CLXXX. — Rouen, 23 mars 1444 (n. st
Mandement du duc d’York à l’un de ses serviteurs pour l’achat de 400 queues de vin nécessaires à la dépense de son hôtel de Rouen. (Arch. de la Seine-Inférieure, Fonds Danquin, supplément. Original.)
À tous ceulx qui ces lectres verront ou orront Jehan Goulvant garde du seel des obligacions de la viconté du Pont de l’Arche salut. Savoir faisons que l’an de grace mil cece quarante quatre, le xix° jour d’avril aprés pasques par Denis le Brumen, tabellion juré pour le Roy nostre sire en ladicte viconté eu siege dudit lieu nous fut tesmongné avoir veu, tenu et leu mot aprés mot unes lectres de tres hault et puissant prince monseigneur le duc d’York, lieutenant general et gouverneur de France et Normendie donnés a Rouen soubz son signet en cire vermeille saines et entieres en saing, signet et escripture, desquelles la teneur ensuit :
W à & EL k |
Nous Richard duc d’York, conte de la Marche et de Ulvestre, lieutenant general et gouverneur de France et Normendie, certiffions a tous a qui il appartient que nous avons ordonné et ordonnons par ces presentes Jehan du Cellier nostre serviteur aller es villes de Vernon, Mante et de la au pont de Meullene et jusques en la ville de Paris se mestier est, pour illec et eu pais d’environ où il pourra querir et achater jusques au nombre et quantité de quatre cens queues de vin ou au dessoubz pour iceulx admener et faire venir en ceste ville de Rouen, tant pour la provision et despence de nostre hostel comme pour estre envoié en Angleterre devers le Roy mon souverain seigneur. Sy mandons et deffendons de par le Roy mondit souverain seigneur et nous a tous seigneurs, cappitaines, gens d’armes et de trait, gardes et gouverneurs de bonnes villes, citez, chasteaulx, forteresses, pons, pors, passaiges, peages, travers, jurisdictions et destroiz, baïlliz, prevostz, vicontes, maires, eschevins, justiciers, officiers et subgiez de mondit souverain seigneur, leurs lieuxtenans et a chascun d’eulx si comme a lui appartendra que ausdiz vins venans et passans par quelxconques pons, pors, passaiges et destroiz ilz ne facent ou donnent ne facent faire ou donner ne a nostredit serviteur et condicteur d’iceulx vins aucun destourbier ou empeschement soit soubz coulleur ou occasion d’aucuns aides, acquiz et peages, subsides ne autres choses quelzconques, maiz iceulx seuffrent et laissent venir et passer franchement et quictement sanz aucun contredit. Donné a Rouen soubz nostre signet le xxiij° jour de mars l’an de grace mil ccec quarente trois. Ainsi signé Profort.
En tesmoing de ce nous a la rellacion dudit tabellion avons mis a ec present vidimus le seel desdictes obligacions. Ce fut fait en l’an et jour premiers dessusdiz. [Signé] Brumen (avec paraphe).
