LXIII. — 23 juin
Quitiance de Binot Manseul, maçon, pour travaux exécutés au château de Rouen. (BrB8. Nar., Franc. 26052, n° 1111, Original.)
À tous ceulx qui ces lettres verront ou orront Pierres du Bust, garde du scel des obligacions de la viconté de Rouen, salut. Savoir faisons que par devant Pierres Alatrayme ad ce commis soubz Robert le Vigneron, elere, ta-
bellion juré en ladicte viconté, fu present Binot Manseul, maçon demourant a Rouen, lequel congnut avoir eu et receu de honnorable home et saige Michiel Durant viconte de Rouen, la somme de cinquante quatre livres cinq solz tournoiz qui deubz lui estoient pour son droit, paine et salaire d’avoir fait et parfait de sondit mestier les ouvrages de machonnerie ou chastel du Roy nostre sire à Rouen qu’il esconvenoit de necessité faire oultre et pardessus certaines autres ouvrages d’icellui mestier derrainement alouez et bailliez a faire a Perrin le Doulz et audit Binot en icellui chastel es lieux et ainsi que cy après est desclairé : C’est assavoir fait tout de neuf deux degrez de pierre carrez chascun de quatre marches, chascune marche de cinq piez de long ou environ qui servent l’un en une chambre où l’en retrait plusieurs des biens et ustencilles de la chappelle de monseigneur le Regent et l’autre degré joingnant auprès d’icelle chambre; item avoir resollé et machonné en plusieurs endroiz soubz deux trestres de boiz qui servent aux pons par où l’en va en la grosse tour d'icellui chastel où et ainsi que mestier estoit et avoir restouppé tout de neuf et amassé la bee d’une huisserie en une chambre d’icellui chastel, icelle huisserie. contenant toise et demie de hault, quatre piez et demy de lé et six piez d’espoisse ; fem avoir restouppé ung trou qui estoit ou mur a l’endroit où souloient passer les eaues de la cuisine du Roy en icellui chastel, lequel trou contenoit six piez de hault, quatre piez de lé et dix piez d’espoisse ; {em avoir mis trois pierres es jambes d’une huisserie par ou l’en va es celiers d'’icellui chastel ; fem quatre corbeaux de pierre dont les deux servent a soustenir une souglache soubz la chappelle du Roy et les deux autres servent a soustenir ung tref de la cuisine du commun ; item avoir mis et assiz une pierre dure de demy toise en escarrie à l’entrée du pont dormant d'’icellui chastel vers
la ville, en laquelle a esté fait ung trou en fourme d’esseau où se recueillent les eaues du valve à cheoïr dedens les fossés d’icellui chastel ; tem pour avoir fait plusieurs esteages tant de boiz que de plastre qu’il avoit de neccessité convenu faire pour achever et parfaire lesdiz ouvrages, et en tout ce que dit est faisant avoir trouvé pierre, bloc, morter, bois, charroy et toutes autres matieres et paine d'ouvriers ad ce convenables et neccessaires ; de laquelle somme de cinquante quatre livres cinq solz tournoix dessus dicte ledit Binot se tint pour bien et loyalment paié, content et agréé par devant ledit commis, et en quicta le Roy nostredit seigneur, ledit viconte et tous autres; presens ad ce maistres Alixandre de Berneval, machon et Jaques de Soteville, carpentier, maïstres des œuvres pour le Roy nostredit seigneur des mestiers de maconnerie et carpenterie ou bailliage de Rouen, qui cerüiffierent et tesmoingnerent les ouvrages dessus declairez avoir esté bien et deuement faictes et parfaictes, que tant valoient et avoient cousté par marchié fait audit Binot et baillié a rabaïiz au lieu, en la maniere acoustumée. En tesmoing de ce nous a la relacion dudit tabellion avons mis a ces lettres le seel desdictes obligations. Ce fut fait l’an de grace mil quatre cens vingt neuf le jeudi xxüj° jour de juing, presens Charlet Arambus et Perrenot le Fevre. Signé R. Vigneron et D. Alatrayme.
