LVIII. — 26 avril
Enquête sur les dégâts occasionnés par la guerre aux halles de la ville de Rouen. (ArCH NAT, P 1910, n° 19503. Rouleau de parchemin. Original.)
Informacion faicte par nous Henry Lancestre, lieutenant commis de noble homme monsieur Jehan Salvain, chevalier, baïlli de Rouen, le lundi xxvi° jour d’avril et lez autres jours ensuians, l’an mil cece xxviij, presens et appellez avec nous Michiel du Moult, lieutenant comis de Michiel Durant, viconte de Rouen, et Robin de Croismare, substitut de maistre Robert de Croismare, procureur du Roy nostre sire eudit bailliage de Rouen, sur le contenu en certaines lettres royaulx et mandement de noz seigneurs dez comptes atachié a icelles, impetrées par lez bourgoiz et habitans de ladicte ville de Rouen, desquellez lettres et mandement lez teneurs ensuient. Et premierement desdictes lettres royaulx :
Henry par la grace de dieu Roy de France et d’Angleterre. À noz amez et feaulx conseilliers lez gens de noz comptes a Paris salut et dillection. Noz bien amez lez bourgoiz et habitans de nostre ville de Rouen nous ont fait exposer comme a cause et pour raison de la fiefferme dez halles et moullins de nostre dicte ville qu’ilz tiennent de nous ilz soient tenus paier par chascun an troiz mil
livres tournois de rente et plus, ja soit ce qu'il se deffaille plus de xvi° 1. par chascun an que icellez hallez et moullins ne soient d’auxi grant valleur et revenue comme ce qu'ilz en paient, et il soit ainsi que depuis la conqueste et entrée en ladicte ville faicte par nostre tres chier seioneur et pere cui Dieu pardoint, une grant partie desdictes halles, c’est assavoir la halle aux toilles et canevas et autres ediffices deppendens d'’icelle, et la halle aux revendeurs de draps de dehors, nommée la halle d’Auffay, Pavelly et Danestal, ayent esté par aucun temps continuelment occuppées pour le fait dez forges dez canons et dez bombardes qui illec ont esté faictes et forgées et en autre temps combien que l’en n’y ait pas continuelment forgié, neantmoïns pour l’occupacion dez forges et pour lez desemparemens qui ont esté faictes esdictes hallez a cause d’icelles forges, lesdictes halles en une grant partie ont esté et sont cheues, demolies et inhabitées et ne pevent proufiter, et ont cousté et cousteront plus de mil livres tournois a reparer et remectre sus; et avec ce porcion de l’ostel commun de ladicte ville ait esté continuelment oceuppé et moult dommagié et empirié pour le fait des prisons qui lors furent illec ordennées et establies, et sont encores de present ; pour lesquelles causes par l’ordonnance mesmes de notre dit feu seigneur et pere, Guillaume Alington, escuier, lors tresorier general de Normendie, eust fait fere deffalcacion et rabaiz ausdis supplians par chascun an, pour le louage et occupacion desdictes halles et prisons, de la somme de deux cens livres tournois ; e’est assavoir pour ladicte halle aux toilles et canevas xl L t. et pour ladicte halle aux revendeurs de drap de dehors vi I. et pour lesdictes prisons xl L; et depuis l’an mil cecc vingt deux, ou environ, n’en ont eu lesdis exposans aucun rabaiz ou deffalcacion ; laquelle chose a esté, est et plus pourroit estre en grant charge, prejudice et dom-
maige de nostre dicte ville et desdis exposans, se pourveu n’y estoit de nostre gracieux et convenable remede, si comme 1lz dient, requerans humblement icelluy (1) ; Pourquoy nous, ces choses considerées, vous mandons que sur ce que dit est vous informés bien et deuement, et selon que vous trouverés pourvoyés ausdis exposans de bon et brief acomplissement de justice; car ainsi nous plaist il estre; et a iceulx exposans l’avons octroyé et octroyons de grace especial, se mestier est, par ces presentes, non obstant quelxconques lettres surreptices a ce contraires. Donné a Rouen, le xx° jour de novembre l’an mil eccc vingt sept et de nostre regne le sixieme. Aïnsi signé Par le. Roy, a la relacion du Grant conseil. J. MILLET.
