CLXXII. — 21 février 1442 (n. st
Obligation de Richard Le Jeune, qui s'engage à payer au domaine du Roi quatre sous de rente de plus pour l'agrandissement d’une maison et alleur sis sur l’eau de Robec. (ARCH. NAT., P 1914° n° 27425. Original) (1).
À tous ceulx qui ces presentes lettres verront ou orront Michiel Le Poulletier, garde du scel des obligacions de la viconté de Rouen, salut. Comme Richart Le Jeune, filz
(1) A cet acte est joint le mandement des Gens des Comptes au vicomte de Rouen pour lui enjoindre de laisser Richard Le Jeune en possession de l’édifice susdit moyennant le paiement de 4 sous tournois de rente, en plus des huit sous qu’il doit déjà au roi. (23 mars 1442, n. st. Original.) (Zbid., n° 27426.)
et heritier de feu Jehan Le Jeune, en son vivant demourant en la parroïsse Saint Maclou de Rouen, soit tenu faire et paier chascun an au Roy nostre sire en la recepte de la viconté dudit lieu huit soulz tournois de rente a heritage au terme de Pasques et Saint Michiel par egal porcion, a cause et pour raison d’une maison et alleur tenant ensemble que avoit acquis en son vivant ledit deffunct, assis en ladicte parroïsse, icelui alleur seant et traversant l’eaue de Robec et le chemyn du Roy nostredit seigneur, et pour ce que de nouvel icelui deffunt et mesmes ledit Richart avoient ediffié des deux costés d’icelui aleur en eslargissant et croissant l’ancien ediffice c’est assavoir eu costé d’aval ladicte eaue de Robec et ledit chemyn de six piés de lé et de l’autre costé de cinq piés ou environ ; pour laquelle cause Robert Lermite, procureur du Roy nostredit seigneur, avoit mis ou fait mettre empeschement en iceulx acroïissemens et ediffices, disant et soutenant que sur le chemyn et voierie de ladicte ville de Rouen icelui deffunct ne povoit ou devoit construiere ou ediffier aucun nouvel ediffice sans avoir sur ce l’auctoricté de justice et en faire aucune rente ou prouffit au Roy nostredit seieneur, sur quoy ledit Richart Le Jeune n’avoit pas voulu prendre procès en l’encontre dudit procureur maïs estoit tourné par devers noz seigneurs de la Chambre des Comptes, requerant que sur l’aprouchement et empeschement que lui faisoit ledit procureur du Roy et qu'il leur pleust faire bonne et deue informacion et que le lieu où iceulx ediffices avoient esté fais par sondit feu pere fût deuement veu et visité, et s’il estoit trouvé que il y eust aucuns nouveaulx ediffices dont par raison il deust faire aucune rente ou prouffit au Roy nostredit seigneur il obeyssoit a faire ainsi qu'il appartendroit. Sur laquelle requeste ainsi faite par ledit Richart Le Jeune nosdis seigneurs des comptes avoient fait faire notables infor-
macions et si avoient fait veoir et visiter le lieu où estoient iceulx ediffices tant par le viconte de Rouen que autres officiers du Roy nostredit seigneur, appellés a ce les jureres d’icelle ville et plusieurs manouvriers et voisins residens et demourans en ladicte parroïisse, qui en la presence dudit viconte et officiers avoient apressié quel prouffit devoit et povoit appartenir au Roy nostredit seigneur par raison dudit nouvel ediffice que avoit fait faire ledit Le Jeune en tant quil y en avoit sur ladicte voierie comme dit est. De laquelle apreciacion rapport avoit esté fait par ledit viconte par devers nosdis seigneurs; par lesquelz veues lesdites informacions, apreciacions et autres choses evidentes que ils avoient sur ce congneues, avoient ordonné que sans demolir ou abatre ledit nouvel ediffice et affin que il demeure audit Richart Le Jeune en l’estat qu’il est de present, il sera tenu faire et paier pour le temps avenir au Roy nostredit seigneur quatre soulz tournois de rente par an aux termes de Pasques et Saint Michiel par egal porcion oultre et par dessus les huit soulz de rente que il doit a cause de sondit ancien ediffice, en obeissant auquel appointement ledit Richart avoit esté d’acord d’en passer lettre comme il disoit. Savoir faisons que par devant Jehan Ducloz, clerc, tabellion commis soubz Robin Le Vigneron, clerc, tabellion juré de ladicte viconté, fu present icelui Richart Le Jeune, lequel de sa bonne voulenté se submist tant pour lui comme pour ses hoirs et ayans cause faire et paier au Roy nostredit seigneur en sadicte recepte du viconte de Rouen iceulx quatre soulz tournois de rente par an aux termes de Pasques et Saint Michiel égaument, premier terme de paier commançant a Pasques prouchainnement venans et ainsi de terme en terme et d’an en an doresnavant, oultre les huit soulz de rente dont dessus est faicte mencion, pour raison et a cause d’iceulz acroïssemens ou eslargissemens a lui appar-
tenans ainsi ediffiés que 1ilz sont et que 1lz lui demeurent paisiblement comme dessus est dit, sans ce que pour icelle cause l’en lui puisse mettre ou donner aucun empeschement ores ne pour le temps avenir. Et a ce tenir, enteriner, rendre, paier et fermement acomplir de point en point par la maniere dessus desclairée et avec ce pour rendre tous coustz, frais, missions, interestz, dommaiges et despens qui par deffault de paiement seroïent fais et soustenuz dont le porteur de ces lettres seroit ereu par tout par son simple serement sans autre preuve faire, ledit Richart Le Jeune en obliga tous ses biens et ceulx de ses hoirs, meubles et heritages, presens et avenir, a prendre et a vendre par tous lieux et justices qu’ilz seroient et pourroient estre trouvez. Et si jura aux sains euvangilles de Dieu a non jamais venir ne fere venir contre ce que dit est en aucune maniere, renonçant sur ce a toutes choses generalement quelzconques par quoy venir y pourroit. En tesmoing de ce, nous a la relacion dudit tabellion avons mis a ces lettres le scel desdites obligacions. Ce fu fait l’an de grace mil ecec quarante ung le vingt ungniesme jour de fevrier, presens Simonnet Le Gay et Jehannin Ducloz le jeune. — Signé : R. Vigneron et J. Ducloz (avec paraphes).
