LVI. — 26 septembre

Obligation contractée par Jean, duc d'Alençon, prisonnier des Anglais, et par plusieurs de ses familiers, envers les personnes qui se sont constituées comme otages pour garantir ie paiement de sa rançon. (Reg. du tabellionage de Rouen, 1427-1428, fol. 113.)

Du vendredi xxvi* jour de septembre mil ïïij® xxvij.. Noble et puissant seigneur et prince monseigneur Jehan duc d’Alençon conte du Perche et sire de Fougieres, tesant le parti adversaire du Roy nostre sire et de present prisonnier es mains dudit seigneur, de ses gens et officiers, lequel de sa bonne volenté, sans aucune contrainte, congnut et confessa que, a sa priere et requeste, nobles hommes messires Jehan de Villiers, Jehan d’Avaugor, Hardouin de Mainbret, Cerbrun de Villeprouvée, Guillaume du Gueaquin, et Jehan le Verrier, chevaliers, Jehan de Tournebu, Huet de Fontenay, Jehan du Brays Feurier, Jehan le Senescal, Jaquet du Hablay et Guillaume de Rouvrou, escuiers, tous tenans le parti adversaire, se sont submiz et obligiez pour lui de tenir hostage et paier le residu de sa raencon, jouxte l’appointement sur ce fait entre lui, les

sens et officiers du Roy nostre dit seigneur et les gens et officiers de monseigneur le Regent le royaume de France due de Bedfford pour lesdictes causes et autres deues et raisonnables qui ad ce l’ont meu et meuvent, se submist et obliga tant pour lui comme pour ses hoïirs envers les dessusdiz chevaliers et escuiers hostagiers pour lui et pleiges et chascun d’eulx, leurs hoïirs, executeurs ou ayans cause, bien, deument et loyalment tenir et acomplir le contenu dudit appointement sans enfraindre en quelque manere et les en garder eulx et chaseun d’eulx de tous dommages, pertes et inconveniens, fraiz, mises et despens quelzconques qu’ilz pourroient avoir, encourir et soustenir a cause du contenu eudit appointement et des choses dessusdictes et chascune d'’icelles non deument estre enterinées et acomplies selon la forme et teneur d'’icelles et dez deppendences, desquelz dommages, pertes, inconveniens, fraiz, mises et despens quelzconques il voult le porteur de ces lectres et le vidimus ou transeript d'’icelles fait soubz seel royal estre creu partout et en tous lieux en jugement et dehors par son simple serement sans autre preuve, auquel vidimus ou transeript de tant que fait en sera soubz seel royal comme dit est il voult semblablement et acorda que plaine foy soit adjoustée et execucion requise comme par le propre original, et que lesdis chevaliers et escuiers hostagiers et pleiges pour lui, chascun d’eulx, leurs hoirs, executeurs ou ayans cause se puissent aidier d’icellui ou iceulx vidimus comme du propre orisinal, non obstant quelzconques coustumes ou usages de pais a ce contraires. Et quant a toutes les choses dessusdictes et chascune d'’icelles, leurs circonstances et deppendences tenir, enterigner, garder et acomplir sans enfraindre, icellui monseigneur le duc d'Alençon en submist en la maïn desdiz tabellions envers sesdiz hostagiers et pleiges, chascun d’eulx, leurs hoirs, executeurs ou ayans

cause tous ses biens et ceulx de ses hoirs, meubles et heritages, rentes, revenus, noblesses, terres, chasteaux, chastellenies et seigneuries quelxconques, presens et advenir, pour estre pour ce prins, venduz, exploictez et despendus de jour en jour, de heure a autre, par tous lieux, justices et juridicions que ilz seront et pourront estre trouvés, et son propre corps a mectre et tenir prison fremée se deffault y avoit d’acomplir, paier et enteriner tout le contenu en ces presentes et les deppendences. Et renoncha quant a ce fait a toutes excepcions, decepcions, fraudes, fuites, erreurs, malices, baras, cautelles, cavillacions, allegacions, opposieions et deffenses par quoy il pourroit retarder ou empescher le contenu en ces presentes, fust en tout ou en partie. Et si jura aux sains euvangiles de Dieu et em parolle de prince que jamés contre les choses dessusdictes ne aucunes d'’icelles ne vendra, aller ne venir ne fera par lui ne par autre en quelque maniere, maiz sur sesdictes foy, serment et obligacion acomplira tout le contenu oudit appointement et en ces presentes. En tesmoing de ce, nous a la relacion desdiz tabellions avons miz a ces lectres le seel desdictes obligacions. Ce fu fait l’an de grace mil iijc xxvij le vendredi xxvi° jour de septembre, presens reverend pere en Dieu monseigneur Loys de L'ucembourg, par la permission divine evesque de Therouenne, noble homme monsieur Raoul Le Sage, chevalier, seigneur de Saint Pierre Eglise et conseiller du Roy nostre sire et maistre Jehan Millet, secretaire du Roy nostre sire. Nobles hommes messires Ambrose de Lorré, Coquart de Cambron, chevaliers, Guillaume Blosset dit le Borgne, escuier et messire Raoul Boissel prestre, maistre Rogier Haulpin, Raoul Dorenge, Pierre Morel, Jehan Hurtault, Jehan Gohier dit Alemon le herault, tenans le parti adversaire du Roy nostre sire, familliers et obbeïissans de hault, noble et puissant prince monseigneur Jehan d’Alençon,

