XCIII. — 23 juillet

Accord entre deux bourgeois de Rouen pour la construction d’un mur mitoyen séparant leurs maisons, en la paroisse de Saint-Ouen. (Reg. du tabellionage de Rouen, 1430-1431, fol. 353 verso.)

Lundi xxüj° jour de juillet mil iiij xxxi............ Guillaume Ballandonne, teinturier, demourant en la parpoisse Saint Ouen de Rouen, d’une part, et Regnault Benard, drappier de ladicte parroïisse d’autre part, les-

D mn ca 4

quelz confesserent que pour cause d’un mur de pierre qui a chacun d’eulx et chacun par moictié appartenoit et appartient pour raison de deux maisons joignantes ensemble assises en ladicte parroïsse, appartenans l’une audit Ballandonne qui est du costé la rue de l’Omosne et l’autre audit Benard qui est du costé Mahiet Roussel, pour ce que ledit mur est ruyneux et poy prouffitable a leursdiz heritages, mesmes moult nuisant a certain ediffice que ledit Ballandonne faisoit et vouloit fere sur sondit heritage, ilz avoient fait traictié, accord et appointement entre eulx en la maniere qui ensuit : C’est assavoir que a l’endroit d’icellui mur, en tant comme monte xl piez de long ou environ, ledit Ballandonne feroit faire tout prest et a ses despens une paroy de carpenterie, maconnerie et plastrerie suffisamment achevée de costé et d’aultre, qui seroit et demourroit commune pour le temps avenir auxdiz heritages pour eulx y ediffier et enclaver ainsi que mestier leur seroït, et qui demourra assise sur et a l’endroit ou la solle en est de present assise ; en faisant et levant laquelle paroy ledit Ballandonne avoit accordé de a ses despens retenir et soustenir les trefz de la maïson d'’icellui Benard partout ou mestier seroit vers et ou costé de ladicte paroy, sauf que se les trefz de la maison dudit Benard ne povoient aprouchier a troiz doye prez d’icelle paroy que fait ou fera fere ledit Ballandonne, icellui Benard sera tenu iceulx trefz qui d’iceulx ïij doye seroient trop cours a venir a ladicte paroy soustenir sur soy et a ses despens, laquelle paroy quant faicte et achevée sera par ledit Ballandonne depuis bas jusques au hault de la couverture dudit Benard de la longueur dessusdicte sera pour le temps avenir maintenue et soustenue aux communs despens desdictes parties ; et si feront et maïntendront a leurs despens une goutiere sur et a l’endroit de leurs maisons et de ladicte paroy, qui sera commune par

entre eulx; par lequel appointement et accord ledit Ballandonne devoit fere abatre ledit mur de la longueur de ladicte paroy et en fere les wydages a ses despens, dont il auroit la pierre qui en ystroit; et quant au sourplus d’icellui mur qui demourra au bout de derriere d’icelle paroy quant achevee sera, sera et demourra moytoyen auxdictes parties, et reclorra ou fera reclorre ledit Ballandonne ce qui en sera a reclorre et estoupper vers ledit Benart au bout de derriere d'’icelle paroy bien et convenablement ; de toutes lesquelles choses lesdictes parties se tindrent pour bien contens etc. et les promistrent tenir ete. obligeant l’un a l’autre biens etc. Presens Guieffroy de la Crote et Guieffroy Le Fevre.