XCII. — 18 juin

Vente à Guillaume Fils Henry, écuyer de corps du Roi, de deux maisons et d’un jardin, paroisse Saint-Godard, joignant à l’allée des murailles de la ville, (Reg. du tabellionage de Rouen, 1430-1431, fol. 323.)

Lundi xvüj° jour de juing mil ïiij xxx1............. Pierre de Louvan, machon, et Michielle sa femme a cause d’elle, a present demourans en la parroïsse Saint Godart de Rouen, auctorisée etc., vendent, quictent et delaissent ä heritage ete., a noble homme Guillaume filz Henry, escuier de corps du Roy nostre sire etc., une maison à pionon sur rue et une petite maison derriere avecques le gardin qui est derriere icelle petite maison et derriere la maison ou demeurent lesdiz vendeurs, lequel gardin se prendra depuis le bout de derrière d’icelle petite maison de tel laiseur et ainsi cloz qu'il est de present jusques a l’allée des murs et fortificacion de ladicte ville, le tout

ainsi etc, assis en ladicte parroïsse Saint Godart, d’un costé lesdiz vendeurs a cause d’une maison apentiche ou demeurent de present lesdiz mariez et d’un pou de gardin derriere icelle qui leur demeure jusques au bout de derriere d’icelle petite maison et d’icellui costé Guillebert Duval, d’autre costé une ruelle appellée Romme qui maïne de la rue d’Aubevoye sur lesdiz murs, d’un bout le pavement de ladicte rue d’Aubevoye, et d’autre bout ladicte allée de dessus iceulx murs, a tenir icellui heritage vendu par cinquante solz tournois et ung cappon de rente qui d’icellui heritage dessus bourné et de la maison ou demeurent lesdiz mariez sont deuz, c’est assavoir les L solz aux hers de feu maistre Henry ou Jehan diz Ango et ledit cappon au curé de Saint Denis de Rouen, dont ledit heritage de present vendu demeure chargié pour toutes rentes et charges ; pour xl livres tournois paiez presentement en xiiij nobles d’or et demi de bon or et de bon poiz du coïing d’Angleterre, et iij solz vi deniers de monnoïe avec x solz pour vin, dont etc. Et en quicta etc. Et garantit par ce que dit est ete. Et que jamés riens ete. Obligeant biens ete. Presens Benoist Maillot et Raoulin de Lessau.