conte du Perche et sire de Fougieres, tenant semblablement ledit parti, lesquelz de leurs bonnes voulentés, sans aucune contrainte, se submistrent et obligerent envers nobles hommes messires Jehan de Villiers, Jehan d’Avaugor, Hardouin de Mambret, Cerbrun de Villeprouvée, Guillaume du Gueaquin, Jehan le Verrier, chevaliers, Jehan de Tournebu, Huet de Fontenay, Jehan de Brays Feurier, Jehan le Senescal, Jaquet du Hallay, Guillaume de Rouvrou, hostagiers et pleige dudit seigneur d'Alençon et chaseun d’eulx de faire toute diligence de soliciter ledit seigneur d'Alençon de paier le residu de sa raençon, de tenir et acomplir l’appointement fait entre icellui monseigneur d'Alençon et les gens et officiers du Roy nostre dit seigneur et de monseigneur le Regent le royaume de France duc de Bedford et que au cas ou icellui monseigneur d'Alençon deffauldroit de paier le residu de sadicte raençon et d’acomplir ledit appointement et les deppendences, ilz et chascun d’eulx afermerent de bonne foy que ilz se departiront et hosteront hors du service dudit seigneur d’Alençon sans jamais le servir en quelque maniere se deffault y avoit dudit paiement et enterinement. Et a ce tenir etc. Et rendre tous coustz ete. Obligerent biens etc. Presens les dessusdis. |

LVITI. — 27 janvier 1428 (n. st.).

Contrat de mariage entre un Anglais et une Anglaise habitant la ville de Rouen. (Reg. du tabellionage de Rouen, 1427-1428, fol. 191-192.)

Mardy xxvij° jour de janvier l’an mil iïij° xxvij..... Conme nagaires en traictant le mariage qui briefment au plaisir Dieu se fera et parfera en face de saint eglise par

entre Guillaume Silvestre, natif de la conté de Hetford en Angleterre officier de monseigneur le Regent, d’une part et Margery Petit, fille de Emond Petit, semblablement anglois, d'autre part, eust esté promis par ledit Silvestre, ou cas que ledit mariage se fera, de douer ledit Margery de la somme de six nobles d’or de rente par an, pour estre, tourner et convertir a elle, sa vie durant et après son deceps aux hers d’eulx yssans, et ou cas que hoirs yssans d’eulx n’auroient, ladicte rente seroit et retourneroit apres le decepz de ladicte femme et des hers d’iceulx audit Silvestre et en sa lingne, laquelle rente il eust promis asseoir eu pais d'Angleterre en ladicte conté de Hartford en bonne et souffisant assiecte, en seurté de laquelle assiecte fere et acomplir dedens ung an du jourd’uy des espousallez d’entre eulx bien et deument par la maniere que dit est, icellui Silvestre se fust submis et promiz paier a Thomas Hunte, escuier, parrent de ladicte Margery, la somme de quatre vings nobles d’or pour une fois seullement pour estre employé en rente ou heritage a tourner et convertir au prouffit de ladicte Margery, sa vie durant et apres son decepz aux hoirs yssans d’eulx deux vivans pour et eu lieu d’iceulx vi nobles d’or de rente, et s’aucuns n’en avoient, icelle rente ou heritage seroit et retourneroit en la lingne dudit Silvestre, comme . dit est ; Savoir faisons, etc., furent presens lesdiz Silvestre et Thomas Hunte, lesquielx congnurent et confesserent toutes les choses dessusdictes et chascune d’icelles estre vrayes; et oultre ledit Silvestre se submist et obliga de faire et acomplir ladicte assiecte d’iceulx nobles d’or de rente par la maniere dessus desclairée ou rendre et paier ladicte somme de ïïij= nobles d’or ou cas dessusdit audit Hunte pour mectre et employer en ladicte assiecte par la maniere dessus declairée, a laquelle emploite fere d’iceulx iüij= nobles d’or par la maniere que dit est icellui Hunte

ou cas que receus les auroïit se submist et obliga de ce fere bien et loyalment pour tourner et convertir comme dessus est desclairé. Et a ce tenir ledit Silvestre obliga corps et biens, ete., tant dela la mer que deca la mer, etc., jurant, ete. Presens Guillaume Wymyton escuier et Jehan Hert. |