XLIII. CHANSON NOUVELLE

Sur le trespassement de Madame Isabeau , Royne des Espaignes, femme de l'Empereur, sur le chant : Adieu, ma mye, adieu, ma rose.

Voulez-vous ouyr des nouvelles Qu'en France avons pour le présent, Car c'est la Royne d'Espaigne Trespassée nouvellement; Jésus veuille avoir son âme.

C'estoit une dame d'honneur, Et si estoit femme et épouse Au noble puissant Empereur.

L'Empereur par grand amytié

Ambassade a envoyé

Vers le noble Roy Françoys ,

Pour luy aller signifier

Que sa femme estoit trespassée,

Dont le Rov en fut fort marrv;

Soubdain fist faire un beau service Dans Nostre-Dame de Paris.

Dans Nostre-Dame de Paris, Le Roy l'église a faict parer De noir en signe de grand deuil, Pour l'honneur de la trespassée; Avec les armes de Bourgongne Qu'en l'église furent boutez, Nous en dirons trestous pour elle Ung requiescat in pace.

Vous eussiez veu dedans l'église Ung tabernacle triumphant Paré de noir par très-grand deuil ; C 'estoit un noble parement, Cierges et torches allumées.

C'estoit chose fort triumphant Pour l'honneur de la trespassée Qui estoit sœur au Roy puissant.

Le noble Daulphin des Françoys Au service estoit présent Qui représentoit la personne De son père le Roy puissant, Et le grand parlement de France, Seigneurs, bourgeois et dames aussi, Avec toute la gentillesse Qu'alors estoit dedans Paris.

Noble Royne Alienor, Tn te prias trop à soupirer, Quant ouys les piteuses nouvelles Que ta sœur estoit trespassée, En lui recommandant son âme A Jésus-Christ notre pasteur,

De Portiugal estoit saillye Et si estoit ta belle sœur.

Celluy qui fist ceste chanson, De Portiugal il est natif, Qui estoit avec l'ambassade Qui s'en vint à la fleur de lys Racompter au bon Roy de France Las! le piteux trespassement ; Nous en dirons trestous pour elle Ung requiescat in pace.