CXCI. — 18 avril

Procès-verbal de la vente en justice de plusieurs pièces d’orfèvrerie saisies par les gardes du métier et déclarées forfaites. (Arch. de la Seine-Inférieure, F, Acquisition de 1889. Original.)

À tous ceulz qui ces lettres verront Jehan le Moine, viconte de Rouen, salut. Savoir faisons que par nostre ordonnance et commandement Colin Richer, sergent du Roy nostre sire en la ville et banlieue de Rouen, a vendu et adeneré en la presence des gardes et clerc du mestier d’orfavrerie audit Rouen plusieurs pieces d’argent de la façon d’un calice pesant sept onces sept esterlins et demi que exposoit en vendue Thomas Waston, serviteur de monsieur de Roos; item une cuillier d’argent estant es mains desdiz gardes que un jeune homme avoit exposé en vendue a Pierres Ausoult, pesant xvi esterlins ; Z{em une anel d’or ouquel estoit assise une faulse pierre, trouvé en la possession de Guillaume Stanley ; lesqueles choses estoient forsfaictes selon les ordonnances dudit mestier, et pour celle cause ont esté mises en vendue ; laquelle vendue

s’est montée en toutes choses la somme de neuf livres ung solt six deniers tournois, ainsi que ledit sergent nous a recordé et tesmongné, et n’avoit peu estre vendu a plus grant somme pour ce que ledit argent n'’estoit pas de l’ouvraige de Rouen, maïs estoit argent d'Angleterre ou il y avoit grant empirance, et aussi avoit oudit annel grant empirance et ou lieu où la pierre estoit assise avoit grant foison de chaton. De laquele vendue a esté prins pour le sallere dudit sergent dix huit deniers. Aïnsi demeure neuf livres tournois, dont la moitié appartient au Roy nostre sire et l’autre moitié audit mestier, montant quatre livres dix solz tournois ; laquele somme fu baiïlliée et payée ausdiz gardes. En tesmoing de ce nous avons scellé ces presentes du petit scel aux causes de ladicte viconté. Ce fu fait le xviij® jour d’avril l’an mil ccce xlvij aprez Pasques. — N. Duhamel.