XCVII. — 6 octobre

Lettre de rendue d’Ydoine, veuve de Robert Auguy, de Saint-Nicolas-le-Painteur, qui se retire avec tous ses biens chez son fils, maître Raoul Auguy. (Reg. du tabellionage de Rouen, 1431-1432, fol. 11 recto.)

Samedi vi* jour d’octobre mil iiij® xxxi............ Ydoyne, veufve de feu Robert Auguy, demourant en la parroisse Saint Nicolas le Painteur de Rouen, considerant son ancien aage et foiblesse et que bonnement pour ie temps avenir ne se sauroit gouverner et paier ses debtes, pour icelles causes et autres congnut soy estre rendue avecques tous ses biens meubles et heritages, debtes, lettres, arrerages, rentes, revenues quelzconques, sans riens retenir ne excepter, a honnorable et discrete personne maistre Raoul Auguy, filz dudit deffunct et d’elle et presentement de tous sesdiz biens meubles, lettres, debtes, cens, rentes et revenues quelzconques se dessaizi et desveti

et en saizi et voult estre saizi et vestu icellui son filz, voullant que lui ou personne ou procureur pour lui en puisse prendre saisine et possession et en fere comme de sa propre chose. Ceste rendue faicte pour et parmi ce que ledit maistre Raoul qui present est se submist et obliga trouver a sadicte mere, la vie d’icelle durant tant seullement, toutes ses neccessitez de boire, mengier, vestir, chausser, feu, lit et hostel bien et honnorablement et convenablement paier ses debtes, les rentes et charges que doivent ses heritages et aussi paier en la fin de ses jours son testament selon la possibilité d’elle et de ladicte rendue. Et promist icelle Ydoine tenir, etc., sans venir encontre sur l’obligation de tous ses biens, ete. Presens Henry Heudyer.et Drouecte femme de Jehan Besoche.