CLXVI. — 12 mai

Quittance de Hugues du Tref, hucher, pour travaux de son métier à l’Hôtel des Changes à Rouen. (Arch. de la Seine-Inférieure, Fonds Danquin. Original.)

L'an de grace mil ccec et quarante, le xij° jour de may, devant nous Guillaume Coudren lieutenant de honnorable homme et sage Rogier Mustel viconte de l’eaue de Rouen, fut present Huguet du Trief huchier demourant a Rouen, lequel congnut et confessa avoir eu et receu de Jehan le Sac, viconte de Rouen, la somme de trente cinq solz tournoiz qui deubz lui estoient pour avoir fait de sondit mestier en l’ostel des Changes qui fu feu Guerart Postel appartenant au Roy nostre sire l’ouvrage qui ensuite : Et premierement avoir par ledit Huguet du Trief despendu desassis oudit hostel ung viel auvent lequel ne povoit plus servir pour ce qu'il estoit tout rompu, pourry, demoly et en voye de cheoir, et ce fait icellui avoir reparey et tout recouvert de neuf de douves de quenes, lequel contient xxilij piez de long, de v piez de laize ou environ, et pour ce fere avoit par icellui du Trief quiz et trouvé boiz, clou, portaige, paine d’ouvrier et pour rependre et rasseoïir ledit auvent estoit deu audit ouvrier par marchié fait avec lui ladicte somme de xxxv solz tournois dessusdiz, de laquelle icellui Huguet du Trief se tint pour content et bien paiïé, et en quicte le Roy nostredit seigneur, ledit Jehan le Sac viconte et tous autres. À ce present Jehan Willemer, maistre des œuvres de charpenterie du Roy nostre sire ou baïlliage de Rouen, lequel nous tesmongna et afferma par son serement que il avoit veu et visité ledit ouvrage, icellui estre bien deuement et loyaument fait ainsi qu'il appartient, que tant a cousté que ladicte somme de xxxv solz tournois et que tres neccessaire estoit de faire

pour couvrir les estaulx sur lesquieulx l’en vent pain a detail en icellui hostel des changes. Donné comme dessus. — Signé : G. Coudren (avec paraphe).