IX. — 4 juin

Obligation d’une somme de mille livres tournois que deux marchands de Paris s'engagent à payer au fermier de la vicomté de l’eau de Rouen pour obtenir délivrance d'un bateau, chargé de vivres, qu'ils ont fait partir de Rouen sans payer les droits et qui a été arrêté et saisi à Vernon. (Reg. du tabellionage de Rouen, 1419-1420.)

Du ïüüij° jour de ce moiz [juin 1420].

Comme nagueres une nef ou batel eust esté chargée de blé et autres vivres aux kais de Rouen et eust esté mené amont la riviere de Saine sans avoir esté acquicté a la viconté roial de l’eaue de Rouen et mesmes sans avoir eu congié et auctorité de partir ladicte ville de Rouen, ja soit ce qu'il eust esté deffendu par l’ordonnance du Roy nostre souverain seigneur que aucuns vivres ne partissent d’icelle ville de Rouen sans avoir congié de monsieur le baïlli dudit lieu; pour lesquelles causes, a la denonciacion ou requeste de Guillaume Robellot, commis a recevoir les acquis roiaulx d’icelle viconté de l’eaue, mondit seigneur le baïlli eust faict faire arrester ladicte nef et, vivres en cas de forfaicture en la ville de Vernon, devant laquelle ville ladicte nef avoit esté trouvée en icelle poursuyant ; et après ce se fust comparu Jehan Vibert, fermier d’icelle viconté de l’eaue, d’une part, et Guillaume Tournor et Henry Huynton, engloiz, serviteurs de messire Jehan Stuvai, che-

valier, d’autre part, lesquelx Guillaume et Henry, après ce qu'’ilz ourent juré et affermé qu’ilz ne congnoissoient aucunement l’usage ne l’aquist de ladicte viconté de l’eaue, eussent gaigié ladicte forfaicture dudit blé et vivres en tant comme montoit iij® xx mines de blé et c lars appartenans a leur dit maistre, a la volenté et ordonnance de mondit sieur le baïlli, affermans auxi que des vivres et marchandises qui estoient en ladicte nef aucune chose n’avoit esté osté ne estrangié, en eulx submectant que s’aucune chose en avoit esté transporté, le faire restablir dedens ladicte nef; et pour savoir et congnoistre quelles marchandises et vivres estoient dedens icelle nef et le nombre d'’icelles appointé eust esté que ung des sergens d’icelle viconté ou autre sergent yroit audit lieu de Vernon fere inventoire du sourplus des vivres et marchandises qui estoient oudit batel hors lesdictes iïij® xx mines de blé et e lars, comme ces choses et autres pevent plus a plain apparoir par les lettres sur ce faictes et données de mondit sieur le baïlli le second jour de ce present moiïiz de juing ; et il soit ainsi que Ligier de la Mare, marchant et bourgoiz de Paris, pour lui et ou nom de Jehan Housse, orfevre, semblablement marchant et bourgois de Paris, soit tourné et venu devers ledit Jehan Vibert en lui confessant que tous les vivres et marchandises estans oudit batel, icellui appartenant a Pierres Achier demourant audit lieu de Rouen, estoient et appartenoiïent a lui et audit Housse, sauf et reservé lesdictes iïij xx mines de blé et c lars appartenans audit chevalier ; pour quoy ledit Vibert eust voullu et voulloit contendre lesdis vivres et marchandises estre forfaiz a cause des choses dessusdictes ; Savoir faisons ete., fu present ledit Ligier de la Mare, tant pour lui que soy faisant fort dudit Housse, lequel de son bon gré ete, congnut et confessa toutes les choses dessusdictes et chascune d’icelles estre vrayes, et oultre pour cause de la forfaicture desdis vivres et marchandises, reservé les-

