VIII. — 21 février 1420 (n. st
Acte de liquidation de société entre deux changeurs, Jean Marcel, habitant Rouen, et Robert Clément, bourgeois de Paris. (Reg. du tabellionage de Rouen, 1419-1420.)
Du xxi jour de fevrier l’an mil üij° et xix.
Jehan Marcel changeur demourant à Rouen, et afferma en bonne verité en la presence et par devant ledit tabellion que, environ cinq ou six ans a, il et Robin Clement, changeur, bourgois de Paris, ont esté compaignons ensemble en fait de change de marchandise et de monnoyes et esté ensemble comme communs en biens et marchandise; et il soit ainsy que environ Noel darrenierement passé ledit
Robert Clement soit venu audit lieu de Rouen durant les treves ou abstinence de guerre darrenierement prinses entre les Françoys et les Angloiz, auquel lieu de Rouen ledit Robert Clement et ledit Jehan Marcel ont compté et fait compte final ensemble de tous les choses quieulxconques dont ilz avoient eu a faire et besoingner ensemble par tout le temps passé jusques alors, tant des diz faiz de marchandise comme de ladicte communaulté de biens, d’argent baïllé et receu l’un pour l’autre par cedulles et mandemens et autrement, par l’affin duquel compte ilz estoient demourés quictez l’un envers l’autre de toutes choses quieulxconques de tout le temps passé et devoiïent parmy ce demourer a chascun les biens et deniers qu’il avoit par devers soy sans ce que ilz puissent demander ou reclamer aucune chose es biens l’un de l’autre. Pour quoy Jehan Marcel, voullant entretenir et acomplir ledit compte faict entreulx comme bien et deuement fait, de son bon gré, bonne voulenté, sans aucune force ou contrainte quicta et quicte clama bonnement et absolutement a tousjours sans rappel ledit Robin Clement, ses biens, ses hoirs et ayans cause de tous contraulx, marchiez, sociectés, compaignies, et generalement de toutes autres quieulxconques dont il luy pourroit demander accion ou pourssuite en quelque maniere que ce soit de tout le temps passé jusques aujourdhuy, en mectant du tout au neant toutes lettres et sedules qu’il a et peult avoir dudit Robin Clement comme solutes et acquictées parmi bon compte, paiement et satisfacion qu’il en a eu. Et en tant que touche aucuns heritages qui ont esté conquestez des deniers communs entre eulx durant le temps de leur compaignie, assis ou dit lieu de Paris ou ailleurs ou pays des Francrois, ledit Marcel veult, consent et accorde par ces presentes que iceulx heritages soient et demeurent audit Robin Clement et a ses hoirs et ayans cause sans aucun empesche-
ment ne contradiecion, supposé ores que les lettres qui ont esté faictes desdictes acquisicions soient ou nom et au prouffit dudit Jehan Marcel ou d’eulx deux ensemble. Et promet tenir sur l’obligacion de tous ses biens, ete., jura ete., renonça etc.
