XXX. CHANSON NOUVELLE

Faicte sur les accordz entre le Roy et l'Empereur et se chante sur le chant : Quand me souviens de lapoulaillc.

Bons chrestiens trestous ensemble, Louer debvons le nom de Dieu, Puisqu'il a pieu au Roy de France Traicter paix avec l'Empereur.

Tresves sont données de bon cueur Pour dix ans, esse pas bon fruict?

Marchantz yront jeunes et vieulx En marchandise jour et nuict.

Trestous capitaines de guerre Se retirent à leurs maisons, Et dorénavant tenir terre Sans avoir coups et horions; Car ceste année nous espérons Que marchandise aura le fruict Sans user plus de trahysou, Puisque les Roy s sont bons amys.

Marchantz de France et de Bret;; Allez tous sur mer hardiment.

En Portugal et eu Espaigne, Puisqu'ils ont faict appoinctement ; Allez partout asseurément, 11 ne fault plus de sauf-conduyt; Croyez qu'elle est finie la guerre, Puisque les Roys ont faict édict.

Retirez vous et prenez terre Tous compagnons adventuriers, Puisqu'elle est finie la guerre, Convient reprendre vos mestiers ; De bon cueur et très-voulentiers, Sans acquérir de mauvais bruict, Gaignant voz biens loing et près, Puisque les Roys ont faict l'édict.

Les justiciers auront le bruict Et les marchands, s'il plaist à Dieu, Chase un dormira en son lict A sa maison et en tous lieux.

Le peuple en sera fort joyeulx, Car c'est un grand appointement ; Acquérir fault la paix de Dieu Pour vivre plus asseurément.

Prions pour le Pape de Romme Qui a faict le commencement, Et pour le noble Roy de France Et pour tous gens d'entendement.

Dieu leur doint bon achèvement, Puisqu'ils ont entreprins cecy, Croyez qu'elle est finie la guerre, Puisque les Roys ont faict l'édict.