VI. AULTEE CHANSON NOUVELLE

Entre vous filles qui aymez, X'aymez point que de mesure, Et vous gardez des petits pieds, Car ils font rompre la ceinture ; Les petits pieds sont de nature, Ils m'ont fait le rentre lever; Ils m'ont fait rompre la ceinture En me cuydant un peu serrer.

Que mauldicts soient les petits pieds Qu'ils ne sont faicts en mariage, Se n'eust esté les petits pieds, J'eusse encore en mon pucellage.

Adieu, m'en voye au verd bocage Ouyr le rossignol chanter, De là m'en voye en Italie, Je ne sçay quand je reviendra}-

Quoi mon amy, si tu t'en vas, Comment en as-tu le courage?

Tu as eu ma grande beauté Aussi as-tu mon pucellage.

Adieu, m'en voye au verd bocage Ouyr le rossignol chanter, De là m'en voye en. France la-jolye, Je ne sçay quand je reviendray.

Adieu mes sœurs, adieu mes frères, Priez pour moy, je vous en prie, Car je croy que je vais mourir.

En regrettant la rusterie Que j'ay faict avec mon amy.

Mauldicts soient les envieulx Qui sur moi ont envie, Si n'eust esté les envieulx Je fusse encore avec ma mie ; En demandant soûlas à vie De mener joye et plaisir, En regrettant la rusterie Que j'ay faict avec mon amy.