ERA ER

par la maniere cy aprés desclarée a ladicte Perrette. Et en tant comme montent les conquestz faiz durant leur mariage ladicte deguerpie aura quinze livres de rente de xxx livres de rente aquis de Robin Baudry. Ztem vi livres x solz de rente de xiij livres de rente acquis du Trefillier et lesdiz frerez l’autre moitié, Ziem de xx livres tournois de rente a heritage sur Gueroudin Dubost elle en aura la moitié, x livres, et l’autre moitié lesdiz freres. Et en tant que autrez heritages ou rentes i auroit conquis qui fussent partaiblez ilz furent d’acord des presentement que chaseun en ait sa part ou porcion selon la coustume de Normendie et l’usage et bourgoiserie des leux où iceulx heritages ou rentes pourroient estre situez et assis. Et en tant que monte xx solz de rente assis a Rouen sur ung barbier nommé Alain Rose, ilz seront auxdiz freres et la cause est que c’est pour ce que les dix soulz de rente des 1x solz de rente que doit ledit Maillart et sadicte femme seront et appartendront a ladicte Perrette. Ziem ladicte deguerpie et sesdiz enffans sont d’acord que, quelque demeure ou residence que 1lz aient faicte ou facent ensemble pour le temps advenir, face ou porte aucun préjudice l’un a l’autre ne que pour icelle demeure du temps passé et advenir ilz aient ne aquirent aucune communité en biens meubles ou debtez par quelque espasse de temps qu’ilz aient demeuré ou demeurent l’un avec l’autre, maiz demorront frans et exemps l’un de l’autre comme personnes de france condicion, nom obstant quelconquez coustume

et usage de pais a ce contraire. Desquelles partiez et lotiez

lesdictes parties se tindrent pour bien contens l’un de l’autre etc. Et seront quites de toutes choses touchant meuble de tout le temps passé jusques aujourdhui. Et promistrent lesdictes parties, chascun de soy et en son fait, tenir etc, obligerent l’un a l’autre biens etc., jurerent etc. Presens….