XXXI. CHANSON NOUVELLE

l'ai ete sur les trêves faictz entre le Roy . ■( l'Empereur et se chante sur le chant de : 0 maistre Anthoine de Beaulicu.

Vive le uoble Roy Françoys Avecqnes sa bonne alliance, Puisqu'ilz ont esté si courtoys De faire appointement ensemble; Sa esté de tresves marchandes Bien accordées pour dix ans Pour trafiquer trestous ensemble Marchandise communément.

Franooys, Flamans et aultres gens.

N'ayez plus de discord ensemble, Puisque les princes sont contens Que vous soyez d'une alliance, Et tant au Royaulme de France Que à celluy de l'Empereur Que vous soyez en jouissance Sans que plus soyez en rigueur.

11 est certain, vous le voyez.

N'en faictes pas de différence Que les tresves sont publiez Par tout le Royaulme de France-, C'est pour nous grand resjouissance, Puisque les Roy s sont bons amys.

Que l'Empereur a alliance Au noble Roy des fleurs de ly.s.

La noble dame Alienor En a bien faict la diligence

D'aller par devers l'Empereur Luy faire honneur et révérence, Disant : Mon frère d'excellence, Faictes la paix à mon niary, Mettez la guerre en oubliance, Car il n'est vie que d'estre amys.

Nous vous debvons bien fort aymer, Très-noble et puissant Roy de France, Et la dame que vous aymez, Alienor, Royne de France, Qui a f aict bonne diligence De traicter l'appoinctement; L'Admirai envoya à Rome Pour le Sainct Père doulcement.

O très-révérend Père sainct, Vous estes aymé des humains

Que avez délivrez la guerre; C'est une chose de mémoire Que nous devons bien révéler D'avoir ainsi fini la guerre On vous en doibt remercier.

Faisons prières de bon cueur Pour le très-noble Roy de France Et aussi bien pour l'Empereur Que Dieu leur «îoint bonne alliance ; C'est de vivre tousjours ensemble, Sans jamais avoir de rigueur, Et de vivre sans différence Comme le frère et la sœur.

I IIAN80N8