XXXIV. AULTRE CHANSON NOUVELLE

Adieu ma mye, adieu ma rose,

Jamais je ne vous oubliray;

Sur toute chose mou cueur est vostre,

Tout par amour vous l'ay donné.

Se vous tenoys emmy ce ]-

Une heure ou deux sans deshonneur,

Je vous compterois par mes doigts

Une partie de ma douleur.

Ma mye se vous estiez malade, Je vous vouldroys aller garder ; En passant parmy une haye Une espine me mis au pied, Ma mye venez la moy oster, Je ny puis plus marcher ung paa, Or n'iray-je jamais nuds pieds Pour en endurer tant de mat

Or n'auray-je jamais fiance En femme de ce pays cy; Car j'en ay longtemps aymé une.

Mais elle m'a mis en oubly.

Compté luy ai ma volonté Depuis la teste jusques aux pieds; Mais maintenant mieux me vauldroit Ne luy en avoir point parlé.

Baisez vostre amy à la bouche Tant que le cueur luy face mal ; De son baiser pas ne vous touche, Mais il vous en viendra du mal Quant vostre départy sera; Je languiray tousjours pour vous.

Adieu mon très-loyal amy, J'ay perdu mon temps avec vous.

Mon amy, si j'eusse pensé Estre de vous si tost banny, Je ne vous eusse point aimé Pour en avoir un tel ennuy.

Ma mye recullez-vous d'icy, Je ne puis plus parler à vous, Adieu je vous dis, pour tous mots, Se ne vous aime, c'est par vous.

Ung soir en allant voir sa mye Ung joly compagnon barbier, Quand fut entré dedans sa chambre, Ung bonnet rond y a trouvé.

Il est allé à luy parler:

Monsieur, que faictes-vous icy?

H a voulu faire bouffer, Le bonnet rond a gaigné l'huis.

Celuy qui fit la chansonnette Ce fut un compagnon sellier; Il a longtemps aimé sa mye, Mais elle ne le voulut aymer.

Il l'a aymée si longuement, Si longuement sans prendre fin; Mais l'oyseau qui a si bon bec Ne vient jamais à bonne fin.