XCV. — 30 septembre

Fondation de messes en l’église de Saint-Jean-sur-Renelle par Richard Quineglenne et Guillemette, sa femme. (Reg. du tabellionage de Rouen, 1431-1432, fol. 7.)

Dimenche derrain jour de septembre mil inij° xxxi... Richart Quineglenne et Guillemecte sa femme de la par-

roisse Saint Jehan sur Renelle, ladiete femme auctorisée ete., lesquelz pour pourveoir au salut de leurs ames et des ames de leurs feux peres et meres, parens et bienfaicteurs, pour demourer aux prieres, oroisons et biens faiz qui de jour en jour se font en saincte eglise, et en especial en l’eglise dudit Saint Jehan sur Renelle, pour icelles causes et autres qui à ce les ont meu et meuvent, de leurs bonnes volentez ete. eulx sur ce bien conseillez ete., congnurent avoir donné, omosné et par ces presentes donnent et omosnent, quictent, transportent et delaïssent a heritage ete. au tresor et fabrique de ladicte eglise de Saint Jehan et a leurs successeurs tresoriers en ladicte eglise, c’est assavoir xxx solz tournois de annuelle et perpetuelle rente, a prendre, cueillir et recevoir doresenavant a tousjours perpetuelment par voye d’execucion par les tresoriers de ladicte eglise qui a present sont et qui pour le temps avenir seront ou par le porteur de ces lettres, a quatre termes en l’an a Rouen acoustumez, premier Noel prouchaïinement venant, en et sur ung tenement de maisons contenant six estages et six louages appartenant auxdiz mariez tant en fons que en rente a cause de ladicte femme, assis en la parroisse de Saint Lo de Rouen en la rue aux Juifz, d’un costé a ladicte rue, d’autre costé aux heritages qui furent Mahiet de Gournay de present appartenans a Jehan des Loges, d’un bout au cloz aux Juifz de present nommé et appelé le Neufmarchié, d’autre bout par le hault d’icellui tenement a Clement de la Boïssiére et par le bas à une allée appartenante audit Des Loges a la cause devant dicte. Cest don et omosne fait par lesdiz mariez parce que venerable et diserete persone dampt Jehan le Mire, recteur de ladiete eglise, Guillaume Le Fliquier, Jehan dela Vatine et Thomas Regnart tresoriers de ladicte eglise Saint Jehan, Jehan Le Baléncher, Robin Paine, Simon Houllecte, Jehan Le Boullenguier, Pierre Le Page,

Jehan Daguenet, Pierre Le Sergent, Michiel Vatine, Jehan Decauquart, Pierre Berthemieu, Estienne Le Fremailler, Robin Feré et Olivier Deshayes, parroissiens d’icelle parroisse, pour eulx et leurs successeurs curez, tresoriers et parroissiens d’icelle parroiïsse, vouldrent, consentirent et aecorderent que lesdiz mariez, leurs enffans et aussi Guieffroy Dagoubert, frere de ladicte Guillemette, soient enterrez en ladicte eglise de Saint Jehan et que pour ce fere ayent une place en ladicte eglise devant le crucefilz d’icelle eglise entre l’autel saint Nicolas et l’autel Nostre Dame, auprez et joingnant du lieu euquel souloit estre l’autel saint Pierre saint Pol, auquel lieu et place iceulx mariez ou leurs effans pourront s’il leur plaist fere asseoir une tombe de longueur et largeur convenable à la presentacion de deux personnes pour y demourer a tousjours en signe de la commemoracion desdiz donneurs, sans ce que lesdiz recteur, tresoriers et parroissiens presens et avenir la puissent hoster ne en autre nom faire graver ne en icelle place ne soubz ladicte tombe fere aucune persone enterrer aultre que ceulx dont dessus est faicte mencion se ce n’estoit du gré et consentement desdiz donneurs ou leurs enffans leur vie durant tant seullement ; et par ce aussi que lesdiz tresoriers et parroissiens pour eulx et leurs suecesseurs tresoriers et parroissiens se submistrent et obligierent faire dire et celebrer en ladicte eglise Saint Jehan en l’autel Nostre Dame, pour le salut des ames desdiz donneurs, leurs peres, meres, parens et bienffaicteurs, a tousjours perpetuelment chacun an quatre messes basses a heure de soleil levant a estre dictes chacune d'’icelles messes de quart d’an en quart d’an le premier lundi ensuivant de chaseun terme que l’en a acoustumé paier les rentes a Rouen, qui sont Noel, Pasques, Saint Jehan et Saint Michiel, premier jour et terme de icelles messes dire et celebrer le lundi prouchaïin d’aprez Noel prouchaïin venant,

sauf que en cas ou ladicte rente diminueroit, iceulx tresoriers et parroissiens pourront diminuer a fere dire icelles messes, c’est assavoir pour chascun deux solz six deniers de rente qu’il se deffauldroit que ladicte rente de xxx solz ne fust en bonne valleur une messe, et non autrement. Et a toutes les choses dessusdictes tenir, ete., sans contreait, ete., lesdiz tresoriers et parroissiens, pour eulx et leurs successeurs tresoriers et parroissiens obligerent iceulx trente solz de rente avec tous les autres biens et heritages de ladicte eglise et tresor d’icelle, presens et advenir; et lesdiz Quineglenne et sa femme donneurs et omosneurs promistrent que jamais en iceulx xxx solz de rente riens, ete., et que jamais contre ce present don et omosne ne yront, ete, et qu'ilz puissent faire leur pure et plaïne justice par voye d’execucion sur ledit heritage dessus bourné pour iceulx xxx solz de rente avoir et pourcachier chacun an aprez chacun terme passé, obligeant biens, etc., jurans, ete., renonçans, etc. ; Presens Jehan de Brunville et Jehan Vastel.