LXV. — Rouen, 3 octobre

Ordonnance des gens du Conseil taxant à six livres tournos par jour les frais de voyage de Jean Doule, conseiller et maître des requêtes de l'hôtel, envoyé en Angleterre, avec Jean de Saane, chevalier, pour exposer au Roi la situation des affaires de France et le pressant besoin de secours qu'ont les Anglais (1). (Arch. de la Seine-Inférieure, Fonds Danquin. Original.)

Les gens tenans a Rouen le Conseil du Roy nostre sire et commissaires d'’icellui seigneur en ceste partie A Pierres Surreau, recepveur general de Normendie, salut. Comme naguaires nostre tres redoubté seigneur monseigneur le Regent eust ordonné tres reverend pere en dieu monseioneur le Cardinal d’Engleterre, messeigneurs les evesques de Beauvés, l’abbé du Mont et autres aller en ambassade devers le Roy nostre souverain seigneur et son conseil en Engleterre, pour remonstrer les estat et neccessités de ce royaume, la puissance des ennemis et autres choses desclairiées es instrucions sur ce faictes tendant entre autrez choses affin d’avoir provision et aide de gens pour la garde, tuicion et deffence de ce royaume, comprins ens

(1) Un mandement des trésoriers et gouverneurs généraux des finances, daté du 8 novembre 1428, nous apprend qu’à cette date Jean Doule avait été continué et retenu par le Roi dans son office de conseiller du grand conseil « ainsi et par la maniere qu’il estoit par avant que monseigneur le Regent le retrait et retint en son service », c’est-à-dire aux gages de 600 livres tournois par an. (1bid., Fonds Danquin.)

Normendie, et recouvrer les places perdues pour le bien du Roy et de sa seigneurie; et pour ce que mondit seigneur le Regent a de nouvel rescript a mondit seigneur le Cardinal aller devers lui a Paris pour certaines grans causes touchant le Roy nostre sire et sa seigneurie, par quoy convient que ladiete embassade prengne trait, ait esté ordonné et delibéré par mondit seigneur le Cardinal et nous que messire Jehan de Sane, chevalier, seigneur dudit lieu, et maistre Jehan Doule, conseiller et maistre des requestes de l’ostel du Roy nostredit seigneur yront presentement et en toute haste devers le Roy nostredit seigneur, son conseil d’Engleterre et son parlement qui a present siet a Londres, pour remonstrer et ouvrir les causes, moiens, fins et conclusions de ladicte embassade, en attendant que mondit seigneur le Cardinal aït opportunité de temps d'aller en icelle embassade, se faire se peult, pour lequel voiage faire nous avons tauxé et par ces presentes tauxons par laditte ordonnance et deliberacion audit maistre Jehan Doule pour chascun jour qu'il vacquera oudit voiage la somme de six livres tournois oultre ses gaiges ordinaires et lui estre fait presentement et avant la main prest pour deux mois audit pris montant a la somme de trois cens soixante livres tournois. Sy vous mandons et enjoingnons que des deniers de vostre recepte vous paiez et delivrés audit maistre Jehan Doule icellui prest de trois cens soixante livres tournois sur ledit voiage, pour lequel lui paiez pour chaseun jour qu’il affermera avoir vacqué oudit voiage laditte somme de six livres tournois oultre sesdis gaiges ordinaires, et par rapportant ces presentes avec quictance souffisant sur ce dudit Doule ce que paié aurés sera aloué en voz comptes et rabatu de vostre recepte ou, quant et ainsi qu’il appartendra. Donné a Rouen soubz le singnet dudit conseil le tiers jour d’oc-

tobre l’an de grace mil ecce vingt neuf (1). — Par les gens du conseil du Roy nostre sire en Normandie et commisseres. G. Sebire (avec paraphe).