V. — 21 décembre

Marché passé entre deux bourgeois de Rouen et trois Anglais, sous la caution du sire de Willughby, lieutenant du capitaine de la ville et château de Rouen, pour la fourniture de cent quartiers de froment et de cent quarhers de gru qui doivent être apportés d'Angleterre à la Fosse de Leure. (Reg. du tabellionage de Rouen, 1419- 1420.)

Du jeudi xxi° jour de decembre iiij® xix............ Thomas La Ulzht, Richar Fullestoufz, Richart La Ulzht, natifz du pais d'Angleterre vendent emsemble et chaseun

pour le tout a Henry et Guillaume dit le Fournier, freres et bourgois de Rouen, cent cartiers de blé fourment et cent cartiers de gru, le tout bon, loial et marchant, a la mesure de Londres, viij boisseaux pour chascun cartier et a chascun cartier aura le vij® boïssel comble, rendu et livré a Baffosse de Leure dedens la nef, aux propres coulz et despens desdiz marchans, et par dessus ledit marchié lesdiz Fournier auront deux cartiers de blé et ung cartier de gru sur toute la sommie a semblable mesure et semblable comble que dessus. Ceste vendue faicte pour le pris et somme de cent et x solz tournois pour chascun cartier de blé et Ixx solz tournois pour chascun cartier de gru; sur laquelle somme lesdiz Anglois confesserent avoir eu et receu desdiz Fournir la somme de iïij# livres tournois, dont etc. Et par aïnsy iceulx Anglois et chascun pour le tout promistrent et s’obligierent rendre et livrer icelluy blé et gru dedens la dicte nef a la Fosse de Leure a leurs propres coulz et despens dedens xv jour devant Pasques prouchaines venans au xv° jour après ensuivant, dedens lequel temps ou se plus tost povoient livrer la marchanäisse par la maniere que dit est lesdiz Fournier quy present estoient se submittrent et obligierent rendre et paier auxdiz Anglois ou au porteur de ces lettres l’oustre plus de la dicte somme de ïïij*= livres tournois dedens xiiij jours qu’ilz seront arivez a la Fosse de Lheure et qu’ilz l’auront fait assavoir aux diz Fournier en l’ostel d’iceluy Henry a Rouen. Present ad ce Jehan Gasculz, natif du pays d'Angleterre, maïstre d’ostel de monsieur de Wihighbi, lieutenant du cappitaine de la ville de Rouen et chastel, lequel de rendre, paier et acomplir iceluy blé et gru par la manere que dit est plega iceulx Anglois et s’en establi plege, debteur, respondant et paieur avec les dessusdiz et l’un pour le tout, lesdictes parties et ledit

plege l’un a l’autre et chascun pour le tout obligant corps et biens etc.