CLXXIII — 19 mai-3 juin 1442.
Quillance pour travaux de serrurerie aux portes de la ville de Rouen. (ARCH. NAT., K 67, n° 12*. Original.)
Guillaume Peyto, lieutenant de noble et puissant seigneur monsieur de Talbot, cappitaine de Rouen, et les bourgois, conseilliers de ladicte ville, A Martin Fauvel, receveur des rentes, aides et revenues appartenans a
icelle ville salut. Nous vous mandons que des deniers de vostre recepte vous paiez et delivrés a Robin La Caille, serrurier, la somme de cent saize soulz, deux deniers tournois, qui deue lui est, sy comme Richart Ango, commis aux ouvraiges de la fortifficacion de ladicte ville nous a tesmoignié et raporté, c’est assavoir pour avoir fait une orande bende deffer avec deux fiches et ung cranpon et trois croz deffer, le tout pour le pont vollant de la porte Cauchoise, pesant xli livres, a xv deniers la livre, valent lis. ïüij d. Ziem pour une clef perchée et changer les gardes de la serreure de la porte de la Viconté, et pour les crampons de ladicte porte, v s. t. {tem pour une gache et ung crampon deffer avec une clef pour une porte a deux manteaulx qui est prez la porte Cauchoise, ïij s. 1j d. t. tem pour une esse et une cheville deffer pour la herche de ladicte porte Cauchoïise, xv d. t. Z{tem pour ung crampon deffer pour le touroul de la porte Neufve, xviij d. t. tem pour une clef et changer les gardes de la porte au quey au Moullez, v s. t. Et semblablement pour la porte du quey Saint Elloy, v s. t. {tem pour ung crampon et ung aesse pour le pont vollant de la porte Cauchoïse et pour les chaines d’icellui, xv d. t. /tem pour deux souppentes deffer et deux crampons pour soustenir deux cheminées de la porte Cauchoiïse, pesantes xv livres, a xv d. la livre valent xviij s. ix d. t. {tem avoir reffait et mis a point le loquet de ladicte porte et le fermant qui estoit rompu, lij S. iij d. Ztem pour avoir fait une locquetiere a plusieurs locqués pour les aesemens de ladicte porte Cauchoise vi s. viij d. t. Zfem pour une serreure de bois, ung gont et une vertevelle mis en la garde Saint Vincent, pour ce üij s. t. Ztem pour une clef pour la porte du quey aux Moules et pour avoir mis a point de rechef la serreure de ladicte porte, v st. t. Z{em pour deux clefz, l’une pour la herche de la porte Cauchoise et l’autre pour les
liches d’icelle et avoir mis a point lesdictes serreures, v s. t. Les parties par nous veues et montans a la somme dessusdiete, et par rapportant cest mandement et quictance dudit Robin La Caille, toutes cedules particulieres mises au nyent, ladicte somme de exvi s. ij d. t. sera aloée en voz comptes et rabatue de vostre recepte par tout où il appartendra. Donné soubz les signez de nous Richart Goulle, Gieffin Du Bost, Colin Marguerie et Guillaume Ango, le xix° jour de may l’an de grace mil cccc quarante deux. Boissel N. N. (avec paraphe). Pour l’absence de J. Boissel.
L'an de grace mil ecce quarante deux, le troisiesme jour de juing, devant nous Guillaume de la Fontaine, lieutenant general de noble homme monsieur Jehan Salvaiïn, chevalier, baïlly de Rouen, fu present Robin la Caille, serreurier, lequel congnut avoir eu et receu de Martin Fauvel, receveur des rentes, aides et revenues appartenans a ladicte ville la somme de cent saize soulz deux deniers tournois pour les causes contenues au mandement dont dessus est faicte mencion. De laquelle somme de exvi s. ij d. t. icellui La Caille se tint pour content et bien paié, et en quicta ladicte ville, ledit receveur et tous aultres. Present ad ce maistre Jehan Laurens, maistre des ouevres de carpenterie de ladicte ville (1), lequel certiffia et tesmoingna les choses dessusdictes avoir esté
(1) Jean Laurens avait dû succéder dans cet emploi à M° Jacques de Sotteville, dont le nom se rencontre souvent dans nos documents et dont M. Ch. de Beaurepaire a publié un curieux devis, daté du 18 janvier 1434 n. st., pour la reconstruction de la charpente de l'église Saint-Gervais (Bull. de la Commission des Antiquités, XIII, pp. 463-466). Jean Laurens touchait de la ville, à raison de son office, une pension annuelle de 10 livres tournois. Le 15 octobre 1446, il donne quittance de cette somme à Martin Fauvel pour l’année échue à la Saint-Michel précédente. (Arch. de la Seine-Inférieure, Fonds Danquin. Original.)
emploiez bien et deuement, ainsy que dessus est decleré. Donné comme dessus. Pinchon (avec paraphe),
