CLXXIV. — 8 juillet
Fondation de l’obit de Robert Jolivet dans l’église Saint- Michel de Rouen, où à a élu sa sépulture. (Reg. du tabellionage de Rouen, 1442-1443, non folioté.)
Dudit dimence viij® jour de juillet l’an mil cece xlij. Reverend pere en dieu Robert abbé du Mont-Saint-Michiel et peril de la mer d’une part, messire Jehan Gaultier, prestre, curé, Jehan Auzoult, espicier, et Colin Coulombel, tresoriers de l’eglise parroïssial de Saint Michiel de Rouen, Louys Legouppil, Georget Bosquet, Guillaume de Marromme, l’Amourat du Plessaiz, Pierres Petit, Denis Laurens, Robin Rachinel, Estienne de Barnonville, Colin Delannoy, Cardin Leclere, Martinot de Houppeville, Robin Desvaulx, Guillaume Briselance, Colin Thomas, Mahiet Chynot, Guillaume Pourpens, Rogier Lepreux, Richart Durevis, Guillaume Dieuloye et Colin Berengier a present parroissiens d’icelle parroiïsse, tant pour eulz que es noms des autres parroissiens d’icelle parroïisse, lesquelz ont congneu et confessé de leurs bonnes et pures volentés sans aucune contrainte que ledit reverend pere en Dieu patron d'’icelle eglise parroissial, meu de devocion, en l’onneur et reverence de nostre sauveur Jhesu Crist, sa glorieuse mere et de monsieur saint Michiel, pour le bien et acroissement des tresor et fabrique d’icelle eglise, en laquelle il a esleu et fait fere sa sepulture, a donné, baïllé et delivré comptant a iceulx tresoriers et parroissiens la somme de ij° livres tournois qui ont esté
mises et emploiez par l’advis et deliberacion, consentement et acord d'’icelles parties en l’achat et acquisicion de dix livres tournois de rente a heritage annuelle et perpetuelle pour et au proufit d’iceulx tresor et fabrique, c’est assavoir cent soulz tournois de Georget Bosquet que devoit Perrin Le Moette de la parroisse Saint Jehan sur Renelle d’icelle ville de Rouen a prendre premierement et ainsneement en plus grant nombre de rente, et les autres cent soulz tournois de Robinet Mustel soubzaagié sur une maison dont estoit tenant Jehan Le Frileux assise en la parroisse Saint Laurens de ladicte ville, le tout selon la fourme et teneur des lettres d’acquisicion sur ce faictes ; et lesquelles dix livres tournois de rente ont esté amortis par le Roy nostre sire aux propres coustz, fraiz et despens dudit monsieur l’abbé, le tout jouxte et ainsi qu'il appert et est contenu es lettres et escriptures d’icelle acquisicion et amortissement sur ce faictes, que ledit abbé en baïlla presentement a iceulx tresoriers et parroissiens pour doresenavant recevoir, ceullir et lever icelles x livres tournois de rente au proufit desdiz tresor et fabrique. Et aussi a donné, baïllé et delivré ledit monsieur l’abbé a iceulz tresoriers et parroïssiens pour l’augmentacion dudit tresor, honneur et decoracion d'’icelle eglise et du service divin une chappelle fournie pour le prestre de dyacre et soubz diacre, d’un parement d’autel de hault et le pañemens de aubes, emitz et touailles, toute d’un drap veloux griz et deux chappes de veloux vermeil, estimez icelz aournemens valoir presentement üij° livres ou, ete. Moiïennant lesquelles choses les dessusdiz tresoriers et parroïssiens pour eulz et es noms que dessus ont congneu et confessé avoir promis et acordé, promectent et acordent de bonne foy, tant pour eulz que pour leurs sucesseurs, des deniers venans d’icelles x livres de rente fere dire et celebrer doresenavant en la chappelle Nostre Dame
ÈS ge xs
hrs
= dE
ASE <
es
d’icelle eglise parroissial de Saint Michiel perpetuelment et a tousjours pour le salut des ames dudit reverend pere en Dieu, ses parens, amis et bienfaicteurs, chascune sepmaine de l’an au jour du lundi heure de huit heures ou, etc., une basse messe qui sera durant la vie d’icellui reverend pere en Dieu de Saint Michiel a une colete des trespassez, et aprez son decez sera dicte icelle messe des trespassez avec une oreson propre pour ung abbé trespassé. Et avec ce ont promis et acordé audit reverend pere en Dieu fere dire et celebrer perpetuelment et a tousjours ung obit solempnel chascun an le jour de la Madaglaine eu mois de juillet, dont les vegilles seront dictes le jour de devant par vi chappellains a ix seaulmes et neuf lichons et lendemain messe a note des trespassez a diacre et soubz diacre avec ïij chappellains, durant lequel service seront mis par lesdiz tresoriers et parroissiens deux sierges ardans sur deux candeliers bons et honnestes devant la sepulture dudit abbé qu'il a fait fere en icelle eglise, et sonner les closses d'’icelle eglise au devant d’iceulx service encommenchez par chasceune foiz que l’en fera lesdiz services ainsi qu’il est acoustumé. Et seront tenus lesdiz tresoriers et parroissiens trouver aournemens et toutes autres choses necessaires et requises pour faire lesdiz services tant pour ladicte messe que pour ledit obit et contenter le curé et clerc d'’icelle parroiïsse s’aucune chose leur appartenoïit a cause des choses dessusdictes, et aussi maintenir et garder la goutiere qui est sur ladicte sepulture par dehors telement qu’elle ne puisse estre grevée ne endommagée en aucune maniere. Et aussi lesdiz tresoriers et parroissiens promistrent pour eulz et es noms que dessus et pour leurs sucesseurs faire devoir et toute diligence pocible et raisonnable de icelles x livres tournois faire cueullir, recevoir et pourchasser pour et au proufit desdiz tresor et fabrique tellement que par
negligence icelle rente ne puisse ou doie tourner en diminucion. Et a ce tenir, fere et acomplir en Ja maniere que dit est lesdiz tresoriers et parroiïssiens pour et es noms que dessus en ont obligé et obligent par ces presentes tous les biens et revenus des tresor et fabrique d'’icelle parroisse Saint Michiel, ete, jurans, etc. Presens Rogier Mustel, viconte de l’eaue de Rouen et maistre Jehan Huart, prestre.
