CLXXXI. — Honfleur, 31 mars 1444 (n. st
Lettres patentes du roi Henri VI pour la mise en service de deux baleniers chargés d’assurer la libre circulation sur la Seine, entre Honfleur et Rouen. (Arch. de la Seine-Inférieure, Fonds Danquin. Original) (1).
Henry par la grace de dieu roy de France et d’Angleterre, À noz amez et feaulx les tresoriers et generaulx gouverneurs de noz finances en France et Normandie salut et dileccion. Comme pour faire devoir possible de tenir en seurté la riviere de Seine depuis ceste ville jusques a Rouen, conduire et convoier les marchans et autres gens frequentans ladicte riviere avec leurs biens et besongnes affin que marchandise y puisse plus seurement avoir cours, et pour resi$ter a noz adversaires qui souventes fois puis nagaires ont destroussé, pillié et raenconné plusieurs personnes sur ladicte riviere, nous ayons ordonné estre mis sus deux balleniers, l’un appartenant a nostre tres chier et tres amé cousin Richart duc de York, nostre lieutenant general et gouverneur de par nous de noz royaume de France et duchié de Normandie, duquel balenier a la charge et est maiïstre Robert Brigier et de l’autre balenier est maistre Jehan de Monthion, et en iceulx baleniers ayons ordonné estre, c’est assavoir ou premier dessusdit appartenant a nostredit cousin vingt huit hommes tant gens de guerre que batelliers et nageurs en ce comprins ledit Robert Brigier et le contremestre d’icelui balenier, et en l’autre dix huit hommes tant gens de guerre que batelliers et nageurs en ce comprins ledit de Monthion et le contremeistre d'’icelui balenier, pour
(1) Le mandement des trésoriers et généraux gouverneurs des finances pour l'exécution des dites lettres, daté du 31 mars 1444 (n. st.), est joint au dossier.
en ce que dit est nous servir par ung mois commencant au regard de chaseun le jour de ses premieres monstres qui sur ce seront faites, et d’illee en avant tant qu’il nous plaira et jusques a ce que par nous en soit autrement ordonné, lesquelles monstres voulons estre faites de mois en mois tant que lesdictes gens seront occupez en nostredit service par devant noz bien amez Durant de Thieuville, lieutenant particulier en la viconté d’Auge de nostre baïlli de Rouen et Guillaume le Coiïffié, grenetier du grenier a sel estably en cesdicte ville, ou l’ung d’eulx, que nous avons a ce commis et commectons par ces presentes ou par devant autres qui a ce seront commis, dont ayons ordonné paiement estre fait pour chaseun desdiz hommes de guerre, batelliers et nageurs au prix de cent solz tournois par mois, et avec ce de vingt livres tournois par mois, qui est pour chascun desdiz balleniers dix livres tournois, tant pour les regars desdiz maistres et contremaistres que pour leur ayder a supporter les frais et charges qu'ilz auront a cause desdiz vesseaulx pour le cordail, habillemens et louaige d’iceulx. Si vous mandons et expressement enjoingnons que par nostre amé Pierre Baiïlle, receveur general de Normandie, et des deniers de sa recepte vous faites paier, baïller et delivrer ausdiz Robert Brigier et Jehan de Monthion ou a leur certain commandement les gaiges, regars et soudées d’eulx et desdictes gens qui doivent servir esdiz baleniers et semblablement ce qui a esté ordonné comme dessus est dit pour les frais, charges et louages desdiz balleniers, cordail et habillemens d’iceulx aux pris dessus declarez, c’est assavoir a chascun d'’eulx pour lui, lesdiz frais, charges et louages touchans le balenier dont il a charge comme dit est et les gens ordonnez estre en icelui, pour le mois dessusdit au commencement d’icelui mois, et d’illec en avant semblablement tant qu'il nous plaira et jusques a ce que par nous en soit autrement ordonné selon les monstres ou reveues qui sur ce seront
faictes par devant les commissaires dessusdiz, et par rapportant ces presentes lesdictes monstres ou reveues et quictances suffisans seulement tout ce que par ledit receveur aura esté paié a ceste cause sera aloé en ses comptes et rabatu de sa recepte par noz amez et feaulx les gens de noz comptes a Rouen ausquelz nous mandons que ainsi le facent sans contredit ou dificulté quelzconques. Donné a Honnefieu soubz nostre seel ordonné en l’absence du grant le darrain jour de mars avant Pasques l’an de grace mil cece quarante trois et de nostre regne le vingt deuxiesme. — Par le Roy a la relacion de mons. le duc de York...
