XLII. CHANSON NOUVELLE

De la réception et parlement du Roy à l'Empereur à Ayguemorte en Provence. Et se chante sur le chant: Quant je partismes de Guy se, par un lundy matin.

A Ayguemorte en Provence A esté l'assemblée Du noble Roy de France Et de son frère aymé.

C'est le Roy des Romains Grand Empereur de Rome, Et le Pape à Nice estoit, Qui est noble et sain et homme.

Cest noble Empereur, Soubdain fist apprester Grand nombre de basteaulx Et si s'est embarqué, Et vint diner joyeusement Avec le Roy de France,

7 G OHANSOVI

Et le bon Roy fut au devant Et la Royne de France.

Le noble Roy de France Alors fist apprester Navires et gallères, Et fort bien équiper; C'estoit pour saluer Toute la gentillesse De l'Empereur des Romains Et toute sa noblesse.

Monsieur le Cardinal

De Lorraine y estoit,

Si estoit le grand maistre

Connestable du Roy,

Et Vendosme et Sainct-Paul aussi

Avec grand seigneurie,

Et Daquebault grand mareschal

De France la jolye.

Si ont accompaigné

Le Roy par grand honneur,

Pour aller recepvoir

Le noble Empereur.

Et l'ont reçeu triumphamment

Avec grand seigneurie

Et l'Empereur vint accoller

Le Roy par courtoysie.

Le noble Empereur Alors prind bravement Sa sœur Royne de France Et baisa quand et quand, En saluant joyeulsement Le noble Rov de France,

Et vint au Roy triumphamment En grande révérence.

Les trompettes sonnèrent Et plusieurs esbattements, C'estoit pour recepvoir L'Empereur des Romains, Et l'ont reçeu bénignement En grande révérence, Et fut logé tout à vis Du noble Roy de France.