsy qu'il appartiendra hé hta Lar ] et fere ung pignon tout neuf a la chambre qui est vers la court du Pot d’Estain qui est prest de chéoir MAUR en ] contient de haulteur de xxv a xxvi piez de hault, de xïij a xiüij piez de long garny de solle d’un pié de reffa [it........... ] de deux entretoizes d’icelle longueur d’une esparne de reffait de cinq postz garnis de leurs bochez et 1 [........... ] chascun de vij a viüj piez de long d’une esparne de reffait et les deux autrez qui seront aux deux boutz seront de ladicte longueur de xxvi a xxvij piez de long d’une esparne de reffeit, lesquielz postz serviront de recuillir et soustenir les sommiers entretoizes et planches d'’icelle chambre, ainsy que l’ediffice le requiert bien et deuement et come il appartient garny de coulombes; lequel viconte ait commandé a maistre Jehan Vinemer l’un des maistres desdites œuvres faire les criées de ladicte tache en tel cas acoustumés sur le pris de xx livres tournois a quoy elle

avoit esté mise de premier denier au rabaiz, Savoir faisons que es ples de la sergenterie a mace dudit lieu de Rouen tenus par nous lieutenant dessus nommé le lundi vij* jour de mars continué du vendredi precedent l’an mil iiij® xxxix, aprés ce que ledit Vinemer oult recordé en jugement par son serment auquel nous adjouxtons foy que par le commandement dudit viconte il avoit [fait] troiz criees de ladicte besoigne au lieu et place acoustumé a fere semblables criees par le jour de vendredi, samedi et dimence derrains passées sur ledit pris xx livres tournois, en faisant savoir que l’adjudicacion s’en passeroit aujourduy devant mondit seigneur le baïlli ou son lieutenant au derrain rabesseur, et que d’abondant il oult esté semblablement crié a l’audience de la court, se comparurent Jehan Du Val, carpentier, qui ladicte tasche rabessa et mist a xviij livres tournois, Olivier des Hayes qui icelles mist a xvij livres tournois xv soulz tournois, et apres plusieurs rabbés elle demoura audit Du Val come le derrain rabesseur au pris et somme de dix sept livres tournois auquel elle fu passée et adjugée pour ce que aultre personne ne la voult rabessier. Sy donnons en mandement au viconte dudit lieu de Rouen que eaucion suffisante dudit Du Val prinse et receue il seuffre fere la dicte besoigne en lui paiant des deniers de sa recepte ladicte somme de xvij livres tournois, et par rapportant quitance suffisante audit Du Val avecquez ces presentes ladicte somme lui sera adlouée en ses comptes ainsy qu'il appartendra. En tesmoing de ce nous avons scellé ces presentes de nostre scel l’an et jour dessusdiz. — [Signé] Bienvenu (avec paraphe) xxvi d.