LXIV. — 12 septembre
Quittance de Jean Willemer et Guillaume Flye, charpenhers, pour travaux exécutés au château de Rouen. (Bts. NAT., Franc. 26052, n° 1138. Original.)
À tous ceulx qui ces lettres verront ou orront Rogier Mustel viconte de l’eaue de Rouen salut. Savoir faisons
que au jour duy par devant nous furent presens Jehan Willemer et Guillaume Flye, charpentiers, lesquelx de leurs bonnes volentez sans aucune contrainte congnurent et confesserent avoir receu de honnourable homme et saige Michiel Durant, viconte de Rouen, la somme de sept vings quinze livres tournois qui deue leur estoit pour pluseurs ouvrages dudit mestier par eulx faiz au chastel de Rouen, par l’ordonnance de messeigneurs tenans a Rouen le conseil du Roy nostre sire et qui neccessaires estoient a faire eudit chastel; c’est assavoir pour avoir enfusté huit des canons pierriers dudit chastel et fait cinq cens tappons pour icelx canons; tem pour avoir fait eloesons de bois tant plain que wyt sur et autour d’un degré de pierre par où l’en descend aux fossez, solivé sur icelui degré pour y faire une chambre pour la garde de la cuisine et du garde mengier et en icelle cuisine fait ung degré pour monter en la chambre duchere de cuisine et aussy avoir fait et assis ung artref de bois en la grant cheminée de ladicte cuisine ; t{em avoir mis et assis deux soliveaux sur le petit cellier où l’en met les chars sallées; item pour avoir mis et assis cinquante soliveaux jointifs soubz le pavement de pierre de la cuisine joignant a la grant salle et faict ung palis ou cloeson entre ladicte cuisine et la chambre des ordonnances, avoir reparé ung auvent qui cueuvre l’uisserie de la chambre du chambellain : item pour avoir fait une lucarne toute neufve pour donner jour sur la chambre du lieutenant du capitaine, avee ung degré tout neuf pour monter en icelle chambre ; item ung aultre degré de bois tout neuf servant pour descendre en la seulle ou sont a present les bieres ; 1{em avoir mis et assis deux coulombes et une entretaise en la gallerie seant endroit le pont leveiz d’entre la grosse tour et ledit chastel ; {em avoir fait du bois du Roy sept casses ou coffres pour mectre les pierres a canon ; i{em avoir fait deux en-
gins de bois, c’est assavoir l’un servant pour monter grosses pierres de faiz et les mectre sur la terrasse de la grosse tour, et l’aultre servant pour monter la meulle du moulin a cheval, avoir mis deux barres en la grant roe dudit moulin pour acteller les chevaulx et deux grosses aez entre la roe et roet d’icelui moulin pour faire le planchié a passer les chevaulx; îfem avoir fait en la grosse tour ung chep a double estage ; i{em avoir fait [a] piece de bois une petite maison pour faire garde sur le mur de la tour carrée seant en la basse court; fem avoir mis et assis xxviij soliveaux en l’estage dessus la chambre du connestable dudit chastel ; fem avoir assis deux aez au pont dormant d’emprez la porte par où l’en va à la tour carrée; item avoir fait une lucarne toute neufve pour donner jour en la chambre de l’artillerie et assis deux soutieres toutes neufves audessus de la chapelle; item pour avoir estayé en pluseurs lieux ung paon de mur pour reperer de maçonnerie en la devanture de la maïson où sont les aournemens de la chapelle, et aussy estayé pluseurs postz et solles, pour basser, soller et maçonner, en pluseurs endroïs ou mestier estoit eudit chastel, et en ce faisant lesdiz ouvriers ont livré boïs neccessaires pour les ouvrages dessus desclairés, reservé les coffres des pierres a canon, de laquelle somme de vij*= xv 1. tournois lesdiz charpentiers se tindrent pour bien paiez, et en quicterent le Roy nostre sire ledit viconte et tous aultres. Present ad ce Jaques de Sotteville, maiïstre des œuvres de charpenterie du Roy nostredit seigneur lequel certiffia et tesmongna les ouvrages dessusdiz avoir esté bien et deument faiz au proufit dudit seigneur, que necessaires estoient a fere et avoient cousté le pris dessus deselairé par marchié fait et demouré aux dessusdiz a rabaïiz en la maniere acoustumée. En tesmoing de ce nous avons scellé ces lettres du grant scel aux eauses de ladicte viconté de
2 Re hate PEAR
l’eaue qui furent faictes et passées le xij”® jour de septembre l’an de grace mil ccce xxix. Signé J. Coudren.