dictes ïij° xx mines de blé et c lars, se submist et obliga, pour lui et ou nom que dessus, audit Vibert, fermier de ladicte viconté comme dit est, en la somme de M livres tournois, a prendre et avoir tout a la pure et plaine voulenté et conscience dudit Vibert, et toutesfoiz qu'il lui plaira, sans autre terme avoir, demander ne requerre et comme de terme passé ; laquelle somme de m livres tournois ledit Ligier, pour lui et ou nom que dessus, promist et s’obliga rendre et paier audit Vibert ou au porteur etc., tout par la propre fourme et maniere que dessus est dit et desclairé, obligant corps et biens ete. Present ad ce Guillaume Lalemant, orfevre et bourgoiz, de Rouen, qui de rendre et paier ladicte somme de m livres tournois par la maniere dessusdicte pleiga ledit Ligier et s’en establi pleige et respondeur, paieur et rendeur ensemble etc. Et a ce obliga par ces presentes semblablement tous ses biens ete., et son corps ete. Ledit Ligier promist delivrer et desdommaigier ledit Lalemant, ses hoirs etc, de tous les dommages etc., qu’ilz pourroiïent avoir encourre ete. a cause de ladicte pleigerie ete., pour ce qu’il n’avoit aucune part ou porcion esdictes marchandises et vivres; et oultre promist et s’obliga ledit Ligier faire obligier avec lui ledit Housse a desdommager ledit Guillaume des choses dessusdictes toutesfois ete., obligant corps et biens etc.

K. — 5 juin 1420.

Bail à vie par le Chapitre de Rouen, moyennant 40 sous de rente par an, d'une place dans l’aître Notre-Dame pour y construire une échoppe. (Reg. du tabellionage de Rouen, 1419-1420.)

Mereredy v° jour de juing m.cccc.xx............... : Comme nagueres honnourables et discreptes personnes les

doien et chapitre de Nostre Dame de Rouen eussent baïllé

a rente a Jehan Baillet, lors demourant en la paroïsse

Saint Vivien de Rouen, a present demourant en la pa-

roisse Saint Nicollas le Painteur, durans les vies dudit

Baillet, de Robine sa femme et de Robin Baïllet son filz,

qui plus vivroit le tout tendroit, une plache en leur eitre Nostre Dame pour faire une eschoppe au costé devers la

rue de la Feurerie en l’endroit de ij eschoppes seantes sur le pavement du Roy et qui appartenoiïent a Huet du Marest, orfevre, et sciet devant les heritages que tiennent des religieux de la Magdalaine Jehan Le Bonyer et les hoirs de feu Jehan Cave et Jehan Quidort, par ainsi que ledit Jehan Baiïllet et ses hoirs seroient tenus faire sur ladicte wide plache ung appentis par maniere d’eschoppe de bon bosce et suffisant et de toutes autres matieres ad ce appartenans par semblablement, laquelle eschoppe doit avoir xxviij piez ou ete. de long et de lé x piez, en ce comprins l’espoisse du mur d'’icelle estre selon la longueur des autres eschoppes qui sont scitueez et assises sur le pavement et de la haulteur d’icelles, et laquelle prinse eust esté faicte par le pris et somme de xl solz tournois de rente a vie par an; et il soit ainsi que ledit Baïllet depuis ladicte prinse ait fait faire la graigneur partie d’icelle eschoppe; pour quoy il a tourné et fait tourner devers mes diz seigneurs de chappitre affin qu'il leur pleust de leur grace que pour ce que sadicte femme estoit allée de vie a trespassement que Katherine a present sa femme, ou cas qu’elle sourvivroit lui et sondit filz, elle tainsist icelle eschoppe toute sa vie durant par en paiant en leur main icelx xl solz de rente a vie seullement ; lesquelx lui ont accordé comme ilz dient ; Savoir faisons etc., furent presens lesdis Jehan Baillet et ladicte Katherine sa femme auctorisée ete., icellui Baïllet soy faisant fort de sondit filz, lesquelz congnurent avoir prins a rente tout

ser