Item ensuit la teneur dudit mandement :
Les gens dez comptes du Roy nostre sire a Paris et lez tresoriers et gouverneurs generaulx de toutes les finances dudit seigneur, au bailli de Rouen ou a son lieutenant, salut. Par vertu dez lettres royaulx auxquelles ces presentes sont atachées soubz l’un de noz signés, impetrées et a nous presentées de la partie dez bourgoiz et habitans de la ville de Rouen, faisantes mencion de certains arrerages par eulx deubz a cause de troiz mil livres tournois que iceulx impetrans sont tenus paier par chaseun an de rente au Roy nostredit seigneur pour raison de la fiefferme dez halles et moullins de ladicte ville de Rouen, lesquelx 1lz n’ont peu ne ne pourroyent paier pour les causes contenues esdictes lettres royaulx, si come 1lz dient, et pour consideracion du contenu en icelles et autres causes à ce nous mouvans, nous vous mandons et com-
(1) La supplique des habitants de Rouen au roi Henri VI çe trouve aux Arch. municipales, ane. tiroir 14, dossier 19 (une pièce papier, non datée).
mectons par ces presentes que, appellez avec vous lez viconte et procureur du Roy nostredit seigneur oudit bailliage ou leurs lieuxtenant et substitut, vous vous informés bien et deuement de et sur le contenu esdictes lettres royaulx et mesmement se depuis la conqueste et entrée faicte en ladicte ville de Rouen par feu le Roy d’Angleterre derrainement trespassé, eui Dieux pardoint, une grant partie desdictes halles, c’est assavoir la halle aux toilles et canevas et autres ediffices deppendens d’icelle et la halle aux revendeurs de draps de dehors, nommée la halle d’Auffay, Pavelly et Danestal, ayent esté continuelment par aucun temps occuppées pour le fait dez forges des canons et des bombardes qui illec ont esté faictes et forgiés, et generalment sur tout ce qui fait assavoir et enquerir en telle matiere, et l’informacion et tout ce que fait et trouvé en aurés nous renvoyés feablement cloz et scellez avec lez advis de vous et desdis viconte et procureur ou de leursdis lieutenant et substitut dedens la Saint Jehan prouchainement venant, afin que ce veu nous puissions pourveoir ausdis habitans sur le contenu esdictes lettres royaulx, ainsi que nous verrons estre a fere par raison et que mandé nous est par icelles, pendant lequel temps tenés et faictes tenir lesdis habitans en suspens et souffrance de paier au Roy nostredit seigneur ce qu'ilz luy pevent devoir d’arrerages a cause de ce que dit est, en ostant tout empeschement qui mis leur seroit au contraire, Donné a Paris le x° jour de fevrier l’an mil cecc vingt sept. Ainsi signé LE BEGUE.
Pierres Pouchin, courtier de draps, demourant a Rouen, en la parroisse Saint Maclou, aagié de liïij ans ou environ, juré et interrogué par serement a dire et depposer verité sur le contenu es lettres royaulx et mandement de nosseigneurs dez comptes, cey dessus transcriptes, dit et deppose quil soit de certain que depuis la rendue de Rouen
une portion de l’ostel commun de la ville vers le Cloz aux Juifz a esté continuelment occuppée en maniere de prisons jusquez a Pasquez derrainement passez que lez prisons du Roy ont esté aprestées où autresfoiz avoyent esté, au devant de la demolicion d’icellez, auprès du chastel de Rouen; en laquelle porcion d'ostel dessus desclairiée lez prisonniers ont esté mis par lez officiers du Roy depuis la rendue de Rouen jusquez a Pasques derrainement passez, come dit est, pour ce que en ladicte ville n’avoit aucune autre place ou maison ordonnée pour prisons, synon seullement ladicte porcion de maison de ladicte ville. Et dit qu'il le soit par ce que pluseurs foiz il a esté en ladicte poreion de maison veoir de sez amis qui y ont esté detenus prisonniers. Enquis se pendant le temps de ladicte occupacion la ville eust peu fere son prouffit de la porcion dudit hostel où lesdictes prisons estoient, dit que non, pour cause de ladicte occuppacion et que le geollier pour le Roy en avoit lez clefz et gouvernement. Enquis combien de temps la halle aux revendeurs de draps de dehors, nommé la halle d’Auffay, Pavelly et Danestal, et auxi la halle aux toilles et canevas appartenantes a ladicte ville, ont esté occuppées pour le fait des forges dez canons et bombardes qui en icelles furent faiz et forgiés, par l’ordonnance de deffunt de noble memore le roy Henry, regent, cui Dieu pardoint, et mesmement par l’ordonnance de monseigneur le Regent, dit et deppose qu’il soit certainement que tantost après la rendue de ladicte ville, lesdictes forges furent faictes et drechées esdictes hallez d’Auffay, Pavelly et Danestal et auxi en la halle aux toilles et canevas, et en icelles ont esté faictes et forgées pluseurs bombardes et canons pour le Roy nostre sire et mondit seigneur le Regent, et lesquellez pour celle cause ont esté oceuppées tant comme le Roy
regent que Dieu pardoïint vesqui, et après son trespas-
