XXVII. CHANSON NOUVELLE

Composée des beuveurs de vin. Sur le chant S'il vous plalst ouyr dire.

Oyez, je vous en prie, De ces beuveurs d'autant, Lesquels, par yvrognerie, Font des maulx plus que tant; Je croy qu'ilz n'auront mie Leur part en paradis, Comme sainct Paul affie Clairement par ses dictz.

Dedans la sienne épistre Faicte aux Corinthiens, Au seizième chapitre Leur a dict par bon sens :

Que paillards et yvrongnes, Tant jeunes comme vieulx, N'auront pas'grand besongnes Au Royaulme des cieulx.

Il convient sans conclure Que jamais sans finer Souffriront peine dure En l'abysme d'enfer.

Et pour leur faulx délice, Quant au doulx yvrogner, Ils bevront au calice Du mauldict Lucifer.

Hélas ! quelle destresse Et quel malheureté

Sera d'estre sans cesse Là ainsi tourmenté ; Mieulx le vouldroy donc boire Maintenant sobrement, Qu'en ung tel réfectoire Boire à jamais d'autant.

Si bien recognoissoient La grâce que Jésus Leur a faict quand estoient Par Adam tous perdus, Continuellement D'eulx seroit salué En le remerciant Congnoissant leur péché.

Adonc faut quelque doubte, L'on est en piteux train Et n'y a somme toute Péché tant inhumain; Que l'on dict ou ne face Difforme et sans raison, Pour tant qu'on n'a la grâce Ne désir d'estre bon.

Nous prirons Dieu qu'il veuille, Par son fervent désir Et de sa bonté seule De bien tost accomplir Que l'homme soit honneste, Veu qu'il est chrestien, Et non pas comme beste Qui ne sçait mot de bien.

:»(l CHANSONS